996 Whangape Road, RD1, Herekino
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
“Ko Whakakoro te maunga moana
Ko Rangiputa te maunga whenua
Ko Whangapē te moana
Ko Awaroa te awa
Ko Mamari te waka
Ko Kaha te tupuna
Ko Te Kotahitanga te marae
Ko Ngāti Haua te hapū
Ko Te Rarawa te iwi”
E tū ana Te Kōhanga Reo o Te Kotahitanga o Whangapē ki te marae o Te Kotahitanga. E tū taratahi ana ki te taha whakateraki o te whanga o Whangapē. Tata ki te 30 tau te kaiako matua i whai wāhi atu ki te kōhanga reo. He tino hononga ā-whakapapa ki waenga i ngā kaimahi, ngā whānau, me ngā mokopuna.
Ka kitea te harikoa me te ngākau titikaha o ngā mokopuna ki tō rātou kōhanga reo.
E ako ana ngā mokopuna i ō rātou tūranga me ā rātou kawenga hei uri o Te Rarawa, hei kaitiaki hoki o tō rātou rohe. E pou here ana ngā tātai whakapapa i ngā hononga e hāpai ana i ngā mokopuna ki te tū māia, ki te tū pakari ki te kōhanga reo, ki tua atu hoki. Ka whakapakarihia te kaitiakitanga o ngā mokopuna mā ngā kaupapa pērā i te hauhake i te māra kai, i te ako i ngā tikanga e hāngai pū ana ki Te Rarawa mō te moana me te mahi kai moana. Ko te tūhura i te marae i ia te wā, me te kaha whai wāhi atu hoki ki ngā kaumātua me ngā kuia e hāpai ana i ngā mokopuna ki te whakawhanake me te mārama haere i tō rātou kaitiakitanga hei tangata whenua. Ka kitea te ngākau nuitanga o ngā mokopuna ki te ako i ngā tūāhuatanga e pā ana ki tō rātou wāhi motuhake me tō rātou tū hei kaitiaki taiao.
Whakamahia ai te reo o Ngāpuhi i ia rā, ā, koia nei te reo matua o ngā whakaakoranga. Ka whakamahi ngā kaiako i ngā rautaki ako reo matua ki te whakapakari i te māramatanga o ngā mokopuna ki te reo Māori, pērā i te tāruarua, te patapatai, me te whakatauira. Kei te taunga ngā mokopuna ki te whakapuaki i ō rātou whakaaro ki ētahi atu. Ka tohu i tō rātou māramatanga mā ngā mahi ā-ringa, mā te āhua hoki o ngā kanohi, me ngā oro. He māmā ki ngā mokopuna te whakamātau i ngā kupu hou, ā, ka oke ki te whakawhitiwhiti i ā rātou kōrero me ō rātou whakaaro. E whanake ana te ngākau titikaha o ngā mokopuna ki te kōrero i te reo o Ngāpuhi.
E pou here ana te whanaungatanga i ngā hononga kei ngā reanga katoa o te kōhanga reo. Kei te tino mōhio ngā kuia me ngā kaimahi ki ngā mokopuna, ā, ka toro atu ki aua mōhiotanga ki te ārahi i ngā taunekeneke me ngā hononga ki te kōhanga reo. He ngāwari, he atawhai hoki ngā kaimahi i a rātou e mahi ana ki ngā mokopuna, ā, kei te mārie, kei te mauritau ngā tamariki. Ka ngākau nui ngā mokopuna ki te whai wāhi atu ki ngā kaimahi me ngā manuhiri. He kaha ngā kaimahi ki te mātakitaki me te aro atu ki ngā tūmomo matea me ngā tūmomo ngākau nuitanga o ia mokopuna. Ka kitea ki ngā mokopuna tō rātou pakari ki te taunekeneke ki ētahi atu.
Me whakapakari te whānau whakahaere i tō rātou māramatanga ki ō rātou tūranga me ā rātou kawenga. Kua oati te whānau, kāhore rātou e āta whakatutuki ana i ngā whakaritenga ki te whakatutuki i ā rātou takohanga ā-ture mō te kāwana, te whakahaere, me te whakarite i ngā whakahaeretanga o te kōhanga reo. Tāpiri atu ki tēnā, e tika ana kia whakawhanakehia tētahi mahere ā-tau e ārahi ai i ngā whakahaeretanga o te kōhanga reo, me te kawe atu i ngā arotakenga auau o ngā kaupapa here, i ngā hui ā-whānau hoki, me te whakawhanake i ngā aratohu mō te whakahaere i te tahua pūtea, tae atu ki ngā utu i te roanga o te tau. Ka whai hua ngā mokopuna i te wā e tino māramahia ana, e tino whakatutukihia ana hoki ngā kawenga whakahaere a te whānau.
Kāhore ngā whakaritenga o te Children's Act 2014 e āta whakahaerehia ana, e māramahia ana rānei, e whāia ana rānei. Ahakoa te pakari o te whakawhanaungatanga ki waenga i te whānau me ngā kaimahi, ahakoa te kaha mōhio o tētahi ki tētahi, me ū tonu ki te tukanga mō te arowhai i te haumaru, me ngā mahi arowhai a ngā pirihimana. Me whakapiki ake hoki i te mōhiotanga o ngā kaimahi ki te whai pānga o te Children's Act 2014 ki ō rātou tūranga, inarā, ki ngā whakaritenga mō te kite, te tuhi haere, me te pūrongo i te tūkinotanga. Ka whakatairangatia te haumaru o ngā mokopuna i te wā e whakahaere tōtikatia ana ngā herenga ā-ture e pā ana ki te haumaru.
I tēnei wā, he maha ngā kaupapa here me ngā tukanga a te whānau mō te hauora me te haumaru, hei arotake wawe, hei whakamana wawe. E arahina ana ngā kaimahi me te whānau e tō rātou kuia, ā, nā āna ārahitanga, kei te riterite ngā whakaritenga e pā ana ki te hauora me te haumaru. Engari, kāhore ngā kaupapa here e hāngai ana ki te wā, ahakoa te pakari me te whakatutukitanga o ngā herenga ā-ture. E hāngai ana ētahi o aua kaupapa here ki te whakamoe mokopuna, ki te whāngai rongoā, ki te kawe atu i ngā mokopuna i ngā haerenga, ki te mātakitaki i ngā mokopuna e kai ana, me te whakatutukitanga o ngā akoako hōneatanga ohotata. Kei te whakamōrearea i te haumaru me te whai oranga o ngā mokopuna.
Me whakapai ake i ngā whakaritenga e pā ana ki te whakamahere, te aromatawai, me te aromātai. Ahakoa kua whakatakotohia e ngā kaimahi ētahi o ngā whakaritenga, kāhore anō kia whakatakotohia anō hoki ngā whāinga mō ngā mokopuna. Me tohu ngā aromatawai i te āhua o te ahu whakamua me te ako a ngā mokopuna i roto i te roanga o te wā. Me kōrero, me tuhi haere hoki ngā kaimahi i ō rātou whakaaro ki ngā hui auau, ā, me whakamahi i aua mōhiohio ki te aromātai i te hōtaka akoranga, me te whakamahere tonu mō ngā hōtaka e whakatairanga tonu ana, e whakawhānui tonu ana hoki i te ako a ngā mokopuna. Ka whakatairangatia ngā matea ako o ngā mokopuna i te wā e whai pūtake ana, e nahanaha ana hoki ngā whakaritenga e pā ana ki te whakamahere, te aromatawai, me te aromātai.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia mahi te whānau me ngā kaimahi ki te taha o tō rātou purapura me te tari ā-rohe o Te Poari Matua o Ngā Kōhanga Reo, ki te whakatutuki i ngā whakaritenga matua me ngā herenga ā-ture i tautuhia ai ki tēnei pūrongo kia Whāia.
Rita Walker
Toka ā Nuku Whakakapi
Te Uepū-a-Motu – Māori Services
22 Whiringa ā-rangi, 2024
| Te tūwāhi | Kei Herekino, ki Kaitāia |
| Te tau a te Tāhuhu o te Mātauranga | 18859 |
| Te tau tohu o Te Kōhanga Reo | 01H059 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tokoono ki raro i te rua o ngā tau |
| Te tokomaha kei runga i te rārangi ingoa | Tokorima ngā tamariki, kotahi kei raro i te rua o ngā tau |
| Ngā hononga ā-iwi | Māori 5 |
| Te wā i te kōhanga reo te rōpū arotake | Here-turi-kōkā 2024 |
| Te wā o tēnei pūrongo | 22 Whiringa-ā-rangi 2024 |
| Ngā pūrongo o mua a Te Tari Arotake Mātauranga | Arotake Mātauranga, Kohi-tātea 2018, Arotake Mātauranga, Hakihea 2014; Arotake Tāpiri, Pipiri 2011 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
“Ko Whakakoro te maunga moana
Ko Rangiputa te maunga whenua
Ko Whangape te moana
Ko Awaroa te awa
Ko Mamari te waka
Ko Kaha te tupuna
Ko Te Kotahitanga te marae
Ko Ngāti Haua te hapū
Ko Te Rarawa te iwi”
Te Kōhanga Reo o Te Kotahitanga o Whangape is based at Te Kotahitanga Marae. It is isolated remotely on the northern side of the Whangapē Harbour. The kaiako matua has been involved with the kōhanga reo for nearly 30 years. Kaimahi, whānau and mokopuna are closely related.
Mokopuna show they are happy and confident in their kōhanga reo.
Mokopuna learn about their roles and responsibilities as Te Rarawa and kaitiaki of their rohe. Strong whakapapa links underpin relationships that support mokopuna to be confident and capable in the kōhanga reo and beyond. Kaitiakitanga for mokopuna is strengthened through kaupapa such as harvesting from the māra kai, learning about the tikanga of the moana and mahi kai moana specific to Te Rarawa. Regular exploration of the marae and engaging with kaumatua and kuia allows mokopuna to develop and understanding of the role of guardianship as tangata whenua. Mokopuna show enthusiasm in learning about their unique location and their roles as kaitiaki taiao.
Te reo o Ngāpuhi is prominently used each day and is the main language of instruction. Kaiako use key language learning strategies such as repetition, questioning, and role modelling to build mokopuna understanding of te reo Māori. Mokopuna are comfortable expressing their ideas with others. They use hand actions, facial expressions, and sounds, to demonstrate their understanding. Mokopuna try new words with ease and persist in communicating their ideas and thoughts. Mokopuna are developing confidence as speakers of te reo o Ngāpuhi.
Whanaungatanga underpins relationships at all levels of the kohanga reo. Kuia and kaimahi know their mokopuna well and use this knowledge to guide interactions and relationships in the kōhanga reo. Kaimahi are gentle and caring when working with mokopuna who are calm and settled. Mokopuna happily engage with kaimahi and manuhiri. Kaimaihi are observant and responsive to the different needs and interests of each mokopuna. Mokopuna show they are secure in their interactions with others.
Whānau whakahaere need to strengthen their understanding of their roles and responsibilities. Whānau have attested they are not taking all reasonable steps to meet their legal requirements in governing, managing and administrating the operations of the kōhanga reo. In addition, there is a need to develop an annual plan to guide the operations of the kohanga reo, and to undertake regular policy review, whanau hui and develop guidelines for administering a financial budget including expenditure throughout the year. Mokopuna benefit when whānau whakahaere responsibilities are well understood and met.
The requirements of the Children’s Act 2014 are not well managed, understood or followed. While there are strong whanaungatanga connections between whānau and kaimahi and they know each other well, the process of safety checking and police vetting is a requirement. There is also a need increase kaimahi awareness of the impact of the Children’s Act 2014 on their roles, particularly in relation to noticing, recording and reporting abuse. Mokopuna safety is promoted when safety legislation is managed appropriately.
Currently whānau have many health and safety policies and procedures that need immediate review and ratification. Kaimahi and whānau are guided by their kuia and under her supervision health and safety practices are consistent. However, robust policies that meet all legalities are not current. These include policies to guide kaimahi practice for sleeping mokopuna, administering medication, taking mokopuna on haerenga, supervision including supervising mokopuna who are eating and for carrying out emergency evacuation drills. Mokopuna safety and welfare is compromised.
Planning, assessment, and evaluation practices require improvement. While kaimahi have some practices in place, these are yet to include whāinga for mokopuna. Assessments need to show how mokopuna progress and learn overtime. Kaimahi should discuss and record their ideas at regular hui and use this information to evaluate the learning programme, and to continually plan programmes that further enhance and extend mokopuna learning. Mokopuna learning needs are enhanced when planning, assessment and evaluation practices are purposeful and deliberate.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
To meet compliance requirements they must:
ERO recommend that the whānau and kaimahi work alongside their Purapura and the Tari-ā-Rohe to address the key next steps and non-compliance issues identified in this report.
Rita Walker
Toka-ā-Nuku – Acting Director
Te Uepū ā-Motu – Māori Review Services
22 November 2024
| Location | Herekino, Kaitaia |
| Ministry of Education profile number | 18859 |
| Kōhanga Reo Identification Number | 01H059 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 6 aged under 2 |
| Service roll | 5 children, including 1 aged under 2 |
| Ethnic composition | Māori 5 |
| Review team on site | August 2024 |
| Date of this report | 22 November 2024 |
| Most recent ERO report(s) | Education Review January 2018; Education Review December 2014; Supplementary Review June 2011 |
E tū ana Te Kōhanga Reo o Te Kotahitanga o Whangapē ki te marae o Te Kotahitanga. E whakakaurera ana i te whanga o Whangapē, he āhua toru tekau meneti whakatetonga i Kaitāia. Kua roa nei ngā tau e whai wāhi atu ai ngā kuia tokorua ki te kōhanga reo. E whakanuia ana te roanga o tō rāua noho pūmau ki te kaupapa o te kōhanga reo, me tā rāua whai wāhi nui, tō rāua mātanga hoki. Ko te noho tūhāhā me te tokoiti o ngā tamariki ki te rārangi ingoa, ētahi wero ki te whānau.
Ka kitea ki ngā tamariki tō rātou ngākau nui ki ō rātou hononga ki te whenua me te moana.
E whai pūtake ana ngā wheako reo a ngā tamariki. Ko te reo Māori te reo taketake o ngā kuia, ā, he hōhonu ngā taumahi ako e whakaratohia ana e rāua mā ngā tamariki. Ka whakamahia ngā rauemi māoriori me ngā waiata i roto i ngā taumahi tūturu, hei hāpai i ngā tamariki ki te ako i te reo e whai pānga ana ki te horopaki o te kōhanga reo. Ka whakapuaki ngā kuia i ngā kōrero tuku iho, i runga anō i tō rāua mōhio hōhonu ki a Whangapē, hei whakapakari i te reo o ngā tamariki. Ka rumakina ngā tamariki ki te reo Māori.
E ako ana ngā tamariki ki te noho maioha ki te taiao māoriori. Nā ngā tūmomo taumahi e whakahonohono ana ngā tamariki ki te whenua me te moana. Ka kawe atu ngā kuia i ngā tamariki ki te kato wātakirihi, te kohi kaimoana, me te whakatō huawhenua hei whāngai i te whānau. Ka kawe atu rāua i ngā tamariki ki ngā hui i te marae, kia kite ai, kia rongo ai hoki ngā tamariki i ngā kawa me ngā tikanga. He pārekareka ki ngā tamariki te tūhura haere i te hapori whānui.
Ka ako ngā tamariki ki tētahi taiao e manaaki ana, e poipoi ana hoki i a rātou. He ngāwari ngā kuia, ka aroha hoki rāua i ngā tamariki. Ka whakarato rāua i ngā tauira o te awhi, te manaaki, me te aroha ki ngā tamariki, i runga anō i ngā whakapono, ngā uaratanga, me ngā tikanga o te ao Māori. He tino hoa ngā kuia, ā, ka whakawhirinaki, ka aroha, ka manaaki, ka whakaute tētahi i tētahi, ā, ka puāwai anō hoki aua āhuatanga ki te hōtaka akoranga a ngā tamariki. He tino hononga motuhake tō ngā tamariki ki waenga i a rātou anō, ki ō rātou kuia hoki.
E whai pūtake ana, e whai kiko ana hoki ngā akoranga a ngā tamariki. Ka mahi ngātahi ngā kuia me te whānau ki te whakamahere i ngā hōtaka e whai pūtake ana, e hāngai pū ana hoki ki te noho ki Whangapē. Ka arotahi ngā taumahi ako ki te whakamahinga o ngā rawa huri noa i te hapori, pērā i te māra, te marae, te whanga, ngā pāmu, ngā maunga, ngā awa, me te ngahere. Ka ngākau nui ngā tamariki ki te ako ki tua atu i te kōhanga reo.
Kua whakaritea ngā mahi aromatawai. Ka hopu, ka tuhi hoki ngā kuia i te ahu whakamua o te ako a ngā tamariki i ia rā. Ka tohu ngā whakaahua i te whakatinanatanga o ngā akoranga a ngā tamariki, ka tuhia ngā kitenga e pā ana ki ia tamaiti, ā, ka whakatakoto hoki i ngā tauira mahi toi ki ngā pūkete ako. Ka aroturukitia te ahu whakamua o ngā tamariki i roto i ngā akoranga.
E whanake ana te aromātai hōtaka. Ka mahi ngā kuia ki te taha o tētahi rōpū iti o te whānau, ka hui tahi noa ki te kōrerorero mō te hōtaka akoranga. Ka tirohia e rātou tēnā i whai hua ai me tēnā kīhai i whai hua ai, ā, ka whakarerekē haere i ngā āhuatanga o te hōtaka akoranga e tika ana. Ka whakaarohia ngā matea ako o ngā tamariki.
Me titiro tonu ki ētahi āhuatanga o te aromātai o roto. Ahakoa ka whakarite te whānau i ngā wā auau ki te kōrero mō te whakahaeretanga o ngā whakaritenga o ia rā, kua pātai atu rātou ki ngā kaimahi ā-rohe o te Poari Matua o Ngā Kōhanga Reo ki te āwhina i a rātou ki te whakahāngai i ngā whakaritenga ki ā rātou kaupapa here, inarā, ki ngā take e whai pānga ana ki ngā herenga ā-ture i roto i te hauora me te haumaru. Hei āhuatanga tonu o te tautoko o te Poari Matua o Ngā Kōhanga Reo, me whakapakari tonu anō hoki te whānau i ngā whakaritenga e pā ana ki te arotake o roto, puta noa i ngā whakahaeretanga katoa.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
E taunaki ana Te Tari Arotake Mātauranga kia toro atu te whānau o te kōhanga reo ki te tautoko o tō rātou tari ā-rohe o te Poari Matua o Ngā Kōhanga Reo ki te:
Ka aromātai anō Te Tari Arotake Mātauranga i Te Kōhanga Reo o Te Kotahitanga o Whangapē i roto i te toru o ngā tau.
Lynda Pura-Watson
Kaiurungi Whakaturuki Arotake Māori
16 Kohitātea, 2018
|
Te tūwāhi |
Kei Whangapē, ki Kaitāia |
|
|
Te tau a te Tāhuhu o te Mātauranga |
18859 |
|
|
Te tau tohu o Te Kōhanga Reo |
01H059 |
|
|
Te tūmomo raihana |
He Kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
20, kia tokoono ki raro i te rua o ngā tau |
|
|
Te tokomaha kei te rārangi ingoa |
Tokowhitu, tokotoru kei raro i te rua o ngā tau |
|
|
Te ira tangata |
Kōtiro 2 Tama 5 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Whiringa-ā-rangi 2017 |
|
|
Te wā o tēnei pūrongo |
16 Kohitātea, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Tāpiri |
Hakihea 2014 Pipiri 2011 Whiringa-ā-rangi 2008 |
Te Kōhanga Reo o Te Kotahitanga o Whangapē is based on Te Kotahitanga Marae. It overlooks the Whangapē Harbour approximately thirty minutes south of Kaitaia. Two kuia have been involved in the kōhanga reo for many years. They are recognised for their long-service, contribution and experience for the kaupapa of kōhanga reo. Isolation and low roll numbers is a challenge for the whānau.
Children show that they enjoy the connections with the whenua and moana.
Children’s language experiences are meaningful. The kuia are native speakers who provide children with rich language activities. Practical activities using natural resources and waiata help children to learn the language related to the kōhanga reo setting. The kuia share stories based on their knowledge about Whangapē to build children’s language. Children are immersed in te reo Māori.
Children are learning appreciation for the natural environment. Activities enable children to make connections to the whenua and moana. The kuia take children to pick watercress, gather kaimoana and plant vegetables to share with whānau. They take children to hui on the marae to see and hear kawa and tikanga. Children enjoy exploring in the wider community.
Children learn in a caring and nurturing environment. The kuia are gentle and loving to children. They provide children with models of awhi, manaaki and aroha based on the beliefs, values and tikanga of te ao Māori. The kuia have a friendship of trust, love, care and respect for each other that is reflected in the children’s learning programme. Children have a special relationship with each other and their kuia.
Children’s learning is purposeful and meaningful. The kuia and whānau work together to plan programmes that are practical and relevant to living in Whangapē. Learning activities focus on using the resources in the local environment such as the māra, marae, harbour, farms. maunga, awa and ngahere. Children enjoy learning beyond the kōhanga reo.
Assessment practices are in place. The kuia capture and record children’s learning progress daily. Photos show children’s learning in action, observations for individuals are recorded and samples of art work are placed into learning portfolios. Children’s progress in learning is monitored.
Programme evaluation is developing. The kuia work with a small whānau group meet informally to discuss the learning programme. They look into what has worked or not worked and make changes as needed to the learning programme. Children’s learning needs are considered.
Aspects of internal evaluation require further attention. Although whānau set regular meeting times to talk about managing the daily operations, they have asked for kaimahi from the local kōhanga reo trust to help align the practices to their policies, particularly health and safety compliance matters. As part of this support from the trust, the whānau should also continue strengthening internal review practices across all operations.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements, they need to:
ensure that health and safety registers are in place for accidents, nappy changing, hazards and emergency evacuations
[R46 Education (Early Childhood Services) Regulations 2008; HS3, 8, 9, 12 Licensing Criteria for Kōhanga Reo affiliated with Te Kōhanga Reo National Trust 2008]
ensure whānau are involved in the evaluation and review of operations and practice.
[R47 Education (Early Childhood Services) Regulations 2008, GMA46 Licensing criteria for kōhanga reo affiliated with the Te Kōhanga Reo National Trust 2008]
ERO recommends that the Kōhanga Reo whānau seek support from their local TKRNT to:
implement registers to record children’s health and safety matters
build whānau internal evaluation capability.
The next ERO evaluation of Te Kōhanga Reo o Te Kotahitanga o Whangapē will be in three years.
Lynda Pura-Watson
Deputy Chief Review Officer Māori
16 January 2018
|
Location |
Whangapē, Kaitaia |
||
|
Ministry of Education profile number |
18859 |
||
|
Kōhanga Reo Identification Number |
01H059 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 6 aged under 2 |
||
|
Kōhanga Reo roll |
7 children, including up to 3 aged under 2 |
||
|
Gender composition |
Girls 2 Boys 5 |
||
|
Ethnic composition |
Māori |
100% |
|
|
Review team on site |
November 2017 |
||
|
Date of this report |
16 January 2018 |
||
|
Most recent ERO report(s) |
Education Review Supplementary Review Supplementary Review |
December 2014 June 2011 November 2008 |
|
Ko Rangiputa te maunga
Ko Whakakoro te moana
Ko Awaroa te awa
Ko Te Rarawa te iwi
Ko Ngāti Haua te hapū
Ko Te Kotahitanga te marae
E tū motuhake ana Te Kōhanga Reo o Te Kōhanga Reo o Te Kotahitanga o Whangape tonu. Kei te marae o Te Kōtahitanga te kōhanga reo nei. Ko te motuhaketanga o te wāhi nei te take i tokoiti ai ngā tamariki o te kōhanga reo. Heoi anō, e piki ana ngā nama.
E whai hua ana ngā tamariki i te āhua o te taiao e karapoti ana i a rātou, tērā ngā maunga whakahī, ngā nehenehenui, me te whanganui. Ka whakapau kaha te kaiako matua ki te whakaū i te kaupapa o te kōhanga reo.
I kōwhiria e te whānau ko Ngā Taumata Whakahirahira hei tahū mō te arotake. Ko tā rātou i hiahia ai:
E pēwhea ana te tū a ngā tamariki ki te whakatinana i te māia ki te ako me te mārama ki tō rātou tuakiritanga, tō rātou ūkaipō?
He māia ngā tamariki ki te ako, ā, he mārama hoki ki tō rātou tuakiritanga, tō rātou ūkaipō.
Ko ngā momo ahurea ako te tūāpapa i whai wāhi atu ai ngā tamariki ki whakatōmene, ki te whakaauaha, ā, ki te whakatākirikiri i te hinengaro i a rātou ka tupu. E harikoa ana ngā tamariki, e tau ana ō rātou wairua i roto i te kōhanga reo, i waenganui hoki i te whānau.
Waihoki, he pai te whakahaeretanga o te kōhanga reo e te whānau. E kitea ana te pikoko me te tino ū ki te tupu me te whanaketanga o te kaupapa o te kōhanga reo. Kāore hoki e kore ka whai hua te kōhanga reo nei i ngā mahi arotake a Te Pōari Matua (TKRNT), e haere ana i tēnei wā, i te kōhanga reo nei e whakatakoto ana i te rautaki whakamua me te whakakaha i ngā tikanga whakahaere.
I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake.
Kātahi ka whakaritea ngā tino kaupapa motuhake mō te arotake, whai muri o te whakawhitiwhitinga kōrero i waenga o te rōpū arotake o te Tari Arotake Mātauranga me te whānau.
I whakaritea e te whānau ko tāna kaupapa arotahi ko:
Ko te katoa o ngā arotake mātauranga ā te Tari Arotake Mātauranga i roto o ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga, kei roto i tēnei ko te kounga o te:
Ko ngā kitenga ā te Tari Arotake Mātauranga i roto i ēnei wāhanga, kei raro iho nei.
E pēwhea ana te tū a ngā tamariki ki te whakatinana i te māia ki te ako me te mārama ki tō rātou tuakiritanga, tō rātou ūkaipō?
He māia ngā tamariki ki te ako, ā, he mārama hoki ki tō rātou tuakiritanga, tō rātou ūkaipō.
E māia ana ngā tamariki ki te ako i te ahurea o tō rātou kōhanga reo. He pai ki ngā tamariki te tūhonohono ki ō rātou whānaunga mō ngā mea e akohia ana, arā, ko wai rātou, nō whea hoki. Ko te whanaungatanga te tūāpapa i mahi tahi ai rātou. Kei te harikoa, kei te tau hoki ngā tamariki ki te kōhanga reo.
He rawe ki ngā tamariki ngā akoranga ka whai hua ai. Ka manawa kairoke tonu ngā tamariki ki te wewete take, ā, ko ētehi tamariki ka rata kē ki te ū ki ngā mahi ahakoa te roa. Ka whakatakotoria e ngā kaimahi ngā mahi huhua e hāngai ana ki ngā hiahia o te tamaiti.
E tupu ana te māia i roto i ngā tamariki ki te whakakōrero i te reo Māori i roto i ngā kaupapa huhua mō te rā. E kaha ana te kuia ki te whakaū i te kōrerotanga o te reo mō te roanga ake o te rā. Ka whakatinana pai ngā tamariki i ngā whakautu ki ngā pātai, i ngā tohutohu hoki, ka mutu, e wānanga ana rātou e pā ana ki a rātou mahi.
E whakatairanga ana te whānau i te kokenga o te tamaiti kia tau tōna mauri i roto i tōna tuakiritanga me tōna ūkaipōtanga. He pai te whakahaeretanga o te kura e te whānau i te nuinga o te wā. Ko te hoputanga o ētehi wāhanga te takenga mai o ngā kōrero ki te whānau mō te whakatau whakaaro, mō te mahere, ā, hei āwhina anō ki te mātakitaki i te tū a te kōhanga reo.
E whai wāhi atu ana ngā tamariki ki ngā mātāpono o Te Whāriki mō te ako, me ngā mahere tika, ngā whakahaere tika tae atu ki ngā whakaritenga tika. E mōhio mārika ana ngā mātua ki te koketanga o ā rātou tamariki. He tika te whakamahinga o ngā kōnae ki te hopu me te hopu i te kokenga o te tamaiti mō te reo Māori, ngā akoranga me tā rātou pakeke haere i roto i te wā.
E tino taukona ana te whānau e Ngā Kaupapa Kaimahi hei para i te huarahi ki ngā whakawhanaketanga ka whai hua ki ngā tamariki.
Kāore te mahere rautaki i te whakaāhua i te wā ka ea te rautaki, i te roa rānei o te wā ki te whakaea. Ko te tikanga e whakaarotia ana ngā wawata, ngā tino me ngā whāinga o te kōhanga reo.
E mimiti ana te puna arotake kaimahi. Kāore te kawa o te arotake kaimahi i te manaaki i te whānau ki te tautoko i te kokenga o ngā kaimahi kia nui ake ai ngā hua ki ngā tamariki.
Kāore ngā kaimahi me te whānau i te āta mātakitaki i te nui o ngā hua e puta ana i te hōtaka ako hei whakatau i ngā hiahia o ngā tamariki.
I mua o te arotake, i whakakiia e te kaipupuri raihana, te whānau, me ngā kaimahi o okiuh, tētahi Tauāki Kupu Tūturu a te Whānau o te Kōhanga me tētahi Rārangi Tātari Whaiaro. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:
Ko te taunakitanga a Te Tari Arotake, ā, e whakaae ana ngā mātua kia whakatinanahia he mahere rautaki; ngā arotakenga kaimahi, ngā arotakenga hōtaka me ngā hoputanga kōrero.
Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.
Lynda Pura Watson
National Manager Review Services Māori (Te Uepū-ā-Motu)
2 Hakihea 2014
Ko Rangiputa te maunga
Ko whakakoro te moana
Ko Awaroa te awa
Ko Te Rarawa te iwi
Ko Ngāti Haua te hapū
Ko Te Kōtahitanga te Marae
Te Kōhanga Reo o Te Kotahitanga o Whangape is in an isolated area of Whangape. The kōhanga reo is based at Te Kōtahitanga Marae. The isolated nature of the kōhanga reo has a direct impact on the number of children. However, enrolments are increasing.
Children benefit from the tranquil setting where they are surrounded by natural resources such as the hills, bush and harbour. The lead kaiako works hard to maintain the kaupapa of the kōhanga reo.
Whānau chose Ngā Taumata Whakahirahira as their focus for this review. They wanted to know:
How well do children show they are confident learners and are secure in their identity and belonging?
Children are confident learners who show a strong sense of belonging.
The different learning environments provide children with a range of learning experiences to explore, be creative and challenge thinking and development. Children are happy and content in their kōhanga reo environment with their whānau.
Overall, the whānau manage the kōhanga reo well for children. They are passionate and show strong commitment for continual growth and development of their kōhanga reo kaupapa. Te Kōhanga Reo National Trust (TKRNT) District Office regional review of kōhanga reo, currently underway, should benefit the whānau as they document their strategic direction and strengthen management practices.
Before the review, the whānau were invited to consider its priorities for review.
The priorities for review were then determined following a discussion between the ERO review team and whānau.
The whānau chose as its focus area:
All ERO education reviews in kōhanga reo focus on the quality of education. For ERO this includes the quality of:
ERO’s findings in these areas are set out in the report findings.
How well do children show they are confident learners and are secure in their identity and belonging?
Children are confident learners and show a strong sense of belonging.
Children are confident learners in the kōhanga reo environment. Children enjoy sharing with their whānau what they know about who they are and where they come from. Interactions and relationships are based on whānaungatanga. Children are happy and content at kōhanga reo.
Children enjoy meaningful learning experiences. They persist when problem solving and some children choose to remain at activities for sustained periods of time. Kaimahi provide a wide range of activities that are interesting for children.
Children are gaining confidence in their use of te reo Māori across a variety of activities throughout the day. The kuia ensures that te reo Māori is used consistently throughout the day. Children respond to questions and instructions and they have meaningful conversations with others about their work.
The whānau promote building children’s confidence in their sense of identity and belonging. Most management systems are generally managed well by the whānau. Regular reporting of some areas informs whānau decision making, planning and helps to monitor the performance of the kōhanga reo for children.
Children experience a strong Te Whāriki based learning programme that is well planned, managed and organised. Whānau are well informed of their children’s progress. Profiles are used effectively to capture and report children’s progress in te reo Māori, their learning and development overtime.
The whānau are well supported by their TKRNT District Office to work through necessary developments that will benefit their children.
The strategic plan does not adequately reflect how goals will be achieved or give a timeframe. This should reflect their aspirations, priorities and kōhanga reo objectives.
Appraisals are limited. The process does not support whānau to respond to kaimahi professional development needs that will benefit children.
Kaimahi and whānau do not monitor how well the learning programme is meeting the needs of all children. Regular programme review and reporting is an area for improvement.
Before the review, the licensee, whānau and staff of the kōhanga reo completed an ERO Kōhanga Assurance Statement and Self-Audit Checklist. In these documents they have attested that they had taken all reasonable steps to meet their legislative obligations related to:
During the review, ERO checked the following items because they have a potentially high impact on outcomes for children:
ERO recommends and whānau agree to implement strategic planning; kaimahi appraisals, programme review and reporting.
ERO is likely to carry out the next review in three years.
Lynda Pura Watson
National Manager Review Services Māori (Te Uepū-ā-Motu)
2 December 2014
|
Location |
Whangarei. |
|
|
Ministry of Education profile number |
18859 |
|
|
Type |
Kōhanga Reo |
|
|
Number licensed for |
20 including 6 under 2 years old |
|
|
Roll number |
7 including 3 under 2 years old |
|
|
Gender composition |
Girls 5 Boys 2 |
|
|
Ethnic composition |
Māori |
100% |
|
Review team on site |
1 September 2014 |
|
|
Date of this report |
2 December 2014 |
|
|
Most recent ERO reports |
Supplementary Review Supplementary Review Supplementary Review |
June 2011 May 2009 June 2007 |