Te Kōhanga Reo o Te Roopu Whanau

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi. 

2 Te Horopaki 

E tū ana Te Kōhanga Reo o Te Roopū Whānau ki Kaitāia, ki te Tai Tokerau. He tino hononga ō te whānau ki Muriwhenua me Te Rarawa. E whakarite ana rātou ki te whakanui hei te tau e heke mai ana, i te ekenga o tō rātou kōhanga reo ki te 40 tau, ā, he wawata tahi tō rātou ki te whakapūmau i te tupu tonu o te reo Māori me ōna tikanga, hei painga mō ngā mokopuna. 

3 Te Aronga o te Aromātai

He pēhea rawa te hāpai o ngā tukanga me ngā pūnaha a te whānau i ngā putanga e whai hua ana ki ngā mokopuna? 

E poipoi ana ngā tukanga me ngā pūnaha a te whānau i ngā tūāhuatanga e whai hua ana ki ngā mokopuna. 

4 Mana Whakahaere

He tukanga, he pūnaha hoki ā te whānau mō te whakahaere i ngā whakaritenga o ia te wā ki te kōhanga reo. Tū ai ngā hui ā-whānau, ā, he pai te taetae atu. Ka whai wāhi ki ngā whakawhitinga kōrero, ko te pūrongo i ngā tūāhuatanga o te whakahaeretanga me ngā whakaritenga. Ka aro nui ki ngā rēhita e pā ana ki te hauora me te haumaru, hei āta whakapūmau i te waiora o ngā mokopuna. Ko ngā mokopuna kei te pūtake o ngā whakataunga a te whānau. 

Kua whakamōhiotia te mahere rautaki a te whānau ki Te Ara Tūāpae, ā, he aronga mārama mō te tōnuitanga ā meāke nei. Ko ētahi o ngā kaupapa matua hei te pae tawhiti, ko te aronga ki te whakatupu i te reo Māori, ko te whakapiki ake i te whai wāhi mai a te whānau, me te whakarahi ake i te hanganga whare. E hāpai ana te mahere ā-tau i te whakatutukitanga me te aroturukitanga a te whānau i ngā whakaritenga ki te tari, hei te wā hoki e tika ana. Ko te pitomata o ngā mokopuna, koia kei te pūtake o ngā whakaritenga mō te pae tawhiti. 

Kua āta whakaritea ngā tukanga e pā ana ki ngā mahi whakamahere me ngā mahi aromatawai a ngā kaimahi. Hui tahi ai rātou ki te waihanga i te tangongitanga o ngā wheako ako e kapo atu ana i ngā wawata o ngā whānau. E hāngai ana te mahere ako ki ngā mātāpono o Te Whāriki a Te Kōhanga Reo, ā, e āta whakatakoto pū ana i ngā whāinga, me ngā putanga hoki ki ngā mokopuna. Kua whakatakotohia ngā mahere, ā, e tuitui ana i te tangongitanga o ngā taumahi me ngā rauemi e whakapūmau ana i ngā akoranga. Ka whakamahi ngā kaimahi i Te Mātai Mokopuna ki te aroturuki i te tupu me te whakawhanaketanga o ngā mokopuna i roto i te roanga o te wā. E kapo ana, e miramira ana hoki ngā pūkete a ia tamaiti i te ahu whakamua, i ngā wheako, me ngā akoranga hoki a te mokopuna. Kei te whai hua ngā mokopuna nā te aronga pū ki te tamaiti i roto i ngā mahere me ngā aromatawai. 

Ngā Whakaritenga Matua ka whai ake 

I te wā o te arotake Mana Whakahaere, i kōrero te whānau mō tō rātou hiahia ki te whakapakari ake i te arotakenga o ngā kaupapa here. Kua whakaae rātou ki te whakarato hei te taenga atu a Te Tari Arotake Mātauranga ki te kōhanga reo, ko ngā kaupapa here matua me ngā tukanga matua e pā ana ki te hauora me te haumaru, ā, kua arotakengia, kua manatokotia hoki aua tuhinga. Ka whai hua ngā mokopuna mā te hāngai pū o ngā aronga. 

Me whakapakari ake i te aromātai hōtaka. Ahakoa ka whakawhiti kōrero ngā kaimahi mō ngā whakahaeretanga o ia rā ki te kōhanga reo, kāhore e tuhia ana ngā kōrero mō tēnā e whai hua ana, me ngā tūāhuatanga anō hoki hei whakarerekē, kia whakatairangatia te kounga o te hōtaka akoranga. Ka whai hua ngā mokopuna mā ngā huarahi e whakamōhio ai i te whakapai tonutanga. 

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā. 

Kia tutuki i te whānau ngā herenga ā-ture, me tahuri rātou ki te: 

• āta whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako hōneatanga rū whenua e tika ana, ā, kia whakatutukihia aua mahi ki te taha o ngā tamariki i ia toru marama, pūputu ake noa rānei. 
  [R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Ngā Taunakitanga

I whakawhanakehia e Te Tari Arotake Mātauranga ngā taunakitanga e whai ake nei, arā, kia tahuri te whānau ki te:

• mahi tonu ki te taha o te tari ā-rohe o Te Poari Matua o Ngā Kōhanga Reo ki te whakatutuki i ngā whakaritenga matua me ngā tūāhuatanga herenga ā-ture i whakaraupapahia ai ki tēnei pūrongo
• whakawātea mai i ngā tuhinga katoa e tika ana mō ngā take kaimahi me ngā kaupapa here i whakahoungia ai, hei tirohanga i te wā ka tae atu Te Tari Arotake Mātauranga ki te kōhanga reo. 

Darcy Te Hau
Toka ā Nuku
Te Uepū-a-Motu – Māori Services

20 Huitanguru, 2024

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi. 

2 Context 

Te Kōhanga Reo o Te Roopu Whanau is in Kaitaia, Northland. Whānau have strong links to Muriwhenua and Te Rarawa. They are preparing to celebrate their 40 years of operation in the new year and share a collective aspiration to maintain the growth of te reo Māori me ōna tikanga for mokopuna. 

3 Evaluation Focus

How well do whānau processes and systems support positive outcomes for mokopuna?

Whānau processes and systems cater to the interests of mokopuna.

4 Findings - Mana Whakahaere

Whānau have processes and systems to manage the routine tasks of kōhanga reo operations. Hui ā whānau are held and attended. Discussions include reporting across aspects of management and operations. Health and Safety registers are prioritised to ensure mokopuna wellbeing. Mokopuna are at the centre of whānau decision making. 

The whānau strategic plan is informed by Te Ara Tūāpae and provides clear direction for future prosperity. Long term priorities include a focus on growing te reo Māori, increasing whānau participation and expanding facilities. An annual plan supports whānau to complete and monitor administrative tasks in a timely manner. Mokopuna potential is at the heart of long-term planning.

Kaimahi have established processes for planning and assessment. They come together to design a range of learning experiences that incorporate the aspirations of whānau. The mahere ako is aligned with the principles of Te Whāriki a Te Kōhanga Reo and details clear objectives and outcomes for mokopuna. Planning is in place and integrates a variety of activities and resources to reinforce learning. Kaimahi utilize Te Mātai Mokopuna to monitor the growth and development of mokopuna overtime. Individual profile books capture and highlight mokopuna progress, experiences, and learning. Mokopuna benefit from child centred planning and assessment.

Key Next Steps

At the time of the Mana Whakahaere review, the whānau acknowledged the need to strengthen policy review. They have agreed to supply reviewed and ratified key health and safety policies and procedures during ERO’s onsite review. Mokopuna would benefit from focused approaches. 

Programme evaluation requires strengthening. While kaimahi discuss the daily running of the kōhanga reo, conversations about what is working well and what can be changed to enhance the quality of the learning programme are not being recorded. Mokopuna would benefit from approaches that inform ongoing improvement. 

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

Actions for Compliance 

To meet compliance requirements they must: 

• ensure adults providing education and care are familiar with relevant emergency earthquake drills and carry these out with children on an at least three-monthly basis. 
  [Regulation 46 Education (Early Childhood Services) Regulations 2008, HS8 Licensing criteria for kōhanga reo affiliated with the Te Kōhanga Reo National Trust 2008] 

6 Recommendation

ERO developed the following recommendations that whānau:

• continue to work alongside the district office to address the key next steps and non-compliance element outlined in this report 
• make all relevant documentation for personnel matters and updated policies available during the onsite visit. 

Darcy Te Hau
Toka-ā-Nuku – Director
Te Uepū ā-Motu – Māori Review Services

20 February 2024

7 Information about the Kōhanga Reo

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Te Roopū Whānau ki Kaitāia. He tino hononga ō te whānau ki Te Rarawa me tō rātou nā marae. He hou tonu ngā kaimahi tokomaha ki ō rātou tūranga, whai muri i te aromātai o mua a Te Tari Arotake Mātauranga.

3 Te Aronga o te Aromātai

He pēhea rawa te whakapuaki mai o ngā mokopuna i te whanaungatanga?

Ka āta whakapuaki ngā mokopuna i te whanaungatanga ki tētahi taiao e kaha hāpai ana i ngā hononga ki waenganui i a rātou anō.

4 Ngā Whakaaturanga

E rumakina ana ngā mokopuna ki te reo Māori me ōna tikanga hei āhuatanga tonu o ā rātou wheako ako ki te kōhanga reo. Ka whakapuakihia, ka rangona hoki e ngā mokopuna te whanaungatanga mā roto mai i ō rātou hononga, ā rātou taunekeneke, me tō rātou noho tahi me te whānau. He whai wāhitanga mō ngā mokopuna ki te ārahi i ngā karakia me ngā waiata i ngā wā pōwhiri. E whāngai ana ngā kuia me ngā kaumātua i te reo Māori tūturu o te hapori nei. He tākare te whai wāhi nui a ngā mokopuna ki tētahi hōtaka akoranga ngohengohe e hāpai ana i ngā taunekeneke whakaute ki te taha o ngā hoa me ngā pakeke.

Ka whai whakaaro nui ngā kaimahi ki ngā tūmomo ngākau nuitanga, ki ngā tūmomo matea anō hoki o ngā mokopuna, i a rātou e whakatinana haere ana i ngā mahere o te hōtaka. Ka āta whakatakoto haere ngā kaimahi i ngā kiko kōrero e pā ana ki ngā kaupapa whānui me ngā kaupapa whāiti i roto i ā rātou mahere, tae atu hoki ki ngā Atua Māori. Ka whai wāhi mai hoki te whānau ki ngā mahi whakamahere, ā, ka hāpaitia hoki ngā mahi e ngā mātanga o te hapori. E hono ana ngā mahere ki Te Korowai me Te Whāriki o Te Kōhanga Reo. E whai wāhi nui ana ngā mokopuna ki tētahi hōtaka e whakaongaonga ana i ō rātou ngākau nuitanga me tā rātou ngana.

Ko te whai wāhi atu a ngā mokopuna, ko tā rātou ahu whakamua, ā rātou akoranga hoki e whakapuakihia ana ki te taha o te whānau mā ā rātou ake pūkete. E whakapakari tonuhia ana e te rōpū kaimahi hou ō rātou māramatanga ki ngā mahi aromatawai e whai hua ai. Ka whai hua ngā mokopuna nā tētahi hōtaka akoranga e whakatairanga ana i tō rātou whakawhanaketanga torowhānui.

Whakaaro huritao ai, whakawhiti kōrero ai hoki ngā kaimahi i ia te wā mō ngā ngākau nuitanga o ngā mokopuna me tā rātou ahu whakamua. E tino mōhio ana rātou ki ngā mokopuna, ā, ka panoni haere i ngā wheako ako me ngā taumahi i ia rā, hei whakahāngai ake i aua tūāhuatanga ki ngā ngākau nuitanga o te wā, me ngā matea ake hoki o ngā mokopuna. Kāhore anō kia whakatakotohia te aromātai ōkawa i ngā hōtaka. Ka pai kē atu te aronga atu o ngā kaimahi ki te whakatutuki me te whakawhānui hoki i ngā akoranga a ngā mokopuna me tō rātou whakawhanaketanga reo Māori, i te wā ka mōhio rātou ki ngā āhuatanga o te hōtaka e whai hua ana ki ngā mokopuna me ō rātou whānau, ā, ki ngā wāhanga anō hoki hei whakapai tonu.

Ka whai hua ngā mokopuna nā ngā whakataunga a te whānau whakahaere kia āta whai rauemi ai te kōhanga reo. Engari, tērā ētahi āhuatanga o ngā mahi whakahaere hei whakapai ake, kia whakatūturuhia te ako o ngā mokopuna ki tētahi taiao haumaru. Nō ngā tau tata nei i tārewatia ai te arotake o ngā kaupapa here, ngā tukanga, me ngā whakaritenga e pā ana ki te hauora me te haumaru, ā, me titiro wawe ki aua tūāhuatanga. Tāpiri atu ki tēnā, kāhore i te pakari ngā whakaritenga e hāpai ana i te whakawhanaketanga ngaio, i te tupu ngaio hoki o ngā kaimahi.

Ngā Whakaritenga Matua ka whai ake

Me tahuri ngā kaimahi – mā te tautoko hoki o ngā kaiwhakahaere ā-rohe – ki te:

• whakawhanake me te whakatinana i tētahi tukanga aromātai hōtaka tino pakari.
• whakarite me te whakatinana i tētahi tukanga e arotake ai i ngā kaupapa here me ngā tukanga e pā ana ki te hauora me te haumaru, ā, i tētahi pūnaha hoki e āta whakatau ana i te hāngaitanga o ngā whakaritenga ki ngā tūmanako.
• whakawhanake me te whakatinana i tētahi tukanga arohaehae tino pakari e aro ana ki ngā matea ako o ia kaimahi, ā, e hāpai ana hoki i a rātou ki te whakatutuki i ā rātou ake whāinga, me ngā whāinga, ngā wawata hoki o te whānau mō ngā mokopuna.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Hei whakatutuki i ngā herenga ā-ture, me tahuri te whānau ki te:

• arotake me te whakahou ake i te katoa o ngā kaupapa here me ngā tukanga e pā ana ki te hauora me te haumaru, hei āta whakatau i te whakatutukitanga me te whakapūmautanga o ngā tikanga katoa e pā ana ki te hauora me te haumaru, tae atu ki ngā akoako hōneatanga ohotata, te whakamoe, ngā āhuatanga mōrearea, te whāngai rongoā, ngā aituā me ngā maiki, hei painga mō ngā tamariki 
  [R46 Ture Mātauranga (Kōhungahunga) 2008; HS 8, 9, 12, 28, 34 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 
• whakatinana me te whakapūmau i ngā whakaritenga e tika ana mō te whakahaeretanga o ngā pūmanawa tāngata, tae atu ki te arohaehae i ngā kaimahi me te whakaratonga o te whakawhanaketanga ngaio
  [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi tonu te whānau ki te taha o te tari ā-rohe o Te Poari Matua o Ngā Kōhanga Reo, ki te whakawhanake i tētahi mahere mahi e whakatutuki ai i ngā wāhanga i tautuhia ai ki tēnei pūrongo hei take āwangawanga.

Darcy Te Hau
Toka-ā-Nuku
Te Uepū ā-Motu – Māori Review Services

02 Whiringa ā-rangi, 2021

7 Ngā kōrero e pā ana ki te Kōhanga Reo

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kōhanga Reo o Te Roopu Whānau is in Kaitaia. The whānau have strong links to Te Rarawa and their local Marae. Several kaimahi are new to their roles, since ERO’s previous evaluation.

3 Evaluation Focus

How well do mokopuna demonstrate whanaungatanga?

Mokopuna demonstrate whanaungatanga well in an environment that supports their connections to each other.

4 Findings

Mokopuna are immersed in te reo me ōna tikanga Māori as part of their kōhanga learning experience. Mokopuna display and experience whanaungatanga through their relationships, interactions, and connections with whānau. There are opportunities for mokopuna to lead karakia and waiata during pōwhiri. Kuia and kaumatua provide authentic local te reo Māori. Mokopuna enthusiastically engage in a flexible learning programme that encourage respectful interactions with peers and adults.

Kaimahi consider the differing interests and needs of mokopuna to inform programme planning.  Kaimahi detail kaupapa whānui and kaupapa whāiti in their planning, including Atua Māori. Planning includes whānau input and is supported by local expertise. Planning, links to Te Korowai and Te Whāriki o Ngā Kōhanga Reo. Mokopuna experience a programme that stimulates their interests and engagement.

Mokopuna engagement, progress and learning are shared with whānau through their individual portfolios. The new team of kaimahi continue to build their understandings of effective assessment practice. Mokopuna benefit from a learning programme that enhances their holistic development.

Kaimahi regularly reflect on and discuss mokopuna interests and progress. They know mokopuna well and adapt learning experiences and activities daily to respond to their current interests or needs. Formalised programme evaluation is not yet in place. Kaimahi should be better positioned to cater for and extend mokopuna learning and reo Māori development when they know what aspects of the programme are working well for mokopuna and their whānau, and where further improvements are needed.

Mokopuna benefit from whānau whakahaere decisions to resource the kōhanga well. However, aspects of operation require improvement to be assured mokopuna are learning in a safe physical environment. Review of policies, procedures and practices related to health and safety have lapsed in recent years and require urgent attention. In addition, practices related to supporting kaimahi professional development and growth are not robust. 

Key Next Steps

Kaimahi with support from district managers should:

• develop and implement a rigorous programme evaluation process.
• establish and implement a process to review health and safety policies and procedures, and a system to know practice reflects expectations.
• develop and implement a rigorous appraisal process that responds to the individual needs of kaimahi and supports them to achieve their goals, and the goals and aspirations held by whānau for mokopuna.

5 Assurance on Legal Requirement

Actions for Compliance

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami, and pandemic.

To meet compliance requirements, they must: 

• review and update all health and safety policies and procedures to ensure all health and safety requirements for emergency evacuation drills, sleeping, hazards, administering prescription and non-prescription medicines and notifying accidents and incidents are met and maintained for children
  [Regulation 46 (Early Childhood Services) Regulations 2008; HS 8,9,12,28,34 Licensing Criteria for Kōhanga Reo affiliated with Te Kōhanga Reo National Trust 2008]
• implement and maintain suitable human resource management practices, including appraisal for staff and the provision of professional development.
  [Regulation 47 (Early Childhood Services) Regulations 2008, (GMA7) Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO and the kōhanga reo whānau developed the following recommendation:

• continue to work alongside the District Office to develop an action plan to address the areas of concerns identified in this report.

Darcy Te Hau
Toka-ā-Nuku – Director
Te Uepū ā-Motu – Māori Review Services

2 November 2021

7 Information about the Kōhanga Reo

Te Aromātai

E tū ana Te Kōhanga Reo o Te Roopū Whānau ki Kaitāia. E pou here ana te whanaungatanga i ngā hononga mō ngā tamariki, ā, e whai hua ana hoki ki te āta hāpai i ā rātou akoranga. Kei te mārama te whānau o te kōhanga reo, he kaupapa matua ā rātou hei whakawhanaketanga ake, ā, ka whakatairanga tēnei i te whakahaeretanga o te kōhanga reo, hei painga mō ngā tamariki me ō rātou whānau.

Ka arotake anō Te Tari Arotake Mātauranga i Te Kōhanga Reo o Te Roopū Whānau i roto i te toru o ngā tau.

1  Te Horopaki

E tū ana Te Kōhanga Reo o Te Roopū Whānau ki Kaitāia. Nō tēnei takiwā tonu te nuinga o ngā tamariki me te whānau. He tākare ngā mātua me ngā karani mātua ki te whai wāhi mātātoa ki te noho o ā rātou tamariki me ā rātou mokopuna ki te kōhanga reo.

2  Ngā Whakaaturanga o te Arotake

He pēhea rawa ngā tamariki e whakaatu i te whanaungatanga?

He pai ngā tamariki ki te whakatinana i te whanaungatanga. E rumakina ana ngā pēpi me ngā tamariki kōhungahunga ki tētahi taiao akoranga ā-whānau e āta poipoi ana i a rātou.

Ngā Taumata Whakahirahira  

Ka ako ngā tamariki i te reo Māori ki te taha o tō rātou whānau. Ka whakamahi ngā kaiako i te whānuitanga o ngā tūmomo rautaki reo papai, pērā i ngā kōrero akiaki, te whakatauira, me te patapatai, hei hāpai i ngā tamariki ki te whakawhiti whakaaro mā te reo Māori. Ka ako ngā tamariki i ngā kupu hou, ngā kīanga hou, me ngā rerenga kōrero hou, ā, ka whakapuaki i aua kōrerorero ki te taha o ō rātou whānau. Ka kōrero ngā kaimahi ki ngā tamariki i a rātou e mahi ana, ā, ka patapatai rātou hei akiaki i ngā whakautu kōrero o te reo Māori. He whai wāhitanga mō ngā tamariki ki te rongo i te reo e whakamahia ana ki ngā horopaki ōkawa, pērā i ngā hui i te marae. Ka kitea tō rātou whakaute, tō rātou māramatanga anō hoki ki ngā tikanga e whai pānga ana ki ngā tūmomo horopaki. E tino hāpaitia ana te kōrero a ngā tamariki i te reo Māori.

Ka tautāwhitia ngā tamariki ki te whanaungatanga. Ka rongo rātou i te pai, te manaakitanga, me te whakaute mā ō rātou hononga ki ngā pākeke me ō rātou hoa. Ka whakataungia ngā tamariki e rangirua ana ki te atawhai me te manaaki. He hiahia nui tō ngā tamariki tuākana ki te whakatutuki i ngā tūmanako e whai pānga ana ki a rātou, ā, e tino tautokona ana rātou ki te mahi pēnei. He hiahia hoki tō ngā tamariki ki te whakaatu i tō rātou āheinga ki te kawe i ngā taumahi. He maha ngā wā ka whakanui, ka akiaki hoki ngā pākeke i ngā whakamātau me ngā whakatutukitanga a ngā tamariki. He harikoa, he tau hoki ngā tamariki ki te kōhanga reo.

Ka whai wāhi atu ngā tamariki ki tētahi wāhi akoranga muramura e whakahihiri ana, ā, kua āta whakaritea anō hoki te whakatakotoranga. Ka ako rātou ki te mahi takitahi me te mahi ngātahi. He pārekareka ki ngā tamariki ngā tākaro hihiri o waho, ā, ka āta mātakina hoki rātou. Kua whakaritea tētahi wāhi ake mō ngā pēpi, ā, ka whakatewhatewha rātou i tō rātou taiao me ā rātou rauemi. Ka whakamahi ia tamaiti i ōna ake whakaaro pohewa puta noa i ngā kaupapa tākaro. Kua āta whakaarohia ngā mahi e whakamahere ana i te hōtaka akoranga, hei whakatutuki i te whānuitanga o ngā tūmomo matea me ngā tūmomo ngākau nuitanga o ngā tamariki. He ākonga pakari ngā tamariki.

E mōhio ana ngā tamariki ki te taiao māoriori, tūturu hoki. He maha ngā whai wāhitanga mō ngā tamariki ki te whakahonohono ki tō rātou taiao mā ngā kaupapa māra kai me ngā haerenga ki te moana me te ngahere. Ka ako ngā tamariki i te reo Māori me ngā tikanga e whai pānga ana ki aua ariā. Ka tāutu rātou i ngā atua Māori e whai pānga ana ki aua tūmomo āhuatanga me te ao e noho nei rātou. E whakawhanake ana te maioha me te whakaute o ngā tamariki mō te ao māoriori, te ao tūturu, me te ao wairua.

Te Whakamahere me te Aromātai 

He rawaka te whakahaere a te whānau i te kōhanga reo, hei painga mō ngā tamariki. Tū ai ngā hui ā-whānau i ia te wā, ā, ka pūrongotia, ka aroturukitia te āhua o ngā mahi o ia marama mō te nuinga o ngā wāhanga i te kōhanga reo. E tino tautokona ana ngā kaimahi i roto i ngā āhuatanga katoa o ā rātou tūranga mahi, tae atu ki te whakawhanaketanga ngaio. Kua tīmata te arohaehae i ngā kaimahi mō tēnei tau. He hiahia tō ngā mema o te whānau ki te tupu tonu me te whakapai tonu i te kaupapa o te kōhanga reo, hei painga mō te katoa. Ka whakapūmau te whānau me ngā kaimahi i ngā hononga papai, puta noa i ngā wāhanga katoa o ngā whakahaeretanga. Ka whai hua ngā tamariki nā te pai o ngā mahi whakahaere ki te kōhanga reo.

Ka hāpai te whakamahere hōtaka i te ako a ngā tamariki. Ka whakaatuhia ngā mahere hei tirohanga mā te whānau me ngā kaiako. He aronga nui tō te whānau ki ngā akoranga o ā rātou tamariki ki te kōhanga reo. Ka whai wāhi rātou ki te whakapuaki whakaaro me te hāpai i ngā mahere. Ka hāngai ngā taumahi me ngā wheako akoranga ki ngā horopaki tūturu o te iwi, ki Te Whāriki, ki te whanaungatanga hoki. He aratohu pai ngā mahere mā ngā kaiako, i roto i ā rātou mahi ki te hāpai i ngā tamariki me ā rātou akoranga. Ka whakaurua ngā ngākau nuitanga o ngā tamariki ki ngā mahere.

Ngā Whakaritenga Matua ka Whai Ake

He whāiti ngā whakaritenga me ngā mōhiohio e pā ana ki te aromatawai. Kāhore anō ngā pūkete a ngā tamariki kia whakaatu i te whānuitanga ake o ngā mōhiohio e pā ana ki Ngā Taumata Whakahirahira. Kāhore i te mārama te āhua o ngā mahi ki te whakamahi me te whakapuaki i te reo e puāwai mai ana i ngā tamariki ki te kōhanga reo. Kāhore te ako a ngā tamariki me tō rātou whakawhanaketanga e āta aroturukitia ana.

Kei te whanake tonu te aromātai hōtaka. Kāhore ngā wheako akoranga o ngā rōpū, o ia tamaiti hoki e arotakengia ana, hei tātari i ngā putanga ka āta whai hua ki ngā tamariki. E whakaae ana hoki ngā kaimahi, e tika ana kia whakapakarihia te aromātai hōtaka, kia hāngai ake ai te aronga ki tēnā e whai hua ana, me tēnā ka whakapai ake tonu. E mōhio ana hoki rātou, i tēnei wā kāhore ngā pūrongo ki te whānau i ngā hui o ia marama e hāngai ana ki ngā mōhiohio i āta tuhia ai, i āta whakaarohia ai mō ngā hōtaka akoranga me ngā putanga ki ngā tamariki.

He ngoikore te pūrongo i ngā wāhanga katoa o ngā whakahaeretanga o te kōhanga reo ki te whānau. Kāhore te whānau e āta whakamōhiotia ana mō ngā āhuatanga katoa o ngā tuhinga e pā ana ki te hauora, te haumaru, me te tiaki rawa, me ngā kaupapa here, ngā tukanga hoki e pā ana ki te tūtohinga. He iti noa ngā mōhiohio e tohu ana i te ahu whakamua o ngā whāinga i whakaritea ai mō te pae tata me te pae tawhiti. E mōhio ana ngā mema o te whānau, me whakapakari ake ngā whakaritenga e pā ana ki te arotake o roto me te pūrongo, kia pai ake ai te aroturuki i ngā wāhanga katoa o te whakahaeretanga me ngā whakaritenga.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. I tāutuhia e Te Tari Arotake Mātauranga te herenga ā-ture e whai ake nei hei whakatutuki ake. Me whakarite te ratonga:

3.1   mō ngā pākeke e whakarato ana i te mātauranga me te atawhai ki ngā tamariki, me mōhio rātou ki ngā akoako hōneatanga e tika ana, ā, me te whakatutuki haere i aua akoako i ia te wā ki te taha o ngā tamariki, ā, me tuhi i aua mōhiohio.
[R 46 (1)(2) Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

4  Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapakari, kia whakatairanga hoki i te kounga o te aromātai o roto ki ngā wāhanga katoa o te kōhanga reo, ā, kia whakamahia aua mōhiohio hei pūrongo ki te whānau i ia te wā mō te āhua o ngā mahi i roto i ngā wāhanga katoa o te kōhanga reo, tae atu ki ngā kaupapa matua i whakaritea ai ki te mahere rautaki.

Te Whakarāpopototanga

E tū ana Te Kōhanga Reo o Te Roopū Whānau ki Kaitāia. E pou here ana te whanaungatanga i ngā hononga mō ngā tamariki, ā, e whai hua ana hoki ki te āta hāpai i ā rātou akoranga. Kei te mārama te whānau o te kōhanga reo, he kaupapa matua ā rātou hei whakawhanaketanga ake, ā, ka whakatairanga tēnei i te whakahaeretanga o te kōhanga reo, hei painga mō ngā tamariki me ō rātou whānau.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Roopū Whānau i roto i te toru o ngā tau. 

Lynda Pura-Watson

Kaiurungi Whakaturuki Arotake Māori 

07 Hakihea, 2016

Ngā kōrero e pā ana ki te kōhanga reo 

Evaluation

Te Kōhanga Reo o Te Roopu Whānau is in Kaitaia. Whanaungatanga underpins relationships for children and effectively supports their learning. The kōhanga reo whānau understand there are key priorities for development to enhance the management of the kōhanga reo that will benefit children and their whanau.

The next ERO review of Te Kōhanga Reo o Te Roopū Whānau will be in three years.

1  Context

Te Kōhanga Reo o Te Roopu Whānau is in Kaitaia. Most children and whānau come from the local community. Parents and grandparents are keen to be actively involved in their children’s time at kōhanga reo.

2  The Review Findings

How well do children express whanaungatanga?

Children express whanaungatanga well. Infants and toddlers are immersed in a nurturing whānau learning environment.

Ngā Taumata Whakahirahira

Children learn te reo Māori alongside their whānau. Kaiako use a range of effective language strategies such as prompts, modelling and questions to support children to communicate in te reo Māori. Children learn new kupu, phrases and sentences and share these with their whānau. Kaimahi talk to children as they work and ask questions to encourage responses in te reo Māori. Children have opportunities to hear the language used in formal settings such as hui on the marae. They show respect for and an understanding of tikanga for different purposes. Children are well supported as developing speakers of te reo Māori.

Children are embraced in whanaungatanga. They experience positive, caring and respectful relationships with adults and other children. Unsettled children are redirected with affection and care. Older children are eager and well supported to fulfil expectations of them. Children are keen to show their ability to lead activities. Adults often praise and encourage children’s efforts and achievements. Children are happy and settled at kōhanga reo.

Children participate in a colourful, vibrant and well organised learning environment. They learn to work on their own and with others. Children enjoy well supervised and energetic play outdoors. Babies have a designated area where they can investigate their environment and resources. Individual children use their imagination throughout play activities. The learning programme is thoughtfully planned to meet the broad range of needs and interests of the children. Children are confident learners.

Children are aware of the natural and physical environment. There are frequent opportunities for children to make connections to their environment through maara kai activities and trips to the moana and ngahere. Children learn te reo Māori me ngā tikanga relating to these contexts. They identify atua Māori responsible for different realms and how they relate to the world around them. Children are developing an appreciation and respect for the natural, physical and spiritual worlds. 

Planning and Evaluation

The kōhanga reo is adequately managed by whānau in the interests of children. Whānau hui are regularly held to report on and monitor the monthly performance of most areas of the kōhanga reo. Kaimahi are well supported in all aspects of their employment including professional development. Appraisal of kaimahi has begun for this year. Whānau members are keen for continual growth and improvement of the kōhanga reo kaupapa for all. Whānau and kaimahi maintain positive relationships across all areas of operations. Children benefit from a well managed kōhanga reo.

Programme planning supports children’s learning. Plans are displayed and visible to whānau and kaiako. Whānau have a strong interest in their children’s learning at kōhanga reo. They contribute ideas and support to planning. Activities and learning experiences are based on authentic iwi contexts,Te Whāriki and relationships. Plans are a good guide for kaiako to support children and their learning. Children’s interests are included in planning.

Key Next Steps

Assessment practice and information is limited. Children’s portfolios are yet to show more information across Ngā Taumata Whakahirahira. It is not clear how children’s emerging and developing language is used and expressed at kōhanga reo. Children’s learning and development is not well monitored.

Programme evaluation is still developing. Learning experiences for groups and individuals are not reviewed to determine productive outcomes for children. Kaimahi agree there is a need to strengthen programme evaluation to focus on what works well and what can be improved. They also acknowledge that reporting to whānau at monthly hui does not currently include documented and well considered information about the learning programmes, and outcomes for children.

Reporting to whānau across all areas of kōhanga reo operations is weak  . Whānau are not well informed on all health, safety and property maintenance records, and the tutohinga policies and procedures. There is little information to show is how much progress is being made with planned short and long term goals. Whānau members recognise that internal review and reporting practices need strengthening in order to better monitor all areas of management and operations.

3  Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements. ERO identified the following area of non-compliance which must be addressed. The service provider must ensure that:

3.1   adults providing education and care for children are familiar with relevant emergency drills, regularly carry these out with the children and record this information.
[R46 (1)(2) Education (Early Childhood Services) Regulations 2008; HS8 Licensing Criteria for Kōhanga Reo affiliated with Te Kōhanga Reo National Trust 2008]

4  Recommendation

ERO and the Kōhanga Reo whānau developed the following recommendation:

• strengthen and raise the quality of internal evaluation for all areas of the kōhanga reo and use this information to report to whānau regularly on the performance of all areas of the kohanga reo, including priorities planned in the strategic plan.

Conclusion

Te Kōhanga Reo o Te Roopu Whānau is in Kaitaia. Whanaungatanga underpins relationships for children and effectively supports their learning. The kōhanga reo whānau understand there are key priorities for development to enhance the management of the kōhanga reo that will benefit children and their whanau.

When is ERO likely to review the kōhanga reo again?

The next ERO review of Te Kōhanga Reo o Te Roopū Whānau will be in three years. 

Lynda Pura-Watson

Deputy Chief Review Officer Māori 

7 December 2016 

Information about the Kōhanga Reo