300 Pukemoremore Road , Cambridge
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.
E tū tuawhenua ana Te Kura o Ngaati Hauaa, e pā tata atu ana i te marae o Tauwhare, i te rohe o Waikato. Kei raro te kura i te maru o Ngā Kura ā Iwi o Aotearoa, ā, e whakarato ana i te mātauranga o te reo Māori ki ngā uri 111, mai i ngā tau 1 ki te 8. Kua tino piki ake te tatauranga o ngā tamariki ki te rārangi ingoa, whai muri i te taenga kē mai a Te Tari Arotake Mātauranga ki te kura i te Pipiri o te tau 2021. Nā tēnā, he nui ngā whakahouanga whare e whakahaerehia ana, hei poipoi i te tokomaha ake o ngā uri i te kura. “Kia whītikingia te reo, te wairua, me ōna tikanga” te tikanga whakaaro e ārahi ana i te whakapūmautanga o te kura i te Ngāti Hauātanga.
Ka tūmāia ngā uri, ka kōkiri i a rātou anō, ā, he pūkenga anō hoki ō rātou hei kawau mārō mō ō rātou whānau, ō rātou hapū, me ō rātou iwi.
Ko ngā mātauranga, ngā tikanga, me te reo o Ngāti Hauā e pou here ana i ngā whakaakoranga me ngā akoranga. Ka āta whakatakoto te marau ā-kura i ngā tikanga ako e whai pānga nui ana ki te whakawhanaketanga ā-mātauranga, ā-ahurea hoki o ngā uri o Ngāti Hauā. Ka toro atu ngā wheako ako ki ngā mōteatea, ngā pātere, ngā pepeha, te Kīngitanga, te Tumuakitanga, ngā mātāpono me ngā uara o te Pai Mārire. Ko ngā ariā whānui e hāpai ana i ngā uri ki te ārahi me te whai wāhi atu - mā te mātau me te ngākau titikaha – ki ngā kaupapa, hei mema manawa whakahī o te kura, te whānau, te hapū me te iwi. Ko te whai wāhi atu ki ngā tūmomo wheako i te kura me te marae e whakatairanga ana i te māramatanga o ngā uri ki a rātou anō, ā, ka whakatairanga hoki i tō rātou waiora torowhānui. He pakari te aronga toi whenuatanga me te tuakiri o ngā uri.
E rumakina ana ngā uri ki tētahi taiao ako haumaru e poipoi ana i a rātou, ā, e aro matua ana hoki ki te mātauranga Māori. Kua āta whakatōngia ngā tūmanako whakaako, tūmanako ako hoki e mārama ana, e tūhonohono tahi ana, ā, ka whakaaro huritao ki ērā i ngā wā katoa, hei hāpai i te whakatere ake i te ako a ngā uri katoa. E poipoi ana te taiao ako i te ārahitanga, ā, ka whai wāhi atu ngā uri ki ngā whakataunga e pā ana ki ā rātou akoranga. E whai hua ana ngā whakaritenga aromatawai, ā, ka whakamōhio i ngā whakaritenga matua ka whai ake i roto i ngā akoranga a ngā uri. E noho pūmau ana ngā kaiako ki te whakarato i tētahi hōtaka akoranga o te kounga kairangi e whakakotahi ana i ngā ākonga. Ka ū rātou ki te whakapai haere i ō rātou mōhiotanga me ā rātou whakaritenga ngaio mā te arotake whaiaro, te mahi tahi, te tautoko i te ako a ō rātou hoa mahi, me ngā mahi pakirehua, ā, ka kapohia ki ngā tuhinga e pā ana i te huringa taiāwhio whakatupu ngaio. Ko te kaha o ngā hononga ki waenga i te tuakana me te teina e pou herea ana ki te nui o ngā tūmanako, te whakawhirinakitanga, me te whakaute. Ka whakawhanake, ka whakapuaki hoki ngā uri i te ngākau titikaha i roto i te hōhonutanga o tō rātou taiao ako.
He mahi takune, he mahi whai mōhiohio hoki te whakatairanga ake i ngā putanga ki ngā uri. Ka noho mātua rā te reo ā-waha hei hāpai i te whakawhiti mai ki te kura a rātou ngā uri e mau ana i te iti noa o te reo Māori, ā, e aro nui ana ki te reo ā-waha hei wāhanga whakapū o te mātau ki te reo matatini. I tohu ngā hōtuku i te mutunga o te tau 2023, i te 89% o ngā uri e eke ana ki te taumata e tūmanakohia ana, ki tua atu rānei i roto i te kōrero, i te 79% o ngā uri e eke ana ki te taumata, ki tua atu rānei i roto i te pānui, me te 82% o rātou e eke ana ki te taumata, ki tua atu rānei i roto i te pāngarau. Kāhore i te pērā rawa te papai i roto i te tuhituhi, ā, e 62% kē ngā uri e eke ana ki te taumata ā-kura e tūmanakohia ana, ki tua atu rānei. Nā tēnā, ko te whakapai ake i ngā paetae ākonga i roto i te tuhituhi i tautuhia ai hei kaupapa rautaki matua mō te tau 2024. Ka noho mātua rā te aronga ki ngā matea ako o ngā uri, me tā rātou eke angitu.
Ka whakatauirahia te ārahitanga kaha, te ārahitanga tautōhito. Ko te ngātahitanga, te tohatoha, me te aronga hoki o te ārahitanga ki ngā pūmanawa, e hāpai katoa ana i te whakatinanatanga o te tirohanga me ngā whāinga rautaki o te kura. Ka poipoi, ka aroturuki hoki ngā kaiārahi o te kura i tētahi ahurea e hāpai nui ana i te angitu o ngā putanga ako a ngā uri. Ko te whai huatanga o ngā tūmanako whakaako, tūmanako ako hoki e whakatairangatia ana, e āta tautokona ana hoki. Ko ngā pūkenga i tautuhia ai ki te rōpū whakaako, ko te tautoko ako o tētahi i tētahi, ko te tuakana-teina, ko ngā whai wāhitanga whakawhanaketanga ngaio o Ngā Kura ā Iwi o Aotearoa, me te huringa taiāwhio tupu ngaio, e whakapakari katoa ana i ngā pūkenga o ngā kaiako, ā, e ārahi ana i tā rātou aro atu ki ngā matea i tautuhia ai ki ngā ākonga. He whakawhirinakitanga tō ngā hononga ngaio, ā, kua pou herea ki te whakapapa me te ū tahitanga ki te kaupapa. E whanake ana ngā uri hei kaiārahi mō te iwi ki anamata.
Ko ngā pūnaha, ngā tukanga, me ngā whakahaeretanga e whakatairanga ana i ngā wawata o te whānau, te hapū, me te iwi. Ko te Ngaati Hauaatanga he wāhanga whakapū o te aronga rautaki o te kura. Kua mahi Te Poumarumaru ki te taha o ngā whānau ki te whakawhanake i tētahi māramatanga ngātahi ki te marau ā-kura. Kua whai pānga matua tēnei ki te kounga o ngā kōrero urupare i whiwhi ai Te Poumarumaru, hei hāpai ake i te whakapaitanga o ngā putanga ki ngā uri. Kei ngā mema te tangongitanga o ngā pūmanawa me ngā pūkenga e whakapakari ai i ō rātou āheinga ki te kāwana. Ko tā ngā mema tautōhito mahi, he whakaako, he ārahi, he tautoko hoki i ngā mema hou. Kei ia mema ake āna kawenga, ā, ka whakapuaki i ngā mōhiohio e hāpai ana i tō rātou tino māramatanga ki ō rātou tūranga ngātahi. Tae atu ai Te Poumarumaru ki ngā whakawhanaketanga ngaio o Ngā Kura ā Iwi o Aotearoa, ā, ka toro atu hoki ki te ārahitanga o ngā mātanga i roto i tō rātou Kāhui Ako. Ko te waiora me te haumaru o ngā uri kei te pūtake o ngā pūnaha, ngā tukanga me ngā whakataunga.
Ahakoa kua āta whakaritea te marau ā-kura, kua tae ki te wā kia whakawhanake, kia whakapuaki, kia whakatinana hoki ngā kaiārahi i tētahi pūkete pia e whakaatu ana i ngā putanga e hiahiatia ana mō ngā uri. Ko te āta tautuhi i ngā pūkenga, ngā pūmanawa, me ngā mōhiotanga e hiahiatia ana, e noho whakahirahira ana hoki ki te whānau o te kura, ki te hapū, me te iwi, ka whai wāhi atu ki te hāpai i ngā mahi e whakamahere ana, e aroturuki ana hoki i te ahu whakamua a ngā uri ki te whakatutuki i aua tūāhuatanga. Ka hāpai anō hoki i ngā uri ki te eke angitu hei uri o Ngaati Hauaa.
Me whakatinana i tētahi pūnaha e arotake ana i ia te wā i ngā kaupapa here me ngā tukanga o te kura. Me āta whakatau taua arotake i te whakatutukitanga o ngā kaupapa here katoa i ngā herenga ā-ture o te wā, me te whai pānga ki ā rātou whakaritenga. I te wā o te arotake nei, i te whakamahi te kura i te kaupapa here e pā ana ki te Vulnerable Children’s Act. I tahuri wawe Te Poumarumaru ki te whakawhanake i tētahi kaupapa here e pā ana ki te ārai tamariki, ā, kua manatokotia, kua rite hoki ki te whakatinana. Ko te whakaritenga ka whai ake, kia āta whakataungia e ngā kaiārahi te whai wāhi atu a te whānau me ngā kaimahi ki ngā whakangungu e hāpai ai i te whakawhanaketanga o te takohanga ngātahi i ngā tūmanako e pā ana ki te Children's Act 2014. Ka whai hua ngā uri i te wā e noho mātua ana te aronga ki te hauora me te haumaru.
I mua i te aromātai, i whakatutukihia e te poari kaitiaki me te tumuaki he Tauāki Kupu Tūturu a Te Poumarumaru me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:
I whakawhanakehia e Te Tari Arotake Mātauranga me te tumuaki te taunakitanga e whai ake nei, arā, kia:
Rita Walker
Toka ā Nuku Whakakapi
Te Uepū-a-Motu – Māori Services
23 Kohitātea 2025
| Te tūwāhi | Kei Tauwhare |
| Te tau a te Tāhuhu o te Mātauranga | 1851 |
| Te tūmomo kura | He kura tuatahi (Tau 1-8) |
| Te tokomaha o ngā ākonga o te kura | 111 |
| Ngā hononga ā-iwi | Māori 100% |
| Ngā āhuatanga motuhake | Ngā Kura ā-Iwi |
| Te wā i te kura te rōpū arotake | Mahuru 2024 |
| Te wā o tēnei pūrongo | 23 Kohitātea 2025 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2021; Arotake Mātauranga, Kohi-tātea 2017; Arotake Mātauranga, Haratua 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
Ngaati Hauaa School is a rural kura situated near Tauwhare Marae in the Waikato district. The kura affiliates to Ngaa Kura aa Iwi o Aotearoa (NKAI) and provides te reo Māori education for 111 uri from Years 1-8. There has been a significant roll increase since ERO’s previous visit to the kura in June 2021. Because of this, major property renovations are underway to accommodate the increased number of uri attending. ‘Kia whiitikingia te reo, te wairua me ōna tikanga’ guides the kura commitment to Ngaati Hauaatanga.
Uri are confident, independent and capable champions for their whaanau, hapuu and iwi.
Maatauranga, tikanga and reo of Ngaati Hauaa underpins teaching and learning. The marau aa kura clearly articulates teaching and learning pedagogy important to developing academic and culturally capable Ngaati Hauaa uri. Learning experiences draw from mooteatea, paatere, pepeha, Kiingitanga, Tumuakitanga, maataapono and values as followers of Paimaarire. Overarching themes prepare uri to lead and participate competently and confidently in kaupapa as proud members of the kura, whaanau, hapuu and iwi. Exposure to different experiences in kura and at the marae enhance uri understanding of who they are and promote their holistic wellbeing. Uri have a strong sense of belonging and identity.
Uri are immersed in a safe and nurturing learning environment that prioritises maatauranga Maaori. Clear and cohesive teaching and learning expectations are embedded and are continuously reflected upon to assist in accelerating learning for all uri. The learning environment fosters leadership and includes uri in decisions about their learning. Assessment practices are efficient and inform next steps for learning for uri. Kaiako are committed to providing a high quality and inclusive learning programme. They consistently improve their knowledge and professional practice through self-review, collaboration, peer mentoring and inquiry which is captured in their professional growth cycle documentation. Strong tuaakana teina and relationships are underpinned by high expectations, trust and respect. Uri develop and express confidence in their rich learning environment.
Improving outcomes for uri is intentional and informed. Te reo a waha has been prioritised to assist the transition of uri enrolling at kura with limited te reo Māori, and to acknowledge that te reo a waha is fundamental to literacy competence. The kura end of 2023 data showed 89% of uri were achieving at or above expectations in koorero, 79% were at or above in paanui and 82% were at or above in paangarau. Outcomes were not as favourable in tuhituhi, with only 62% of uri achieving at or above kura expectations. As a result, improving uri achievement in tuhituhi was identified as the strategic priority for 2024. Uri learning needs and success are prioritised.
Strong experienced leadership is role modelled. Collaborative, distributive and strength-based leadership pursues the realisation of kura vision and strategic goals. Kura leaders nurture and monitor a culture that is conducive to successful uri learning outcomes. Effective teaching and learning expectations are promoted and well supported. Identified expertise among the teaching team, peer mentoring, tuaakana teina, NKAI professional development opportunities and the professional growth cycle build kaiako capability and guide their response to the identified needs of students. Professional relationships are trusting, underpinned by whakapapa and a collective commitment to the kaupapa. Uri are developing as future leaders for the iwi.
Systems, processes and operations promote whaanau, hapuu and iwi aspirations. Ngaati Hauaatanga is a fundamental part of the strategic direction of the kura. The poumarumaru have worked with whānau to develop a shared understanding of the marau aa kura. This has been integral to the quality of feedback the poumarumaru receive to better serve improved outcomes for uri. Members possess a variety of experience and skills that strengthen their governing capability. Experienced members mentor, guide and support newer members. Individual members lead areas of responsibility and share information that assists them to understand their collective roles well. The poumarumaru attends NKAI professional development opportunities regularly and seek guidance from the expertise withing their Kaahui Ako network. Uri wellbeing and safety are at the heart of systems, processes and decision making.
While the marau aa kura is well established, it is timely for leaders to develop, articulate and implement a graduate profile that embodies the desired outcomes for uri. Clearly defining the desired skills, attributes and knowledge important to the kura whaanau, hapuu and iwi will help to plan for and monitor uri progress toward attaining these. And further support uri to achieve success as uri of Ngaati Hauaa.
A system of ongoing review of kura policies and procedures needs implementing. The review should ensure all policies meet current legislative requirements and are fit for purpose. At the time of this review, the kura was using a Vulnerable Children’s Act policy. The poumarumaru responded quickly and developed a Child Protection Policy that has been ratified and is ready for implementation. The next step is for leaders to ensure whaanau and staff receive training, to develop a collective obligation of their responsibility to the Children’s Act 2014 expectations. Uri benefit when health and safety is prioritised.
Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
During the evaluation, ERO checked at the following items because they have a potentially high impact on student safety and wellbeing:
ERO and the tumuaki developed the following recommendation:
Rita Walker
Toka-ā-Nuku – Acting Director
Te Uepū ā-Motu – Māori Review Services
23 January 2025
| Location | Tauwhare |
| Ministry of Education profile number | 1851 |
| Kura type | Full Primary (Years 1 – 8) |
| Kura roll | 111 |
| Ethnic composition | Māori 100% |
| Special features | Ngaa Kura aa Iwi |
| Review team on site | September 2024 |
| Date of this report | 23 January 2025 |
| Most recent ERO report(s) | Education Review, June 2021; Education Review, January 2017; Education Review, May 2012 |
| Kura Te Aho Matua | Te Kura o Ngati Haua |
| Te tau a Te Tāhuhu o te Mātauranga | 1851 |
| Te tūwāhi | Kei Kemureti |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
He kura tuawhenua Te Kura o Ngāti Hauā, e tū pā tata atu ana i te hapori iti o Tauwhare, ki te rohe o Waikato. Kua tū tēnei kura mō ngā tau iwa tekau mā rima. Nō nā noa nei te poumarumaru hou i whakatūngia ai. Kua tino rahi ake te rārangi ingoa o te kura. He tino hononga ā-whakapapa tō ngā kaimahi me ngā whānau katoa, ā, he uri rātou nō Ngāti Hauā.
He mātātoa te whai wāhi atu a ngā uri ki ngā taumahi me ngā mahi e hāpai ana i tō rātou mana motuhake ā-hinengaro, ā-mātauranga.
Ka whakapuaki ngā uri i te whakahirahiratanga o tō rātou ūkaipōtanga, tō rātou tuakiri, tō rātou reo, me tō rātou ahurea. Ka āta whakarite te kura kia whai wāhi atu ngā uri ki ngā tikanga me ngā kawa o Ngāti Hauā. Ka whai wāhi nui ngā marae me te taiao o te takiwā ki te hōtaka akoranga, tae atu hoki ki ngā maunga, ngā ngahere, ngā whenua, me ngā marae. E hāpaitia ana te kura e ngā kuia me ngā kaumātua. Ka āta whakanui te whānau i ngā whai wāhitanga e whakaratohia ana hei whakatairanga i te tuakiri o ngā uri me tō rātou aronga toi whenuatanga. Ka noho mātua rā te reo, ngā kupu, me te mita o Ngāti Hauā ki roto, ki waho hoki i te kura. He ngākau titikaha tō ngā uri ki te ārahi i ngā waiata, ngā mōteatea, me ngā karakia. Ka whakarato te whānau me ngā kaimahi i ngā whai wāhitanga mō ngā uri ki te ako i ngā hītori o Ngāti Hauā. He mātātoa te whai wāhi atu a te kura ki ngā huihuinga o te Kīngitanga, pērā i ngā poukai me te Koroneihana. Ka noho tākare ngā uri ki te whai wāhi atu, me te tautoko, te hāpai atu hoki ki ngā huihuinga a te iwi me te hapū. E whakawhanake ana ngā uri tuākana i tō rātou māramatanga ki te kaitiakitanga. Ka whai wāhi nui ngā uri ki ngā akoranga e whai pūtake ana ki a rātou hei uri o Ngāti Hauā.
Ka whai hua ngā uri nā ngā whakaritenga whakaako, whakaritenga ako hoki e āta whakamaheretia ana. He whai wāhitanga mō rātou ki te tūhura i ngā akoranga, ki te taha o ngā tuākana, ngā kaumātua, ngā whānau, ngā pouako, me te hapori whānui. Ka whakamahi ngā pouako i ngā hōtuku ki te whakatinana haere i ngā whakataunga, ā, ka aroturuki hoki rātou i te whai pānga o aua whakataunga ki ngā paetae a ngā uri. Ina he matea ako ake ō ētahi o ngā uri, ka tautokona rātou e ngā pouako mātanga. He rautaki, he rauemi hoki e hāpai ai i ngā uri e mōhio ana ki te iti noa o te reo Māori. Ka tāutu ngā whānau me ngā pouako i ngā pūmanawa me ngā matea ako, ka whakatakoto hoki i ngā whāinga, ā, ka whakamahere ngātahi hei painga mō ngā uri. Ka ārahi ngā uri tuākana i ngā huihuinga a te pouako me ngā mātua. Ka whakamahia ngā hangarau matihiko hei whakatairanga ake i ngā whakaakoranga me ngā akoranga. Ka kitea ki ngā paetae hōtuku te tino ahu whakamua, puta noa i te kura. Hui tahi ai te kura i ia te wā ki te taha o ētahi atu kura, mō te hākinakina, te kapa haka, me ngā kaupapa o te hapori. Kei te harikoa, kei te mauritau te āhua o ngā uri ki roto, ki waho hoki i ngā akomanga.
Ka arotahi ngā pouārahi me te poumarumaru ki te angitu me ngā pūmanawa o ngā uri. Ka whakamahi ngātahi rātou i ō rātou pūmanawa, ō rātou pūkenga, me ō rātou mōhiotanga ki te hāpai i ngā tino putanga ki ngā uri. He hononga ā-whakatupuranga tonu tō ngā mema o Te Poumarumaru ki te kura. I whai wāhi atu te whānau, ngā pouako, te hapū, me te iwi ki ngā wānanga, hei whakaoti i te marau ā-kura. He whai wāhitanga mō rātou katoa ki te tae atu ki ngā hui me ngā kaupapa whakawhanaketanga ngaio a Ngā Kura ā Iwi. Ka whakapā atu ki te whakawhanaketanga ngaio mā Ngā Kura ā Iwi, mā Te Tāhuhu o te Mātauranga, mā tā rātou Kāhui Ako hoki. Kua tino rahi ake te tatauranga o te rārangi ingoa ki te kura i tēnei tau. Kua whakahāngaitia te tūtohinga me te tirohanga a te kura ki te rautaki mātauranga a Tainui me Te Kauhanganui. Kei Te Poumarumaru ētahi kawenga mahi i tohaina ai mā rātou, ā, e pakari haere ana tō rātou tūmāia me tō rātou mōhiotanga ki te kāwana i te kura. Ka eke angitu ngā uri i te wā kei pūtake rātou o ngā whakataunga.
Ka kitea te arotake whaiaro ki ngā meneti me ngā mahere a ngā pouako, inarā mō te whakaako i a rātou ngā uri hei āta hāpai ki te ako. Ka whakamahi ngā pouako i ngā hōtuku paetae ki te whakamōhio i ngā whakaakoranga, ngā akoranga, ngā mahere, me ngā whakataunga. Kei te tino ahu whakamua ngā uri i roto i ā rātou akoranga, puta noa i te kura. E tohu ana ngā taumata paetae o te kura i te piki ake o ngā whakatutukitanga i roto i te pānui, te tuhituhi, me te pāngarau. Ka whakaaro huritao ngā kaimahi ki ā rātou whakaritenga, ā, ka toro atu hoki ki ngā whakaaro o ngā uri hei hāpai i te whakatinanatanga haere o ngā mahere ako.
Kāhore anō te āhua mahi a ngā pouārahi kia arohaehaengia mā ngā taumata ngaio o te tau 2021. He mea nui kia whakatinanahia e Te Poumarumaru ngā tukanga me ngā aratohu mō te arohaehae i ngā pouārahi. Ka hāpai te tukanga i te tāutu a ngā pouārahi i te whakawhanaketanga ngaio e tika ana mō ā rātou mahi i roto i te kura. Ka whai hua ngā tamariki mā te whakapiki ake o ngā mōhiotanga me ngā pūkenga o te pouārahi, hei whakatairanga ake i te kounga o ngā whakaakoranga me ngā akoranga.
Kāhore anō te kura kia whakawhanake i tā rātou pūkete mō te āhua o te ākonga i tana putanga i te kura. Kia oti taua pūkete, ka hiahia rātou ki te whakawhanake i ētahi tino rauemi aromatawai motuhake, me ētahi paearu e hāngai ana ki te tuakiri me ngā pūmanawa o Ngāti Hauā.
Me whakapakari ake i ngā tuhinga e pā ana ki te arotake o roto. E whakapakari ana te poari hou i ō rātou āheinga ki te kawe i ō rātou tūranga. E ū tahi ana kia haere tonu te whakatairanga ake, puta noa i ngā wāhanga katoa o te kura. Ka taea taua āhuatanga te āta whakamahine ake, te āta aroturuki ake.
I mua atu i te whakahaerenga o te arotake i whakatutukihia e te whānau me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
Te wāhanga kāhore e tutuki ana e ai ki te ture:
[Te Kahiti Mātauranga o Aotearoa me ngā kirimini mahi e whai pānga ana]
Kia toro atu te whānau ki te āwhina o Ngā Kura ā Iwi, ki te whakatutuki i ngā wāhanga i whakaraupapahia ai ki tēnei pūrongo hei whakawhanake ake.
Darcy Te Hau
Toka-ā-Nuku
Te Uepū ā-Motu - Māori Review Services
02 Pipiri, 2021
| Te tūwāhi | Kei Kemureti | |
| Te tau a te Tāhuhu o te Mātauranga | 1851 | |
| Te tūmomo kura | He kura ā-iwi | |
| Te tokomaha o ngā ākonga o te kura | 108 | |
| Te ira tangata | Kōtiro 54 Tama 54 | |
| Ngā hononga ā-iwi | Māori Pākehā | 98% 2% |
| Ngā āhuatanga motuhake | Ka whakaako mā te reo Māori | |
| Te wā i te kura te rōpū arotake | Paenga-whāwhā 2021 | |
| Te wā o tēnei pūrongo | 2 Pipiri 2021 | |
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Kohi-tātea 2017 Haratua 2012 Poutū-te-rangi 2009 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Ngati Haua School is a rural kura situated near the small settlement of Tauwhare in the Waikato district. The kura has a long history of 95 years. There is a newly appointed board of trustees. The roll has increased significantly. All the staff and whānau are closely related and identify as Ngāti Haua.
Uri actively participate in activities and work that prepares them to be intellectually and academically independent.
Uri articulate the importance of their ūkaipōtanga, identity, language and culture. The kura ensure exposure to Ngāti Hauā tīkanga and kawa. The local marae and surrounding environment are a big part of the learning programme, including maunga, ngāhere, whenua and marae. The kura is supported by kuia and kaumātua. Whānau value the opportunities provided to enhance uri identity and belonging. Language, vocabulary and dialect specific to Ngāti Hauā is paramount in and out of the kura. Uri are confident to lead waiata, mōteatea and karakia. Whānau and kaimahi provide opportunities for uri to learn Ngāti Hauā history. The kura actively participate in Kīngitanga occasions e.g. poukai and koroneihana. Uri are eager and enthusiastic to participate; serve and contribute to iwi and hapū events. Older uri are developing their understanding of kaitiakitanga. Uri enjoy learning that is meaningful for them as uri of Ngāti Hauā.
Uri benefit from teaching and learning practice that is well planned. They have opportunities to explore learning, with tuākana, kaumātua, whānau, pouako and the wider community. Pouako use data to inform decision making and monitor the impact of decisions made on the achievement of uri. Uri with learning difficulties have specialised pouako to support them. Strategies and resources are allocated for uri with limited te reo Māori. Whānau and pouako identify strengths, learning needs, set goals and plan together for uri. Older uri lead teacher-parent conferences. Digital technology is used to enhance teaching and learning. Uri achievement data shows significant progress kura wide. The kura has regular interactions with other kura for sport, kapa haka and community events. Uri appear happy and settled in and out of classrooms.
Pouārahi and poumarumaru focus on uri success and potential. They utilise their collective strengths, skills and knowledge to support positive outcomes for uri. Members of the Poumarumaru have intergenerational connection to the kura. Whānau, pouako, hapū and iwi participated in wānanga to complete the marau-a-kura. They are all given the opportunity to attend Ngā Kura-ā-Iwi (NKAI) hui and professional development. Professional development is accessed through NKAI, Ministry of Education and their Kahui Ako. The kura roll has significantly grown this year.
The charter and kura vision have been aligned to the Tainui education strategy and the Kauhanganui. The poumarumaru have delegated responsibilities and are building their confidence and governance knowledge. Uri achieve success when at the centre of decision making.
Self-review is evident in pouako minutes and planning especially for uri at risk. Pouako use achievement data to inform teaching and learning, planning and decision making. Uri kura-wide are making significant progress in their learning. Kura achievement targets show increased levels of achievement in pānui, tuhituhi and pāngarau. Kaimahi reflect on their practice and seek student opinion to inform lesson planning.
Pouārahi performance has not been assessed against all the professional standards for 2021. It is important for poumarumaru to implement processes and timelines for pouārahi appraisal. The process will allow pouārahi to identify professional development relevant to her work within the kura. Children will benefit from increasing pouārahi knowledge and skills to raise the quality of teaching and learning.
The kura have yet to develop their graduate profile. Once this is complete, they plan to develop unique assessment tools and criteria to reflect Ngāti Haua identity and attributes.
Documentation of internal review requires strengthening. The new board is building their capability in their delegated roles. There is a shared commitment to continuous improvement across all areas of the kura. This could be more clearly defined and monitored.
Before the evaluation, the whānau and Tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
During the evaluation, ERO checked the following items because they have a potentially high impact on student achievement:
Whānau continue to seek the assistance of Ngā Kura-ā-iwi to address the areas for development referred to in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
2 June 2021
| Location | Cambridge | |
| Ministry of Education profile number | 1851 | |
| Kura type | Kura-ā-Iwi | |
| Kura roll | 108 | |
| Gender composition | Female 54 Male 54 | |
| Ethnic composition | Māori Pākehā | 98% 2% |
| Special features | Māori Medium | |
| Review team on site | April 2021 | |
| Date of this report | 2 June 2021 | |
| Most recent ERO report(s) | Education Review Education Review Education Review | January 2017 May 2012 March 2009 |
E tū pā tata atu ana Te Kura o Ngāti Haua ki te hapori iti o Tauwhare. Ka kitea ki ngā uri tō rātou tūmāia, me tō rātou tino aronga toi whenua, tō rātou tino whakaaro nui hoki ki tō rātou whānau, tō rātou hapū, tō rātou iwi, me te ao whānui. He pakari, he māoriori, he hūmārie anō hoki te whakatinanatanga o ngā uri i tō rātou Ngāti Hauātanga.
Tērā ka whakahaeretia e Te Tari Arotake Mātauranga te arotake whai muri o Te Kura o Ngāti Haua i roto i ngā tau e toru.
Ko Te Kura o Ngāti Haua tētahi kura tuawhenua e pā tata atu ana ki te hapori o Tauwhare. I tēnei wā kei te huri te tūnga o te kura ki te kura ā-iwi. Kātahi anō ngā kaitiaki hou o te poari ka whakatūngia. E pou here ana tā rātou tauāki tirohanga i tō rātou noho pūmau ki te whakatakoto i te huarahi whai oranga mō ō rātou uri me tō rātou hapū mō meāke nei.
‘Whītikingia te reo, te wairua, me ōna tikanga’
Ka kitea atu ngā uri e tūmāia ana, me te kaha anō hoki o tō rātou aronga toi whenuatanga, tō rātou kawenga hoki hei painga mō ō rātou whānau, tō rātou hapū, tō rātou iwi, me te ao whānui.
E whakatinana ana ngā uri i ngā uaratanga me ngā tikanga o tō rātou iwi. Ka mahi ngātahi te mana whenua me ngā kaimahi ki te whakarato i ngā whai wāhitanga mō ngā uri ki te ako i ngā āhuatanga e pā ana ki a rātou anō, i tō rātou tūrangawaewae hoki. Ka āta whakarite ngā pouako kia pakari te reo me ngā tikanga, puta noa i te kura. Ka whai wāhi atu ngā uri ki ngā kaupapa katoa o te hapū, te iwi, me tō rātou marae ia wā. E ako ana ngā uri i te whai pānga nui o te whai wāhi atu, o ngā mahi hoki a tō rātou iwi ki te Kīngitanga. E mōhio ana, e whakamana ana hoki ngā uri i ō rātou hononga ki ētahi atu iwi. He pakari, he māoriori, he hūmārie hoki te whakatinanatanga a ngā uri i tō rātou Ngāti Hauātanga.
E ako ana ngā uri ki tētahi taiao nahanaha e āta poipoi ana i tō rātou waiora. Ka poipoi, ka whakakoia hoki ngā hononga, otirā, ka whai pānga ki te eke angitu o ngā uri. Ka mahi ngātahi te whānau ki te whakarato i tētahi taiao e poipoi ana, e noho mauritau ana hoki mō ngā uri. Kei Te Poumarumaru ngā taumata teitei i whakaritea ai mō ngā hononga, te ārahitanga, me te whakaaro nui ki ētahi atu. Ka whakatairanga te whānau i te whakahirahiratanga o te kori tinana me te whai i te oranga tangata. Kua whakaritea e ngā pouārahi me ngā pouako ngā tino tūmanako e pā ana ki te whanonga me ngā ārahitanga o ngā uri. Ka rongo ngā uri i ngā hononga papai, ka noho whakaute rātou ki ētahi atu, ā, he tika tā rātou whanonga ki te whānuitanga o ngā tūmomo horopaki. Ka whai wā rātou ki te ārahi, me te whakatau i ā rātou ake whakaritenga mā te mōhio me te whai kawenga. Ka whai hua ngā uri nā te whānuitanga o ngā tūmomo kaupapa kori tinana, hākinakina hoki i āta whakamaheretia ai. Ka tūmāia ngā uri, ā, he tino aronga toi whenuatanga tō rātou.
Ka kawe ngā uri i ā rātou akoranga. Ka whakatakoto ngā pouako i ngā tūmanako nui kia eke angitu ai ngā uri, ā, ka whakarato rātou i ngā taiao ako i āta whakaritea ai, e whai rauemi ana hoki hei hāpai i ngā ākonga katoa. E mōhio ana ngā pouako ki ngā matea me ngā ngākau nuitanga o ia uri, ā, ka whakamahi i aua mōhiotanga hei ārahi i ngā whakataunga e pā ana ki te whakaako me te ako. Ka kōrero urupare, ka whakatakoto whāinga anō hoki ngā pouako, hei akiaki i te ako tonu. He tino māramatanga tō ngā uri ki ā rātou whāinga ako me ā rātou paetae angitu. E whakawhanake ana rātou i te āheinga ki te aroturuki i a rātou anō, me te aromātai i tā rātou ahu whakamua. Ka kawe ake ngā uri i ngā wero me ngā whai wāhitanga ki te whakawhānui ake i ō rātou mōhiotanga me ō rātou pūkenga. He pai ki a rātou te mahi ngātahi me te ako i ētahi atu. He ngana ngā uri ki te ako.
E whakawhanake ana te māramatanga o ngā uri ki ngā tirohanga hou me ngā tirohanga tuku iho o te ao Māori, me te whai pānga o ēnei ki a rātou, me te wā kei te heke mai. Ka whakarato ngā pouako i ngā wheako akoranga tūturu, kia whai wāhi ai ngā uri ki te tiaki me te whakarauora anō i te taiao māoriori. He whai wāhitanga mō ngā uri ki te mahi ki te taha o ētahi atu, me te whai wāhi atu ki ngā tūmomo āwangawanga, te whakawhanake anō hoki i ngā rongoā hou. Ko te tiki atu i ngā tuna i te wā i para ai tētahi kaipāmu i ngā koiawa o tana pāmu tētahi tauira o tā rātou whai wāhi nui, tā rātou aro atu hoki ki ngā āhuatanga o tō rātou ake taiao. E mōhio ana rātou, mā rātou anō te kawenga nui ā tōna wā ki te tiaki i te taiao. He ākonga pākiki, he ākonga whai kawenga hoki ngā uri.
Ka āta whakarite ngā uri ki te ako ki te whānuitanga o ngā tūmomo horopaki. Kua āta whakaritea ngā tukanga e pā ana ki te whakamahere me te aromatawai. Kua āta whai wāhi atu ngā pouako ki te whakawhanaketanga ngaio i roto i te pāngarau me te reo matatini, ā, kua whai pānga pai tēnei ki ngā paetae o ngā uri. O ngā akomanga e toru, e rua ngā akomanga e whai ana i te Ara Ako me te Bloom’s Taxonomy hei rautaki whakaako matua. Kua whakaritea ngā huarahi ki te whakawhānui ake i aua āhuatanga, puta noa i te kura. Ka whiwhi te whānau i te kiko o ngā mōhiohio e pā ana ki te ako me te ahu whakamua a ā rātou ake tamariki. Ka ngākau nui ngā uri ki te ako, ā, ka eke angitu hoki.
E mōhio ana te poari, he mea nui te whakapūmau i te marautanga o te kura me te āhua o te pia. Kei te mārama hoki rātou, e tika ana, kia whakahāngaitia te aromatawai me te pūrongo o ngā paetae uri ki aua āhuatanga. E noho pūmau ana te poari me ngā pouārahi ki te mahi ki te taha o te whānau i roto i aua mahi whakawhanaketanga.
Ahakoa e whai kiko ana, ahakoa e pakari ana hoki ngā pūnaha e pā ana ki te aromatawai o ia ākonga, e mōhio ana te tumuaki me ngā pouako, ka whai hua tonu mā te whakapakari ake i te hōtaka me te aromātai kaupapa.
He pai te mahi ngātahi a te whānau me ngā kaimahi o te kura. He tirohanga ngātahi tō rātou e hāngai ana ki te tirohanga anō hoki o Ngāti Hauā. Kua piki ake te whai wāhi atu a te whānau, puta noa i te kura, ā, ka ngākau nui rātou ki tō rātou whai wāhi hei hāpai i ngā whakawhanaketanga o meāke nei. Ka noho maioha, ka whai hua hoki te whānau nā te mōhiotanga me ngā mātauranga e whakapuakihia e ō rātou kaumātua. He manawa whakahī tō rātou ki te hāpai i te whakatupuranga tuatoru o ngā uri e whāngaihia ana ki te mātauranga hei mana whenua, hei Ngāti Hauā.
Kua hāpai te tumuaki me te heamana o te poari i te whakauru pai o ngā kaitiaki hou ki ō rātou tūranga me ā rātou kawenga mahi. He mauritau tā rātou whakahaere ngātahi ki te kōkiri i tā rātou tirohanga. He nui ngā mahi i whakatutukihia ai i roto i te wā poto, whai muri i tā rātou whakatūnga. He pakari, he ngaio hoki te ārahitanga a te tumuaki i ngā kaiako, ā, e tino tautokona ana hoki ia e te poari.
Kua whai hua te hōtaka whakawhanaketanga ngaio i whakahāngaitia ai. He tino tauira pakari ngā kaiako mō ngā uri me te whānau. Kua whakaritea ngā hōtaka akoranga o te kounga kairangi, he pukumahi ngā kaiako, ā, e noho pūmau ana ki ngā wawata o ngā tamariki, te kura, te whānau, me te hapū. Kua poipoia, kua whakapūmautia hoki e te whānau me te poari ngā tino hononga ki ngā rōpū o te hapori me te rohe.
Kua āta tuhia te tukanga e pā ana ki te aromātai o roto. E āhei ana te poari me ngā pouārahi ki te tāutu i ngā wāhanga hei whakawhanake ake, ā, e arotahi ana ki te whakapai tonutanga. Kua oti ngā arohaehae kaimahi, ā, kua tāutuhia ngā matea e pā ana ki te whakawhanaketanga ngaio. Ka akiaki te poari me te tumuaki i ngā uri me ō rātou whānau ki te whai wāhi atu ki te aromātai i ngā whakahaeretanga katoa o te kura. Pūrongotia ai ngā paetae uri me tā rātou ahu whakamua, ā, e mōhio ana te whānau ki tēnā e ākona ana e ā rātou tamariki. He mārama te aronga a te whānau ki tēnā ka whāia e rātou hei kōkiri i tā rātou tirohanga.
Ko te whakamahere mō te tauatanga tētahi kaupapa matua o te kura. Kua whai whakaaro te whānau me te hapū ki te āhua o te kura ā meāke nei, me tōna tupuranga. Kua whakaritea e rātou te whakangungu o ētahi tāngata ka whai wāhi nui ki te kura ā meāke nei.
I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
Kia toro atu tonu te whānau ki te tautoko e tika ana, ki te whakatutuki i ngā wāhanga i tāutuhia ai ki tēnei pūrongo hei whakawhanake ake.
E tū pā tata atu ana Te Kura o Ngāti Haua ki te hapori iti o Tauwhare. Ka kitea ki ngā uri tō rātou tūmāia, me tō rātou tino aronga toi whenua, tō rātou tino whakaaro nui hoki ki tō rātou whānau, tō rātou hapū, tō rātou iwi, me te ao whānui. He pakari, he māoriori, he hūmārie anō hoki te whakatinanatanga o ngā uri i tō rātou Ngāti Hauātanga.
Tērā ka whakahaeretia e Te Tari Arotake Mātauranga te arotake whai muri o Te Kura o Ngāti Haua i roto i ngā tau e toru.
Lynda Pura-Watson
Kaiurungi Whakaturuki Arotake Māori
30 Kohitātea, 2017
| Te tūwāhi | Kei Kemureti | |
| Te tau a te Tāhuhu o te Mātauranga | 1851 | |
| Te tūmomo kura | He kura tuatahi | |
| Te tokomaha o ngā ākonga o te kura | 61 | |
| Te ira tangata | Kōtiro 34 Tama tāne 27 | |
| Ngā hononga ā-iwi | Māori | 100% |
| Ngā āhuatanga motuhake | He kura rumaki reo Māori | |
| Te wā i te kura te rōpū arotake | 1 Whiringa-ā-rangi 2016 | |
| Te rā o tēnei pūrongo | 30 Kohitātea, 2017 | |
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Tāpiri | Haratua 2012 Poutū-te-rangi 2009 Hakihea 2007 |
Te Kura o Ngāti Haua is situated near the small settlement of Tauwhare. Uri show that they are confident with a strong sense of belonging and responsibility for their whānau, hapū, iwi and the wider world. Uri demonstrate their Ngāti Hauatanga confidently, naturally and with humility.
The next ERO review of Te Kura o Ngāti Haua will be in three years.
Te Kura o Ngāti Haua is a rural kura situated near the small settlement of Tauwhare. The kura is in the process of becoming a kura-ā-iwi. There is a newly appointed board of trustees. Their vision statement underpins their commitment to achieving a healthy future for their uri and their hapū:
‘Whitikingia te reo, te wairua me ōna tikanga”
Uri show that they are confident with a strong sense of belonging and responsibility for their whānau, hapū, iwi and the wider world.
Uri practice the values and tikanga of their iwi. Mana whenua and staff work together to provide opportunities for uri to learn about who they are and where they come from. Pouako ensure te reo and tikanga Māori is strong throughout the kura. Uri participate in all hapū and iwi events and on their marae on a regular basis. Uri are learning the importance of the role and contribution of their iwi to the Kīngitanga. Uri know about and value their connections to other iwi. Uri demonstrate their Ngāti Hauatanga confidently, naturally and with humility.
Uri learn in an orderly and supportive environment which supports their well-being. Nurturing and affirming relationships contribute to uri success. The whānau work together to provide a nurturing and positive environment for uri. Te Poumarumaru sets high standards for relationships, leadership and showing empathy for others. Whānau promote the importance of being active and leading a healthy lifestyle. Pouārahi and pouako have established clear expectations for behaviour and boundaries for uri. Uri experience positive relationships, show respect for others and behave appropriately in different settings. They are provided with leadership opportunities and make informed and responsible decisions. Uri benefit from a well-planned and extensive range of physical and sporting activities. Uri are confident with a strong sense of belonging.
Uri take responsibility for their learning. Pouako set high expectations for success and they provide learning environments that are well organised and resourced to support all learners. Pouako know about the individual needs and interests of uri and use this knowledge to guide teaching and learning decisions. Pouako provide feedback and feed forward to further encourage learning. Uri have a clear understanding of their learning goals and achievement levels. They are developing the ability to self-monitor and evaluate their progress. Uri accept challenges and take opportunities to extend their knowledge and skills. They enjoy working collaboratively and learning from others. Uri are engaged learners.
Uri are developing an understanding of contemporary and traditional views of te ao Maori and how that may affect them and their future. Kaiako provide real-life learning experiences where uri participate in protecting and restoring the natural environment. Uri are provided with opportunities to work with others to respond to problems and develop new solutions. Retrieving tuna that were disturbed when a local farmer cleared his drains is an example of how they recognise and respond to their local environment. They are aware that the responsibility of caring for the environment will one day be theirs to uphold. Uri are curious and responsible learners.
Uri are well prepared for learning in a wide range of contexts. Planning and assessment processes are well established. The kaiako have had intense professional development in numeracy and literacy which as had a positive impact on achievement levels for uri. Two of the three classes have adopted Ara Ako and Bloom’s taxonomy as the key teaching strategies. Plans to extend this throughout the kura are in place. Whānau receive detailed information about their child’s learning and progress. Uri enjoy learning and achieve success.
The board recognise the importance of confirming the kura curriculum and graduate profile. They also understand the need to align assessment and reporting of uri achievement to these. The board and pouārahi are committed to working with whānau on this developmental work.
While individual student assessment systems are detailed and robust the tumuaki and kaiako recognise the benefit of strengthening programme and kaupapa evaluation.
The whānau work well with kura personnel. They have a shared vision that aligns to the vision for Ngāti Haua. Whānau participation throughout the kura has increased and they are passionate about their role in supporting future developments. The whānau appreciate and benefit from the knowledge and expertise provided by their kaumātua. They are proud to support third generation uri who are being educated as mana whenua, Ngāti Haua.
The tumuaki and board chair have assisted the effective transition of the new board members to their roles and responsibilities. They operate positively and collaboratively to progress their shared vision. A considerable amount of work has been undertaken in the short time since they were elected. The tumuaki provides strong professional leadership to the kaiako and is well supported by the board.
The targeted professional development programme has been effective. Kaiako are strong positive role models for uri and the whānau. High quality learning programmes are in place and the kaiako are hard-working and committed to the tamariki, kura, whānau and hapū aspirations. The whānau and board have fostered and maintained strong links with local and wider community groups.
The internal evaluation process for the kura is well documented. The board and pouārahi are able to identify areas for development and are focussed on ongoing improvement. Kaimahi appraisals have been completed and professional development needs identified. The board and principal encourage uri and their whānau to contribute to internal evaluation of all kura operations. Uri achievement and progress is reported on regularly and whānau know what their children are learning. The whānau have a clear sense of what they need to do to progress their vision.
Succession planning is a priority for the kura. The whānau and hapū have considered the future of the kura and potential growth. They have ensured that there are people in training who can contribute to the kura in the future.
Before the review, the board of trustees and principal completed the Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
During the review, ERO checked the following items because they have a potentially high impact on student achievement:
Whānau continue to seek the assistance to address the areas for development referred to in this report.
Te Kura o Ngāti Haua is situated near the small settlement of Tauwhare. Uri show that they are confident with a strong sense of belonging and responsibility for their whānau, hapū, iwi and the wider world. Uri demonstrate their Ngāti Hauatanga confidently, naturally and with humility.
The next ERO review of Te Kura o Ngāti Haua will be in three years.
Lynda Pura-Watson
Deputy Chief Review Officer Māori
30 January 2017
| Location | Cambridge | ||
| Ministry of Education profile number | 1851 | ||
| Kura type | Full Primary | ||
| Kura roll | 61 | ||
| Gender composition | Girls 34 Boys 27 | ||
| Ethnic composition | Māori Pākehā | 60 1 | |
| Special features | Māori Medium | ||
| Review team on site | 1 November 2016 | ||
| Date of this report | 30 January 2017 | ||
| Most recent ERO report(s) | Education Review Education Review Supplementary Review | May 2012 March 2009 December 2007 | |
Ko te Tamaiti te Pūtake o te Kaupapa
The Child – the Heart of the Matter