Te Kōhanga Reo o Te Ariki

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi. 

2 Te Horopaki 

Ko Maungaturoto te maunga

Ko Kirikiri te puna

Ko Ngāwhā te marae

Ko Ngāti Rangi te hapū

Ko Ngāpuhi te iwi

E tū ana Te Kōhanga Reo o Te Ariki ki Kaikohe. Kei tētahi whare taupua te kōhanga reo i tēnei wā, e tatari ana kia oti te hangahanga o tētahi whare hou. E ngākau nui ana ngā whānau ki tō rātou wawata kia kōrero ā rātou tamariki i te reo Māori, ā, kia tū pakari hoki rātou i te ao Māori. 

3 Te Aronga o te Aromātai

He pēhea rawa te whai wāhi atu a ngā tukanga me ngā pūnaha a te whānau ki te ako a ngā mokopuna, ki tō rātou waiora hoki? 

Ka whai wāhi atu ngā pūnaha me ngā tukanga a te whānau ki te poipoitanga o te ako, ki te waiora whānui tonu hoki o ngā mokopuna. 

4 Mana Whakahaere

Kua whakaritea e te whānau ngā tukanga me ngā pūnaha mō te whakahaeretanga o tō rātou kōhanga reo. Ka whai wāhi ki ngā hui o ia marama, ko te whakatakotoranga i ia te wā o ngā pūrongo e pā ana ki te nuinga o ngā wāhanga whakahaere. Nā te arotake auau i ngā kaupapa here me ngā tukanga e pā ana ki te hauora me te haumaru, ka noho mātua rā te aronga ki te hauora me te waiora o ngā mokopuna. Whakamātauhia ai i ia te wā, ko ngā akoako e pā ana ki te ahi me te rū whenua, kia haumaru ai, kia rite ai hoki te noho. Ka tuhia ngā rēhita waiwai, ā, he tino mōhiohio o roto. Whakawhārikihia ai ngā pūrongo pūtea ki ia hui ā-whānau. Ka whakaputa ngā kaimahi i ia te wā, i ngā kōrero urupare ki te whānau, mō tēnā e mahia ana, e ākona ana hoki e ngā mokopuna. Ka whakatinanahia te mahere rautaki ki Te Ara Tūāpae. E whakatakoto ana hoki taua tuhinga i te tirohanga me ngā wawata o te whānau mō ngā mokopuna. E whakaraupapa ana tētahi mahere ā-tau i te whānuitanga tonu o ngā mahi whakahaere i te kōhanga reo me te tari, ā, i ngā wā hoki e tika ana kia whakatutukihia. Ko te waiora o ngā mokopuna, ko tā rātou ako hoki, e whai pānga nui ana ki ngā whakataunga ka whakatutuki ngātahitia e te whānau. 

Kua whakatakotohia e ngā kaimahi ngā tukanga e pā ana ki te whakamahere me te aromatawai. Ka hāngai ngā mahere ki ngā mātāpono o Te Whāriki a Te Kōhanga Reo. Ka whakamahere ngātahi ngā kaimahi i te tangongitanga o ngā wheako ako mō ngā mokopuna. Ka tautuhi ngā mahere ā-tau, ā-wāhanga, ā-wiki hoki i te whānuitanga o ngā tūmomo taumahi me ngā tūmomo rauemi e whakapūmau ai i ngā akoranga. Ka whakamahi ngā kaimahi i te Mātai Mokopuna ki te aroturuki i te tupu me te whakawhanaketanga o ngā mokopuna. Ka miramira ngā kōnae i ngā akoranga me te ahu whakamua a ngā mokopuna i roto i te roanga o te wā. Ka whai hua ngā mokopuna nā te whakatinanatanga o ngā whakaritenga ngātahi a ngā kaimahi. 

Ngā Whakaritenga Matua ka whai ake 

Me whakapakari ake i te aromātai hōtaka. E whanake ana ngā kaimahi i tō rātou māramatanga ki te aromātai hōtaka. Ko ngā whakaritenga ka whai ake, ko te tuhi i tēnā i whai hua ai, me ngā mahere hoki e tika ana ki te whakapai tonu me te aroturuki i te kounga o te hōtaka akoranga. Ka whai hua ngā mokopuna mā te whakahāngaitanga o ngā aronga. 

Ahakoa kua whakatakotohia tētahi mahere rautaki, me whakawhanake te whānau i tētahi mahere mahi e whakatakoto ana hoki i ngā rārangi wā matua me ngā kawenga e whakatutuki ai i ā rātou whāinga. Ka whai hua ngā mokopuna mā te whakahāngaitanga o ngā aronga. 

Kāhore anō kia kitea ētahi o ngā kaupapa e pā ana ki ngā tuhinga kaimahi. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo. 

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā. 

6 Te Taunakitanga

E taunaki ana Te Tari Arotake Mātauranga kia tautoko tonuhia e te whānau te whakapakaritanga ake o ngā kaimahi i te aromātai hōtaka, ā, kia whakawāteahia ngā tuhinga katoa e whai pānga ana ki ngā take kaimahi, hei tirohanga i te taenga atu a Te Tari Arotake Mātauranga ki te kōhanga reo.  

Darcy Te Hau
Toka ā Nuku
Te Uepū-a-Motu – Māori Services

22 Whiringa ā-rangi, 2023

6 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi. 

2 Context 

Ko Maungatūroto te maunga

Ko Kirikiri te puna

Ko Ngāwhā te marae

Ko Ngāti Rangi te hapu

Ko Ngāpuhi te iwi

Te Kōhanga Reo o Te Ariki is in Kaikohe. The kōhanga reo is in temporary premises awaiting completion of a new, permanent site. Whānau are passionate about wanting their mokopuna to be speakers of te reo Māori and live confidently in the Māori world.

3 Evaluation Focus

How well do whānau processes and systems contribute to mokopuna learning and wellbeing? 

Whānau systems and processes contribute to fostering mokopuna learning and overall wellbeing. 

4 Mana Whakahaere

Whānau have established processes and systems for managing their kōhanga reo. Monthly hui consist of routine reporting across most aspects of operations. Regular reviewing of health and safety policies and procedures prioritises the health and wellbeing of mokopuna. Fire and earthquake drills are practised consistently for safety and preparedness. Essential registers are documented and provide valuable information. Financial reports are presented at each whānau hui. Kaimahi frequently provide updates to whānau of what mokopuna are engaged in and learning. The strategic plan is informed by Te Ara Tūāpae. This encompasses the vision and aspirations whānau hold for mokopuna. An annual plan outlines overall operational and administrative tasks and the scheduled completion dates. Mokopuna wellbeing and learning informs whānau collective decision making. 

Kaimahi have established processes for both planning and assessment. Planning is aligned with the principles of Te Whāriki a Te Kōhanga Reo. Kaimahi collaboratively plan a range of learning experiences for mokopuna. Year, term and weekly plans identify a variety of activities and resources to reinforce learning. Kaimahi use mātai mokopuna to monitor mokopuna growth and development. Konae books showcase mokopuna and learning and progress overtime. Mokopuna benefit from the implementation of collective kaimahi practices. 

Key Next Steps

Programme evaluation requires strengthening. Kaimahi are developing their understanding of programme evaluation. Next steps are to document what worked well and what planning is needed to improve and monitor the quality of the learning programme. Mokopuna would benefit from focussed approaches. 

Whilst a strategic plan is in place, whānau should develop an action plan that includes key timelines and responsibilities to achieve their goals. Mokopuna would benefit from focused approaches. 

Other matters related to personnel documentation are yet to be sighted. Whānau and ERO have agree that documentation will be available for the onsite visit.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO recommends that whānau continue to support kaimahi to strengthen programme evaluation and have all relevant documentation for personnel matters are available during the onsite visit.   

Darcy Te Hau
Toka-ā-Nuku – Director
Te Uepū ā-Motu – Māori Review Services

22 November 2023

7 Information about the Kōhanga Reo

1 Te Horopaki

E tū ana Te Kōhanga Reo o Te Ariki ki Kaikohe. Kei tētahi whare te kōhanga reo i tēnei wā, i a rātou e tatari ana kia whakamanahia tētahi wāhi hou, tētahi wāhi tūturu hoki mō rātou. E noho ngākau nui ana te whānau ki te whakawhanake i te reo Māori o ngā tamariki. He hou te kaiako.

2 Ngā Whakaaturanga o te Aromātai

He pēhea rawa ngā tamariki e whakaatu i te manaakitanga?

He māoriori te whakatinana mai o ngā tamariki i te manaakitanga i roto i ā rātou taunekeneke ki waenga i a rātou anō.

Ngā Taumata Whakahirahira

Ka kitea te mānawa o ngā tamariki i roto i ā rātou akoranga. Ka ako rātou i ngā kawa me ngā tikanga o te pōhiri i te wā ka tae mai ngā manuhiri. Ka hāngai hoki ngā akoranga a ngā tamariki ki ngā atua Māori, me ō rātou whai pānga ki ngā kaupeka o te tau, ki ō rātou wheako ake hoki. Ka whakarato ngā kaimahi i ngā taumahi whakahihiri e whai pūtake ana ki ngā tamariki. Kua waihangatia te taiao hei poipoi i te whānuitanga o ngā tūmomo reanga o ngā tamariki. He ngāwari te whakawhiti haere o ngā tamariki ki waenga i te hōtaka akoranga me ngā mahinga. Nā te wainga o ngā mahi he riterite te āhua mō ngā tamariki. Ka whai whakaaro ngā tamariki tuākana ki ngā pēpi, ā, kei ngā pēpi tō rātou ake wāhi ki te tākaro me te whakahoahoa ki ētahi atu. He harikoa, he mauritau hoki ngā tamariki.

Ko ngā hononga me ngā taunekeneke o ngā tamariki ki ētahi atu e hāpai ana i tō rātou waiora me tō rātou aronga toi whenuatanga. Ka whakanuia e ngā kaimahi ngā karakia, ngā waiata, me ngā mōteatea hei whakatairanga ake i te mōhiotanga o ngā tamariki ki a rātou anō. Ka hāpai rātou i te taki me te whakamahara a ngā tamariki i ō rātou ake whakapapa. Ka whakatauira ngā kaimahi i ngā tūmanako me ngā mahinga e akiaki ana, e whakapūmau ana hoki i ngā āhuatanga o te whanonga pai. Ka ako ngā tamariki ki te whakatau i ngā tautohetohe mā ngā huarahi pai. Ka tautoko, ka atawhai hoki ngā tuākana i ō rātou tēina. E whiwhi ana ngā pēpi i te aronga nui me te manaakitanga e hāngai pū ana ki a rātou. He ākonga mauritau ngā tamariki.

E rumakina ana ngā tamariki ki te reo Māori. Ka whakapūmau ngā kaimahi i te reo Māori mā te whānuitanga o ngā tūmomo huarahi, tae atu ki ngā waiata, ngā whakawhitinga kōrero, ngā pepeha, ngā mihimihi, ngā pōwhiri, me ngā tangihanga. He pai ki ngā tamariki te pānui ngātahi mā te reo Māori, ā, kei te mōhio ki te āhua o ngā pikitia me te whakatakotoranga kupu. He pakari tā rātou whakamahinga i ngā kupu me ngā rerenga kōrero māmā ki te whakawhiti kōrero me te whakapuaki i ō rātou whakaaro me ō rātou kare ā-roto. Whakapuakihia ai e ngā kaimahi ngā whakawhitinga kōrero ki te taha o ngā tamariki i ia te wā, kia whai wāhi mai ai rātou ki te reo kōrero. Ka aro atu ngā pēpi ki ngā kupu me ngā kīanga māmā o te reo Māori. He maha ngā wā ka whakamahi rātou i te reo ā-tinana me ngā nekehanga hei whakapuaki i ā rātou kōrero me ō rātou māramatanga. Ka whakarato ngā kaimahi i ngā whai wāhitanga mō ngā tamariki ki te whakamātau i te pūoru me te kori tinana hei whakawhitinga kōrero. He pai te whakawhanaketanga o ngā tamariki ki te āta kōrero mārika i te reo Māori.

Te Whakamahere me te Aromātai

He pai te whakahaeretanga a te whānau i tō rātou kōhanga reo. Kua āta whakaritea, he mārama hoki ngā pūnaha ki te whakahaere i te tari. Kua whakaritea hoki tētahi mahere ā-tau e tino whai kiko ana mō ngā wāhanga katoa o ngā whakahaeretanga. E whakanui ana te tātari kaute nō nā tata tonu nei i te kaha o te whānau ki te āta whakahaere matawhāiti i ngā pūtea o te tau 2016. Kua whakaraupapahia ngā whakawhanaketanga ka whai ake, tae atu ki te whakawhanaketanga i ngā rawa. Kua piki ake te whai wāhi me te whakapūmautanga o te whānau ki te kōhanga reo. Ko ngā tamariki kei te pūtake o ngā whakataunga a te whānau.

Ko te hauora me te haumaru o ngā tamariki tētahi kaupapa matua. Kua whakaritea ngā kaupapa here me ngā tukanga hei āta poipoi i ngā tamariki me te whānau - ā-tinana, ā-whatumanawa, ā-wairua hoki. Tū ai ngā akoako ohorere i ia te wā, ā, kua whakaritea ngā rehita katoa hei aroturuki i ngā matea ā-tinana o ngā tamariki. He mauritau te whānau, ā, ka whakatauira rātou i te manaakitanga me te awhi ki ngā tamariki. Kei te poipoia te waiora o te katoa o ia tamaiti.

E whai hua ana te whakamahere hōtaka me te aromatawai. Ka aro atu te hōtaka akoranga ki ngā matea me ngā ngākau nuitanga o ngā tamariki. Ka whakahono te mahere ā-tau i ngā kaupeka o te tau ki ngā atua Māori. Kei ia wāhanga te tino aronga e mau ana i ngā kaupapa whānui, ngā kaupapa whāiti, me ngā whāinga i tāutuhia ai. Kua āta tuhia te aromatawai i te ako a ngā tamariki. Ka whakamahi ngā kaimahi i te whānuitanga o ngā tūmomo huarahi aromatawai, tae atu ki te mātai mokopuna, ngā pūkete, me ngā kitenga o ia rā. Ka whakapuaki ngā kaimahi i ngā mōhiohio aromatawai ki te taha o te whānau, kia mōhio ai rātou ki tēnā e ākona ana e ā rātou tamariki, ā, ki ngā huarahi ako hoki e whāia ana. Ka whai wāhi atu ngā tamariki ki tētahi hōtaka akoranga whakahihiri.

Ngā Whakaritenga Matua ka Whai Ake

Kāhore i te rawaka te aromātai hōtaka. Kāhore anō ngā kaimahi kia aromātai, kia tuhi hoki i te whai huatanga o te hōtaka. Hui ai ngā kaimahi i ia te wā, engari kāhore ngā meneti e tohu ana i ngā whakawhitinga kōrero ngaio mō te ako a ngā tamariki me ō rātou whakawhanaketanga. Kāhore ngā kaimahi e whakaatu ana i ngā pūrongo auau ki ngā hui ā-whānau o ia marama, hei whakaatu i te whai huatanga o te hōtaka mā ngā tamariki.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki: 

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia whakatutukihia e te whānau o te kōhanga reo āna herenga ā-ture, me tahuri rātou ki te: 

• whakarite i tā rātou ū ki te arowhai i ngā āhuatanga mōrearea, me ngā tikanga e pā ana ki te tuhi haere me te pūrongo, kia haumaru ai ngā tamariki
  [R46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i te tātari me te whakahaere i ngā āhuatanga e noho mōrearea ana pea i ngā
  haerenga.
  [R46 Ture Mātauranga (Kōhungahunga) 2008; HS 17 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

4 Te Taunakitanga

• Te whakapakari i ngā whakaritenga aromātai

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Ariki i roto i te toru o ngā tau.

Lynda Pura-Watson

Kaiurungi Whakaturuki Arotake Māori

17 Haratua, 2017

Ngā kōrero e pā ana ki te kōhanga reo

1 Context

Te Kōhanga Reo o Te Ariki is in Kaikohe. The kōhanga reo is in temporary premises awaiting confirmation of a new, permanent site. The whānau are committed to the development of te reo Māori for children. The kaiako is new.

2 The Evaluation Findings

How well do children demonstrate manaakitanga?

Children demonstrate manaakitanga naturally in their interactions with others.

Ngā Taumata Whakahirahira

Children demonstrate a sense of satisfaction in their learning. They learn about kawa and tikanga of pohiri when manuhiri arrive. Children’s learning also includes Ngā Atua Māori and how they link to seasons and their own personal experiences. Kaimahi provide meaningful and interesting activities for children. The environment is designed to cater for children of different ages. Children transition smoothly between the learning programme and routines. Familiarity provides children with consistency. The older children are mindful of babies who have their own space to play and interact with others. Children are happy and positive.

Children's relationships and interactions with others contribute to their sense of wellbeing and belonging. Kaimahi promote karakia, waiata and mōteatea to enhance children’s knowledge of themselves. They support children to recite and recall their own whakapapa. Kaimahi model expectations and routines that encourage and reinforce positive behaviours. Children learn to resolve conflict in positive ways. Tuakana support and take care of their teina. Babies receive focused attention and care. Children are secure learners.

Children are immersed in te reo Māori. Kaimahi reinforce te reo Māori in a range of ways including waiata, conversation, pepeha, mihimihi, powhiri and tangihanga. Children enjoy shared reading in te reo Māori and are familiar with pictures and print. They are confident to use words and simple sentences to communicate and express their ideas, thoughts and feelings. Kaimahi regularly initiate conversations with children to engage them in the language. Babies respond to simple words and phrases in te reo Māori. They often use body language and gestures to convey messages and display understanding. Kaimahi provide opportunities for children to experiment with music and movement as a way to communicate. Children are developing well as confident speakers of te reo Māori. 

Planning and Evaluation

The whānau manage their kōhanga reo well. Administration systems are organised and transparent. A detailed annual plan is in place for all areas of operation. The recent audit congratulates the whānau for prudent fiscal management for 2016. Future developments have been prioritised including property development. Whānau participation and commitment to the kōhanga reo has increased. Children are at the heart of whānau decision making.

Children’s health and safety is a priority. Policies and procedures are in place to ensure that children and whānau are physically, emotionally and spiritually nurtured. Regular emergency drills are held and all registers are in place to monitor children’s physical needs. Whānau are positive and model manaakitanga and awhi to the children. Children’s holistic well-being is nurtured.

Programme planning and assessment is effective. The learning programme is responsive to children's needs and interests. The annual plan links seasons with Ngā Atua Māori. Each term provides clear direction with identified kaupapa whānui, whāiti and whāinga. Assessment of children’s learning is well documented. Kaimahi use a range of assessment tools including mātai mokopuna, profile books and daily observations. Kaimahi share assessment information with whanau so they know what and how their children are learning. Children participate in an exciting and interesting learning program.

Key Next Steps

Programme evaluation is inadequate. Kaimahi are yet to evaluate and record programme effectiveness. Kaimahi meet regularly but the minutes do not reflect professional discussions about children’s learning and development. Kaimahi do not present regular reports to monthly whānau hui to show how well the programme is working for children.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• ensure all hazard checking, recording and reporting requirements are upheld for the safety of children
  [R46 Education (Early Childhood Services) Regulations 2008 HS 12 licensing Criteria for Kōhanga Reo affliated with the Te Kōhanga Reo National Trust 2008]
• ensure assessment and management of any potential risks for excursions.
  [R46 Education (Early Childhood Services) Regulations 2008 HS 17 licensing Criteria for Kōhanga Reo affliated with the Te Kōhanga Reo National Trust 2008]

4 Recommendation

• Strengthen evaluation practice

When is ERO likely to review the kōhanga reo again?

The next ERO review of Te Kōhanga Reo o Te Ariki will be in three years.

Lynda Pura-Watson

Deputy Chief Review Officer Māori

17 May 2017 

Information about the Kōhanga Reo