Clarke Road, Kamo, Whangarei
View on mapTe Kōhanga Reo o Kamo
Te Kōhanga Reo o Kamo
1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka hāngai tēnei pūrongo ki ā rātou pūnaha, ā rātou whakaritenga, me ā rātou whakahaeretanga. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
2 Te Horopaki
E tū ana Te Kōhanga Reo o Kamo ki te kura tuatahi o Kamo, ki Whangārei. E ai ki te whānau, ko tō rātou wawata kia rumakina katoatia ngā mokopuna ki te reo Māori, i a rātou e whakanui ana i te ekenga o tō rātou kōhanga reo ki te 40 tau.
I kitea ki te aromātai Mana Whakahaere a Te Tari Arotake Mātauranga i te Hakihea o te tau 2023, kua whakatakotohia e te whānau ngā tukanga me ngā pūnaha e whai hua ana ki te hāpai i te ako a ngā mokopuna, me tō rātou waiora. Ko te whānuitanga tonu o te whakawhanaketanga o ngā mokopuna, ko te atawhai hoki i a rātou, e whai pānga nui ana ki te whakatau ngātahi a te whānau i ngā whakaritenga.
3 Te Aronga o te Aromātai
He pēhea rawa te whakapuaki mai o ngā mokopuna i tō rātou māramatanga ki te mana hā o ngā tūpuna?
Ka kitea ki ngā mokopuna te tīmatanga o tō rātou māramatanga ki te mana hā o ngā tūpuna.
4 Mana Mokopuna
E rumakina ana ngā mokopuna ki ngā wheako tūturu, ā, ka kitea e rātou ngā uara me ngā whakaritenga e whai pānga ana ki te ao Māori. Ka akiaki ngā kaimahi i te whai wāhi atu a ngā mokopuna ki ngā akoranga ōkawa, pērā i ngā pōwhiri. Ka mātakitaki ngā mokopuna i te whakatinanatanga o ngā karanga me ngā whaikōrero. Ka whai wāhi atu hoki rātou ki ngā karakia Māori, me ngā mihimihi, ngā mōteatea, ngā harirū, me ngā hongi. Ko tō rātou māramatanga ki ngā tikanga me ngā kawa e tohu ana i te tīmatanga o tō rātou whai māramatanga ki tō rātou tū hei tangata whenua. Ka whakamahi ngā kaimahi i te tangongitanga o ngā huarahi e whakaongaonga ana i te tūhura haere a ngā mokopuna i te reo Māori. Ka hāpai rātou i te mokopuna ki te whakatika i a ia anō, me te āta whakapuaki i ōna ake whakaaro i a ia e whakawhitiwhiti kōrero ana. Kei te tākare te whai wāhi atu a ngā mokopuna ki ngā taumahi pērā i ngā waiata, ngā haka, ngā pepeha, me te kori tinana. Ka hāpai aua kaupapa i tā rātou tautuhi i ngā tauira reo, me te whakapakari i ō rātou puna kupu Māori. Ka taea e ngā tuākana ō rātou ake pepeha te taki mā te iti noa o te āwhina. Ka kitea te māramatanga o ngā pēpi ki tēnā e kōrerohia ana mā ā rātou mahi ā-ringa me ngā nekehanga ā-tinana. E pou herea ana ngā taunekeneke katoa i te hōtaka akoranga ki te manaakitanga me te aroha. Ka whakaute, ka whai whakaaro hoki ngā mokopuna i roto i ā rātou taunekeneke ki ngā pakeke me ō rātou hoa. Kua āta whakaritea ngā mahinga, ā, ka hāpai i te riterite me te taunga o ngā whakaritenga, puta noa i te rā. He auaha ngā wāhi o roto, o waho hoki, ā, kua whakaritea hei kōkiri i te ako takirōpū me te ako takitahi. E whanake ana ngā mokopuna hei ākonga tūmāia.
E whai hua ana te whakahaeretanga o ngā take kaimahi. Ka whai wāhi ki ngā tuhinga, ko ngā tuhinga tuku mahi, ko te kirimina whiwhi mahi a ia kaimahi, ko ngā tuhinga tūranga mahi hoki e āta whakaraupapa ana i ngā pūkenga e tūmanakohia ana. Tāpiri atu ki tēnā, kua manatokotia ngā tuhinga e arowhai ana i te haumaru o ngā kaimahi, ā, he tūāhuatanga e hāpai ana i te haumaru me te waiora. Kua whakatinanahia e ngā kaimahi ngā tukanga e tika ana ki te aromātai i te hōtaka. Whakaaro huritao ai rātou i ia te wā ki ā rātou whakaritenga, ā, ka panoni haere i te hōtaka, hei whakapiki ake i ngā putanga papai. Ko ngā mokopuna kei te pūtake o ngā mahi whakahaere a te whānau, me ngā whakataunga e whai mōhiohio ana.
5 Te Whakatau a te Whānau ki ngā Wāhanga Tautukunga
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
- te haumaru whatumanawa (tāpiri atu ko te ārahi mauritau, ko te ārai tamariki)
- te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
- te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
- ngā whakaritenga, tikanga hōneatanga e pā ana ki te ahi me te rū whenua.
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
6 Te Taunakitanga
E taunaki ana Te Tari Arotake Mātauranga me te whānau o te kōhanga reo, kia whakarahi ake tonu i ngā whakaritenga whai kounga e whakapūmau ai i ngā tino putanga ki ngā mokopuna.
Darcy Te Hau
Toka-ā-Nuku
Te Uepū-a-Motu – Māori Services
29 Haratua, 2024
7 Ngā kōrero e pā ana ki te Kōhanga Reo
Te tūwāhi | Kei Te Kamo, ki Whangārei |
Te tau a te Tāhuhu o te Mātauranga | 18228 |
Te tau tohu o Te Kōhanga Reo | 01B028 |
Te tūmomo whare | He kōhanga reo |
Te raihana | Ngā Ture Mātauranga (Ratonga Kōhungahunga) 2008 |
Te tokomaha mō te raihana | 22, kia tokoono ki raro i te rua o ngā tau |
Te tokomaha kei runga i te rārangi ingoa | Tokowaru, ā, tokorua kei raro i te rua o ngā tau |
Ngā hononga ā-iwi | Māori 8 |
Te wā i te kōhanga reo te rōpū arotake | Poutū-te-rangi 2024 |
Te wā o tēnei pūrongo | 29 Haratua 2024 |
Ngā pūrongo o mua a Te Tari Arotake Mātauranga | Arotake Mātauranga – Mana Whakahaere, Hakihea 2023; Arotake Mātauranga, Here-turi-kōkā 2018; Arotake Tāpiri, Haratua 2016 |
1 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress, and build evaluation capability. This report reflects their systems, operations, and management practices. ERO reports provide valuable information for hapū and iwi.
2 Context
Te Kōhanga Reo o Kamo is based at Kamo Primary School in Whangārei. The whānau acknowledge their aspiration for mokopuna to be fully immersed in te reo Māori as they commemorate the 40th anniversary of their kōhanga reo.
The ERO December 2023 evaluation of Mana Whakahaere found whānau had established efficient processes and systems to support mokopuna learning and wellbeing. Mokopuna overall development and care informed whānau collective decision making.
3 Evaluation Focus
How well do mokopuna express their understanding of te mana hā o ngā tūpuna?
Mokopuna demonstrate an early understanding of te mana hā o ngā tupuna.
4 Mana Mokopuna
Mokopuna are immersed in authentic experiences where they observe values and practices that are reflective of te ao Māori. Kaimahi encourage mokopuna to participate in formal learning such as pōwhiri. Mokopuna observe karanga and whaikōrero in practice. They also engage in karakia Māori, mihimihi, mōteatea, harirū and hongi. Their understanding of tikanga and kawa show they are beginning to understand their role as tangata whenua. Kaimahi utilise a variety of methods to stimulate mokopuna exploration of te reo Māori. They support mokopuna to self-correct and be expressive in their communication with others. Mokopuna eagerly participate in activities such as waiata, haka, pepehā and kori tinana. This helps them to identify language patterns and build their vocabulary of kupu Māori. Tuākana can recite their pepehā with minimal assistance. Pepi demonstrate their understanding of what is being said through hand actions and body movements. Manaakitanga and aroha underpin all interactions within the learning programme. Mokopuna show respect and consideration in their interactions with both adults and their peers. The well-established routines provide consistent and familiar practices throughout the day. Both indoor and outdoor spaces are creative and organised to facilitate group and independent learning. Mokopuna are developing as confident learners.
Personnel matters are efficiently managed. Documentation includes employment documents, individual employment agreements and clear position descriptions outlining kaimahi expected competencies. Additionally, verified kaimahi safety checks further contribute to safety and wellbeing. Kaimahi have implemented suitable processes for programme evaluation. They regularly reflect on their practices and make positive changes to the programme aimed at increasing positive outcomes. Mokopuna are at the centre of collective whānau whakahaere and informed decision-making.
5 Kōhanga Whānau Assurance on Legal Requirements
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
- emotional safety (including positive guidance and child protection)
- physical safety (including supervision; sleep procedures; accidents; medication; hygiene; excursion policies and procedures)
- suitable staffing (including qualification levels; police vetting; teacher registration; ratios)
- evacuation procedures and practices for fire and earthquake.
All kōhanga reo are required to promote children's health and safety and to regularly review their compliance with legal requirements.
6 Recommendation
ERO and the kōhanga reo whānau recommends continuing to increase quality practices to maintain positive outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
29 May 2024
7 Information about the Kōhanga Reo
Location | Kamo, Whangārei |
Ministry of Education profile number | 18228 |
Kōhanga Reo Identification Number | 01B028 |
Licence type | Te Kōhanga Reo |
Licensed under | Education (Early Childhood Services) Regulations 2008 |
Number licensed for | 22 children, including up to 6 aged under 2 |
Kōhanga Reo roll | 8 children, including up to 2 aged under 2 |
Ethnic composition | Māori 8 |
Review team pre on site | March 2024 |
Date of this report | 29 May 2024 |
Most recent ERO report(s) | Education Review – Mana Whakahaere, December 2023; Education Review, August 2018; Supplementary Review, May 2016 |
Te Kōhanga Reo o Kamo
1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
2 Te Horopaki
E tū ana Te Kōhanga Reo o Kamo ki te kura tuatahi o Te Kamo, ki Whangārei. E ai ki te whānau, kei te hou tonu rātou ki tēnei tūmomo huarahi mātauranga, ā, he tino hiahia tō rātou kia rumakina ā rātou tamariki mokopuna ki te reo Māori. E noho ngākau nui ana rātou ki te whakapakari ake i tō rātou māramatanga ki te kaupapa o te kōhanga reo.
3 Te Aronga o te Aromātai
He pēhea rawa te whai wāhi atu o ngā tukanga me ngā pūnaha a te whānau ki ngā putanga e whai hua ake ana ki te ako me te waiora o ngā mokopuna?
E whai wāhi ana ngā pūnaha me ngā tukanga a te whānau ki te poipoi i te aronga ake ki te ako, te atawhai, me te waiora o ngā mokopuna.
4 Mana Whakahaere
He pūnaha ā te whānau mō te whakahaeretanga i ngā whakaritenga ki te kōhanga reo. Tū ai ngā hui i ia te wā, ā, he whai wāhitanga mō ngā whānau ki te hāpai i ngā kaupapa. Ka kitea ngā tukanga mō te aroturukitanga me te pūrongo i te nuinga o ngā āhuatanga o ngā whakahaeretanga. Kua whakaritea e te whānau te tukanga auau e whakahou ai, e arotake ai hoki i ā rātou kaupapa here. Whakamātauhia ai, tuhia ai hoki ngā akoako hōneatanga ahi i ia te wā. Nō nā noa nei te whānau o te kōhanga reo i whakatakoto ai i ngā mahinga mō te whakamātau i ngā akoako rū whenua. Ka tuhi haere i ngā rēhita waiwai, ā, he pai ngā mōhiohio o roto e āta whakatau ai i te aronga matua ki te waiora o ngā mokopuna. Whakawhārikihia ai ngā pūrongo pūtea ki ia hui ā-whānau. Ka whakatinanahia te mahere rautaki ki Te Ara Tūāpae. Ka whakatakoto haere i te tirohanga me ngā wawata o te whānau mō ngā mokopuna ki anamata. E whakaraupapa ana te mahere ā-tau i ngā mahi whakahaere matua i te kōhanga reo me te tari, me ngā rārangi wā hoki e tika ana mō te whakatutukitanga o aua kaupapa. Ka whai hua ngā mokopuna nā ngā aronga e whakaraupapa matua ana, e whakatairanga ana hoki i te papai o te ako, te atawhai, me ngā putanga.
Ka mahi ngātahi ngā kaimahi ki te whakamahere i te hōtaka akoranga. He mārama ngā hononga o te mahere ako ki Te Whāriki a Te Kōhanga Reo, ā, ka whakawhanakehia mā te whakawhitiwhiti kōrero ki te whānau. Kei ngā mahere te aronga ka whāia e ngā kaimahi, mō te whakapuakitanga ā-wiki, o ia rā hoki i ngā taumahi whai pūtake mā ngā mokopuna. Ka whakatakoto hoki i ngā tūmanako, ngā whāinga, me ngā putanga o ngā akoranga. Ka whakaemi ngā kaimahi i ngā mōhiohio e pā ana ki te ako me te ahu whakamua a ngā mokopuna, mā te kapo atu i ngā whakaahua me te whakatakoto matawhānui atu i te whakawhanaketanga ki ngā Mātai i te Tamaiti me ngā puka kōnae. Ka hāpai aua tuhinga i te aroturukitanga o ngā kaimahi i te ahu whakamua a te mokopuna, i tōna tupu hoki i tana huarahi ako. E whai hua ana ngā mokopuna nā te whakatōpūtanga o ngā mahi whakariterite a ngā kaimahi.
Ngā Whakaritenga Matua ka whai ake
Me whakapakari ake i te aromātai hōtaka. E whakawhanake ana ngā kaimahi i tō rātou māramatanga ki te aromātai hōtaka. Ko ngā whakaritenga ka whai ake, ko te tuhi haere i tēnā i whai hua ai, i ngā mahi whakamahere hoki e tika ana ki te whakapai ake me te aroturuki i te kounga o te hōtaka akoranga. Ka whai hua ngā mokopuna mā te whakapakari ake i ngā aronga ki te aromātai hōtaka mō te whakapai tonutanga.
Kāhore anō kia kitea ētahi o ngā kaupapa e pā ana ki ngā tuhinga kaimahi. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo.
5 Te Whakatau ki ngā Wāhanga Tautukunga
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
- te haumaru ā-whatumanawa, tae atu ki te ārahi mauritau me te ārai tamariki
- te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
- te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
- ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
- āta whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako ohotata rū whenua e tika ana, ā, kia whakatutukihia aua mahi ki te taha o ngā tamariki i ia toru marama, pūputu ake noa rānei.
[R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
6 Te Taunakitanga
E taunaki ana Te Tari Arotake Mātauranga kia whakawāteahia ngā tuhinga e whai pānga ana ki ngā take kaimahi, hei tirohanga i te taenga atu a Te Tari Arotake Mātauranga ki te kōhanga reo.
Nō muri mai i te arotake Mana Whakahaere, kua whakamātauhia, kua tuhia hoki e te whānau tētahi akoako rū whenua, ā, e taunaki ana Te Tari Arotake Mātauranga kia kawe tonu, kia tuhi tonu hoki te whānau i ngā akoako ohotata rū whenua i ia te wā, hei tautoko ake i te waiora o ngā tamariki me ngā kaimahi.
Darcy Te Hau
Toka ā Nuku
Te Uepū-a-Motu – Māori Services
04 Hakihea, 2023
7 Ngā kōrero e pā ana ki te Kōhanga Reo
Te tūwāhi | Kei Te Kamo, ki Whangārei |
Te tau a te Tāhuhu o te Mātauranga | 18228 |
Te tau tohu o Te Kōhanga Reo | 01B028 |
Te tūmomo whare | He kōhanga reo |
Te raihana | Ngā Ture Mātauranga (Ratonga Kōhungahunga) 2008 |
Te tokomaha mō te raihana | 22, kia tokoono ki raro i te rua o ngā tau |
Te tokomaha kei runga i te rārangi ingoa | Tokowaru, tokorua kei raro i te rua o ngā tau |
Ngā hononga ā-iwi | Māori 8 |
Te wā arotake i mua i te taenga atu ki te kōhanga reo | Mahuru 2023 |
Te wā o tēnei pūrongo | 4 Hakihea 2023 |
Ngā pūrongo o mua a Te Tari Arotake Mātauranga | Arotake Mātauranga, Here-turi-kōkā 2018; Arotake Tāpiri, Haratua 2016; Arotake Mātauranga, Haratua 2013 |
1 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi.
2 Context
Te Kōhanga Reo o Kamo is based at Kamo Primary School in Whangārei. The whānau acknowledge that they are relatively new to this journey and have a deep desire for their mokopuna to be immersed in te reo Māori. They are committed to strengthening their understanding of kaupapa kōhanga reo.
3 Evaluation Focus
How well do whānau processes and systems contribute to improved outcomes for mokopuna learning and wellbeing?
Whānau systems and processes contribute to fostering engaged learning, care and wellbeing of mokopuna
4 Findings - Mana Whakahaere
Whānau have systems in place to manage the kōhanga reo operations. Hui are held regularly and provide opportunities for whānau to contribute. Processes for monitoring and reporting on most aspects of operations are evident. Whānau have established a recurring procedure to update and review their policies. Fire evacuation drills are routinely practiced and documented. The kōhanga reo whānau have recently established a routine to practice earthquake drills. Essential registers are documented and provide good information to ensure mokopuna wellness is a priority. Financial reports are presented at each whānau hui. The strategic plan is informed by Te Ara Tūāpae. This encompasses the vision and future aspirations that whānau hold for mokopuna. An annual plan outlines the key operational and administrative tasks and their scheduled timelines for completion. Mokopuna benefit from approaches that prioritises and enhances positive learning, care and outcomes.
Kaimahi work collaboratively as they plan the learning programme. The mahere ako has clear links to Te Whāriki ā Te Kōhanga Reo and is developed in consultation with whānau. Planning provides kaimahi with direction for the weekly and daily delivery of meaningful activities they intend for mokopuna. These include learning objectives, goals and outcomes. Kaimahi gather information about mokopuna learning and progress by capturing photos and detailing development in mātai i te tamaiti and konae books. These records assist kaimahi to monitor individual mokopuna progress and growth in their learning journey. Mokopuna benefit from collaborative kaimahi practices.
Key Next Steps
Programme evaluation requires strengthening. Kaimahi are developing their understanding of programme evaluation. Next steps are to document what worked well and what planning is required to improve and monitor the quality of the learning programme. Mokopuna would benefit from strengthening approaches to programme evaluation for ongoing improvement.
Other matters related to personnel documentation are yet to be sighted. Whānau and ERO have agreed that documentation will be available for the onsite visit.
5 Kōhanga Whānau Assurance on Legal Requirements
During the evaluation, ERO looked at systems for managing the following areas:
- emotional safety including positive guidance and child protection
- physical safety including supervision, sleep procedures, accidents, medication, excursion policy and procedures
- suitable staffing including appropriate qualifications, police vetting, ratios
- emergency procedures and practices for earthquakes, fire, flood, tsunami and pandemic.
To meet compliance requirements, they must:
- ensure adults providing education and care are familiar with relevant emergency earthquake drills and carry these out with children on an at least three-monthly basis.
[Regulation 46 Education (Early Childhood Services) Regulations 2008, HS8 Licensing criteria for kōhanga reo affiliated with the Te Kōhanga Reo National Trust 2008]
6 Recommendation
ERO recommends that all relevant documentation for personnel matters be made available during the onsite visit.
Since the Mana Whakahaere review, the whānau have practiced and recorded an earthquake drill, ERO recommends that the whānau continue to conduct and document regular earthquake emergency drills to support tamariki and staff wellbeing.
Darcy Te Hau
Toka-ā-Nuku – Director
Te Uepū ā-Motu – Māori Review Services
4 December 2023
7 Information about the Kōhanga Reo
Location | Kamo, Whangarei |
Ministry of Education profile number | 18228 |
Kōhanga Reo Identification Number | 01B028 |
Licence type | Te Kōhanga Reo |
Licensed under | Education (Early Childhood Services) Regulations 2008 |
Number licensed for | 22 children, including up to 6 aged under 2 |
Kōhanga Reo roll | 8 children, including up to 2 aged under 2 |
Ethnic composition | Māori 8 |
Review team on site | September 2023 |
Date of this report | 4 December 2023 |
Most recent ERO report(s) | Education Review, August 2018; Supplementary Review, May 2016; Education Review May 2013 |
Te Kōhanga Reo o Kamo - 13/08/2018
1 He Whakamārama
He Kupu Whakataki
Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.
E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.
Ngā Whakataunga mō ngā Whakapuakitanga
Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:
- Ngā Taumata Whakahirahira – ngā whai wāhitanga ki te ako i te reo, me te kounga o ngā taunekeneke me ngā hononga
- te whakamahere me te aromātai – te kounga o te whakamahere, te aromatawai, me te aromātai o roto
- ngā wāhanga kāhore e tutuki ana e ai ki te ture – ngā akoako hōneatanga ohorere me ngā mahi arowhai a ngā pirihimana
- ētahi atu take i tāutuhia ai i te wā o te arotake.
2 Te Horopaki
E tū ana Te Kōhanga Reo o Kamo ki te kura tuatahi o Kamo, ki Whangārei. Koia nei tētahi o ngā kōhanga reo mātāmua o te purapura.
Whai muri i te arotake o mua a Te Tari Arotake Mātauranga i te tau 2016, kua whakatutukihia e te whānau ētahi whakarerekētanga hei whakapai ake i te kounga o te ako reo me te atawhai o ngā tamariki, tae atu hoki ki te whakapakari ake i ngā take whakahaere me te aromātai o roto. Kua mahi te whānau ki te taha o ngā kaimahi o te tari ā-rohe o te Poari Matua o Ngā Kōhanga Reo, ki te whakapai ake i te kounga o te ako a ngā tamariki, me te arotake anō hoki i ngā mahi whakahaere.
3 Ngā Whakaaturanga
Ngā Taumata Whakahirahira
Ka rongo ngā tamariki i te reo Māori i te hōtaka o ia rā. Ka whakarato ngā kaimahi i ngā taumahi kia rongo ai, kia whakamahi ai hoki ngā tamariki i te reo Māori ki te hōtaka akoranga. Ka whakapuakihia ngā karakia me ngā waiata kia ako ai ngā tamariki i ngā hanganga reo e pā ana ki te whānuitanga o ngā tūmomo horopaki. Ka whakatairanga ngā kaimahi i ngā whai wāhitanga mō ngā tamariki ki te whakawhānui i ā rātou kupu kōrero e pā ana ki te tākaro o waho, o roto hoki, me te whakapuaki i ō rātou whakaaro i a rātou e whai ana i ō rātou ake ngākau nuitanga me ngā kēmu reo. Ka taunekeneke ngā kaimahi ki ia tamaiti, ki ngā rōpū iti hoki ki te whakapuaki i ngā kupu hou o ngā kaupapa i te hōtaka o ia rā. E whanake ana ngā tamariki hei ākonga o te reo Māori.
E ako ana ngā tamariki ki tētahi taiao haumaru e whakaongaonga ana i a rātou. He mārama ngā tūmanako ki waenga i ngā kaimahi hei hāpai, hei ārahi anō hoki i ā rātou whakaritenga i te hōtaka o ia rā. Ka kōrerorero, ka whakapuaki hoki rātou i ō rātou whakaaro mō te āhua o te whakahaere i te ako mā ngā huarahi e poipoi ai i ngā tamariki. Ko ētahi o aua whakaritenga, ko te mihi ki ngā tamariki i tā rātou taenga mai ki te kōhanga reo, me te aro nui ki te atawhai i ia tamaiti i ngā wā e tika ana. Ka whakarato ngā kaimahi i ngā momo taumahi ki ngā tamariki kia ako ngātahi ai rātou, me te manaaki, te noho whakaute hoki o tētahi ki tētahi, hei tuakana, hei teina. Ka poipoia ngā tamariki.
Te Whakamahere me te Aromātai
Ka whakatutukihia ngā matea ako o ngā tamariki i ngā mahere hōtaka. Kua tae atu ngā kaimahi ki ngā wānanga a te Poari Matua o Ngā Kōhanga Reo ki te hapori nei, ki te whakapiki ake i tō rātou mōhiotanga ki Te Whāriki a Te Kōhanga Reo. Kua whakapuakihia e ngā kaimahi i nāianei, ngā whakaritenga e tohu ana i ngā hononga ki waenga i Ngā Taumata Whakahirahira, te aronga ako, ngā taumahi a ngā tamariki, me ngā mahinga o ia rā. Ka whakaarohia ngā matea ake o ia tamaiti.
Kua arotahi te whānau ki te whakapai ake i ngā mahi whakahaere. Kua mahi rātou ki te taha o ngā kaimahi o te tari ā-rohe o te Poari Matua o Ngā Kōhanga Reo, ki te whakawhanake me te whakatinana i ngā tukanga ka whakapakari ake i te katoa o ngā wāhanga whakahaere. I hāngai aua wāhanga ki ngā kaimahi, ki te arotake me te whakahou ake i ngā kaupapa here me ngā tukanga o te tūtohinga, ki te aroturuki i ngā kaupapa matua i tāutuhia ai, ā, ki te whakatutuki haere anō hoki i ngā take e pā ana ki te hauora me te haumaru. Kua hāpai ngā whai wāhitanga ako i ngā mema o te whānau ki te whakapakari ake i ngā mahi whakataunga hei painga mō ngā tamariki.
Te wāhanga hei whakawhanake tonu
E mōhio ana ngā kaimahi, me whakapai ake i ngā whakaritenga e pā ana ki te aromātai hōtaka me te aromatawai. He māramatanga tō rātou ki te whai hononga o aua whakaritenga ki te kounga o ngā akoranga a ngā tamariki.
Ngā wāhanga kāhore e tutuki ana e ai ki te ture
Kua āta mahi ngātahi te whānau me ngā kaimahi ā-rohe o te Poari Matua o Ngā Kōhanga Reo ki te whakaoti i ngā whakaritenga e pā ana ki te mahi arowhai a ngā pirihimana, ā, ki te whakatū auau anō hoki i ngā akoako hōneatanga.
4 Ngā Taunakitanga
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā:
- kia whakawhanake tonu, kia whakapakari tonu i te aromātai i te hōtaka me ngā mahi aromatawai
- kia whakapūmau i ngā whakapaitanga i tāutuhia ai ki tēnei pūrongo, hei hāpai i te tupu tonu o te kōhanga reo me te whakahaeretanga a te whānau.
Hei ā hea Te Tari Arotake Mātauranga aromātai anō ai i te kōhanga reo?
Ka whakahaere anō Te Tari Arotake Mātauranga i te aromātai whai muri o Te Kōhanga Reo o Kamo i roto i te toru o ngā tau.
Lynda Pura-Watson
Kaiurungi Whakaturuki Arotake Māori
13 Hereturikōkā, 2018
Ngā kōrero e pā ana ki te kōhanga reo
Te tūwāhi | Kei Whangarei | ||
Te tau a te Tāhuhu o te Mātauranga | 18228 | ||
Te tau tohu o te kōhanga reo | 01B028 | ||
Te tūmomo raihana | Te Kōhanga Reo | ||
Kua raihanatia ki te ture | Ngā Ture Mātauranga (Ratonga Kōhungahunga) 2008 | ||
Te tokomaha mō te raihana | 22 ngā tamariki, kia tokoono ki raro i te rua o ngā tau | ||
Te tokomaha kei te rārangi ingoa | Tekau ngā tamariki, ā, kotahi o rātou kei raro i te rua o ngā tau | ||
Te ira tangata | Kōtiro 5 Tama 5 | ||
Ngā hononga ā-iwi | Māori | 100% | |
Te wā i te kōhanga reo te rōpū arotake | Pipiri 2018 | ||
Te wā o tēnei pūrongo | 13 Hereturikōkā, 2018 | ||
Ngā pūrongo o mua a Te Tari Arotake Mātauranga | Arotake Tāpiri Arotake Mātauranga Arotake Mātauranga | Haratua 2016 Haratua 2013 Whiringa-ā-nuku 2009 |
1 Background
Introduction
A supplementary evaluation is undertaken at the discretion of the Chief Review Officer of the Education Review Office (ERO).
ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.
Terms of Reference
This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:
- Ngā Taumata Whakahirahira - language learning opportunities, and quality interactions and relationships
- Planning and Evaluation - quality of planning, assessment, and internal evaluation
- areas of non-compliance - emergency evacuation drills and police vetting
- any additional issues identified during the review.
2 Context
Te Kōhanga Reo o Kamo is based at Kamo Primary School in Whangārei. It is one of the oldest kōhanga reo in the purapura.
Since the previous ERO review in 2016, the whānau has made changes to improve the quality of language learning and care for children, as well as strengthening operational matters and internal evaluation. The whānau has worked alongside kaimahi from the local office of Te Kōhanga Reo National Trust (TKRNT) to improve the quality of learning for children and review management practices.
3 Findings
Ngā Taumata Whakahirahira
Children hear te reo Māori in the daily programme. Kaimahi provide activities for children to hear and use te reo Māori in the learning programme. Karakia and waiata are used so that children learn language structures for different situations. Kaimahi promote opportunities for children to build vocabulary for outdoor and indoor play, and to express themselves as they follow their interests and language games. They interact with individuals and small groups to introduce new words for kaupapa in the daily programme. Children are developing as learners of te reo Māori.
Children learn in a safe and stimulating environment. Kaimahi have clear expectations of each other to support and guide their practices in the daily programme. They talk about and share ideas about how to manage children’s learning in a nurturing way. These include greeting children on arrival and responding to the care of individuals as needed. Kaimahi provide children with activities to learn cooperatively, and to show care and respect for each other as tuakana teina. Children are nurtured.
Planning and Evaluation
Children’s learning needs are catered for within programme planning. Kaimahi have attended local TKRNT wānanga to increase their knowledge about Te Whāriki a Te Kōhanga Reo. Kaimahi have now implemented practices that show links between Ngā Taumata Whakahirahira, the learning focus, children’s activities and daily routines. Children ’s individual needs are considered.
The whānau has focussed on improving management practices. They have worked with kaimahi from the local office of TKRNT to develop and implement processes to strengthen all operational areas. This includes personnel, reviewing and updating the charter policies and procedures, monitoring identified priorities, and attending to health and safety matters. Learning opportunities have supported whānau members to improve decision making in the best interests of children.
Area for further development
Kaimahi are aware of the need to improve programme evaluation and assessment practices. They have an understanding about the links these practices will make to the quality of learning for children.
Areas of non-compliance
The whānau has worked closely with kaimahi from the local office of TKRNT to complete police vetting requirements and implement regular evacuation drills.
4 Recommendations
ERO and the kōhanga reo whānau developed the following recommendations:
- continue to develop and strengthen programme evaluation and assessment practices
- maintain the improvements identified in this report to support sustained growth of the kōhanga reo and whānau management.
When is ERO likely to evaluate the kōhanga reo again?
The next ERO evaluation of Te Kōhanga Reo o Kamo will be in three years.
Lynda Pura-Watson
Deputy Chief Review Officer Māori
13 August 2018
Information about the Kōhanga Reo
Location | Whangārei | ||
Ministry of Education profile number | 18228 | ||
Kōhanga Reo Identification Number | 01B028 | ||
Licence type | Te Kōhanga Reo | ||
Licensed under | Education (Early Childhood Services) Regulations 2008 | ||
Number licensed for | 22 children, including up to 6 aged under 2 | ||
Kōhanga Reo roll | 10 children, including 1 aged under 2 | ||
Gender composition | Girls 5 Boys 5 | ||
Ethnic composition | Māori | 100% | |
Review team on site | June 2018 | ||
Date of this report | 13 August 2018 | ||
Most recent ERO report(s) | Supplementary Review Education Review Education Review | May 2016 May 2013 October 2009 |