Te Kura o Te Moutere O Matakana

Te Horopaki

Ko Mauao te maunga
Ko Tauranga te moana
Ko Mātaatua te waka
Ko Ngāi Te Rangi te iwi
Ko Ngāi Tūwhiwhia, rātou ko Ngāti Tauaiti, ko Ngāi Tamawhariua, ko Te Whānau ā Tauwhao, ko Te Ngare ngā hapū 

Ko Te Kura o Te Moutere o Matakana tētahi kura iti ki te moutere o Matakana, ki Tauranga Moana. E toru ngā akomanga, ā, e whakaratohia ana te mātauranga rumaki reo Māori mō ngā uri o ngā Tau 0 ki te 8.

He nui ngā take i pā ai ki te kounga o te mātauranga mō ngā uri, i roto i te maha o ngā tau kua pahure ake nei. I te wā o te arotake o mua a Te Tari Arotake Mātauranga, i te tau 2015, i te whakahaerehia te kura hei kura auraki. I tāutuhia e Te Tari Arotake Mātauranga ngā āwangawanga i hāngai ai ki ngā paetae ākonga, te marautanga, ngā kaimahi, te ārahitanga, me te kāwana i te kura.

Whai muri i taua arotake, kua tau ētahi whakawhanaketanga matua ki te kura. Ko ētahi o aua whakawhanaketanga, ko te whakatūnga o tētahi tumuaki hou, o ētahi kaiako hou, me ētahi mema hou anō hoki o Te Poumarumaru, ko te whakarerekē i te tūnga o te kura ki tētahi kura ā-iwi, me te whai wāhi nui ki te whakawhanaketanga ngaio e whai pānga matua ana ki ngā kaimahi. E tino tautokona ana te kura e ngā kaumātua me te hapori o te moutere o Matakana.

1 Ngā Putanga ki ngā Uri

He pēhea rawa ngā uri e whakaatu i tō rātou māramatanga ki tō rātou reo, tō rātou ahurea, me tō rātou tuakiri?

Ka kitea ki ngā uri tō rātou māramatanga ki tō rātou reo, tō rātou ahurea, me tō rātou tuakiri, ā, ka kitea anō hoki tō rātou manawa whakahī mō rātou anō.

E whakatinana ana ngā uri i tō rātou manawa whakahī mō rātou anō, ā, mō tō rātou tūrangawaewae anō hoki. He tino hononga ā-whakapapa tō te katoa o ngā uri me ngā whānau. Ko te whai wāhi mai o ngā kaumātua i ia te wā ki te kura, e whakatairanga ana i te māramatanga o ngā uri ki te ūkaipōtanga. He whai wāhitanga i ia te wā mō ngā uri ki te wheako me te whakatinana i ngā tikanga, ā, ka whai wāhi matua rātou ki ngā huihuinga i te marae me te moutere. He pakari ngā uri ki te whai wāhi atu me te tātaki i ngā karakia, ngā waiata, me ngā haka i roto i te whānuitanga tonu o ngā tūmomo horopaki. Ka āta whakarite te whānau i te haereere a ngā uri ki ngā tino pouwhenua matua e tohu ana i te wā o mua, ā, i tēnei ao hurihuri hoki. Ka whakarato ki ngā uri ngā whai wāhitanga ki te ako i ngā pūkenga me ngā tikanga e noho motuhake ana ki te moutere me tō rātou taiao. E mōhio ana ngā uri ki tō rātou tūnga me tō rātou whai wāhi nui ki te moutere.

Ka kitea ki ngā uri tō rātou pārekareka ki te ako. Ka whakamahi ngā kaiako i te whānuitanga o ngā tūmomo rauemi e hāpai ana i te whakaako me te ako. Kua waihangatia te taiao ako hei akiaki i ngā uri ki te whakawhanake i tō rātou āheinga ki te kōkiri me te whakahaere i ō rātou ake huarahi ako. Ka whakawhanakehia ngā hōtaka akoranga ake o ia uri hei hāpai anō, hei kōkiri anō rānei. Ka whakamahi ngā uri me ngā kaiako i te hangarau matihiko hei hāpai, hei whakawhānui anō hoki i ngā wheako akoranga. Kua whakatinanahia i te kura tētahi hōtaka ārahi. Ka āta kitea ngā tini āhuatanga o te marautanga ā-hapori i roto i te kura, ā, e tino whai pūtake ana aua kaupapa ki ngā uri. Kua whakatinanahia ētahi tino rautaki e whakapakari ake ai i te ngākau titikaha o ngā uri ki te whakamahi i te reo Māori. Ka taea e ngā uri te whakawhitiwhiti kōrero mā te reo Māori, ki waenga i a rātou anō, ā, ki ngā pākeke hoki. He māia te āhua o ngā uri hei ākonga.

Ka whakatau ngā uri i ngā whiringa e tika ana ki te hāpai i te oranga tinana. Ka whakatairangatia te oranga kai. Kua whakatinana te kura i ngā whakarerekētanga ki tēnā ka kaingia e ngā tamariki puta noa i te kura, ā, he kaupapa tēnei i āta whakataungia nā ngā mahi rangahau a ngā uri. Ka akiaki te whānau i ngā uri ki te kai i ngā hua ka tupu, ka ahu mai rānei i te hapori nei. Ko tētahi atu āhuatanga nui o te hōtaka o ia rā, ko te korikori tinana. E tino tautokona ana te whai wāhi atu a ngā uri ki te whānuitanga o ngā tūmomo hākinakina e te whānau, ahakoa te pakeke ki te whakawhitiwhiti haere i te moutere ki te tuawhenua. He mātātoa te hapori o te kura ki te whakatū i ngā kaupapa hākinakina, kaupapa ahurea hoki mō ngā kura rumaki reo Māori o Tauranga Moana. He maha ngā wā ka whakapuaki te whānau i ō rātou mōhiotanga ki te whakaako i ētahi tino pūkenga ki ngā uri, kia āhei ai rātou ki te āta whai wāhi mātātoa atu ki ngā whakataetae ā-rohe. He pakari te oranga tinana me te oranga hinengaro o ngā uri.

E whai wāhi ana ngā uri ki ngā akoranga e whakapūmau ana i tō rātou hononga ki te moutere o Matakana. Ka ako rātou ki te whakamahi i te taiao, me te atawhai anō hoki i ōna tini āhuatanga. Ka whakapuaki ngā kaumātua me te whānau i ō rātou tino mōhiotanga e pā ana ki te māra kai, te kohikohi kai, me te taiao māoriori. Ka ako ngā uri i ngā putaputa āhua e whai pānga ana ki tō rātou taiao i te moutere, ā, i te rohe hoki o Tauranga Moana. Ko ngā kaupapa taiao e noho motuhake ana ki te moutere – pērā i te whakatō i ngā rākau māori – e whai wāhi ana anō hoki ki te hōtaka akoranga. E whakawhanake ana ngā uri me ō rātou whānau i tō rātou māramatanga ki te whakahirahiratanga o tō rātou taiao māoriori. E whai wāhi ana ngā uri ki ngā akoranga e pā ana ki tō rātou tū hei kaitiaki.

Ko te mahere rautaki o tēnei wā e āta tāutu haere ana i ngā whāinga me ngā tino mahi ka whakapai ake i ngā paetae o ngā uri. I tohua ki ngā paetae ākonga o te tau 2016, tērā tētahi tatauranga nui o ngā uri kāhore i te āta eke ki te taumata e tika ana, inarā i roto tonu i te tuhituhi. Kua whakahāngaitia te whakawhanaketanga ngaio, ā, kua aro matua ki te aromatawai, te tātari me te whakamahinga o ngā hōtuku, me ngā rautaki ā-akomanga ka whakatairanga ake i te ako. Kua whakaritea ngā mahere mātauranga ake mō ia uri e tika ana hei āta hāpai ake.

He kaha te whakapono o ngā kaimahi, Te Poumarumaru, me te whānau ka kawea e tēnā me tēnā āna ake kawenga mahi. He mātātoa te whai wāhi atu a te whānau ki ngā āhuatanga maha o te kura. Kua whakapiki ake Te Poumarumaru i tō rātou māramatanga ki ō rātou tūranga me ā rātou kawenga i roto i te kāwanatanga o te kura. Ka whiwhi rātou i ngā mōhiohio papai i te tumuaki, ā, e whakawhanake ana hoki rātou i tō rātou āheinga ki te kōkiri me te aroturuki i ngā whakapaitanga ka whakatutukihia ngā herenga ā-ture. He pai te whakatakotoranga o ngā pūnaha e pā ana ki te whakahaeretanga o te tari me te kōhanga reo.

Ka kitea ki Te Poumarumaru te piki haere o tō rātou tūmāia, tō rātou māramatanga hoki ki te āta kōkiri i te tino aromātai o roto. Ko tā rātou mahi ngātahi ki te taha o Ngā Kura ā-Iwi o Aotearoa me te whakapā atu hoki ki ngā mātanga kāwana o waho i hāpai ai i te whakapaitanga ake o te aromātai o roto. Aroturukitia ai, pūrongotia ai hoki i ia te wā ngā kawenga mahi e pā ana ki te kāwana i te kura. He māmā te mahere ā-tau, ā, he aronga mārama o roto mō te kāwanatanga me te whakahaeretanga o te kura. He pai te tūnga o Te Poumarumaru ki te hāpai me te whakatairanga i te angitu o ngā uri.

Ngā wāhanga i tāutuhia ai e te kura hei whakawhanake ake

Whai muri i te arotake o mua a Te Tari Arotake Mātauranga, kua arotahi te tumuaki, ngā kaimahi, me Te Poumarumaru ki te whakapiki ake i ngā paetae ako o ngā uri. Ahakoa kua whakarato rātou i ngā rauemi, e whakamahi ana hoki rātou i ngā rautaki whakaako hou, ā, e aroturuki ana rātou i te whai pānga o aua whakarerekētanga ki te ako me te eke angitu o ngā uri, he mahi anō e whai atu ana hei āta whakatau i tā rātou aro nui tonu ki ngā matea o ngā uri.

Me haere tonu te whakawhanaketanga ngaio o te tumuaki, ngā kaiako, me Te Poumarumaru. He tino hou ētahi o ngā kaiako, ā, he tākare rātou ki te ako. Kua whakaratohia e Ngā Kura ā-Iwi o Aotearoa me Te Tāhuhu o te Mātauranga te tautoko e hāngai pū ana ki ō rātou matea. He mea nui te tautoko i whakahāngaitia ai i roto i te ārahitanga, te whakaako, te ako me te kāwanatanga, nā te aronga i ia te wā ki te ahu whakamua me ngā whakatutukitanga o ngā uri.

Nā te tū o te kura ki tētahi moutere taiwhenua ka pupū ake ētahi tino wero mō te whānau me te hapori. Ko te whakawhiti atu o ngā uri ki te kura tuarua, ko te hūnuku atu rānei o ētahi whānau i te moutere, ka pā nui ki te tatauranga tamariki ki te kura, inarā ki te taha pūtea me ngā tūnga kaimahi. He mea nui, kia whakaaro tonuhia e te kura me pēhea te āta tautoko ake i te hapori i roto i ngā rerekētanga o te wā.

2 Te Whakatau a Te Poumarumaru ki ngā Wāhanga Tautukunga

I mua atu i te whakahaerenga o te arotake i whakatutukihia e Te Poumarumaru me te tumuaki tētahi Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a Te Poumarumaru
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā pouako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura
• te whakatutukitanga o ngā herenga e pā ana ki Te Ture Oranga Tamariki o 2014.

3 Ngā Taunakitanga

I whakawhanakehia e Te Tari Arotake Mātauranga me te kura ngā taunakitanga e whai ake nei, arā, kia:

• aroturuki i te ahu whakamua ki te kōkiri i ngā paetae o ngā uri i roto i te reo matatini me te pāngarau
• whakapūmau tonu i te tautoko o Ngā Kura ā-Iwi o Aotearoa me Te Tāhuhu o te Mātauranga, ā, kia whakahāngaitia, kia tūhonotia anō hoki taua tautoko hei painga mō te tumuaki, ngā kaiako, me Te Poumarumaru.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura o Te Moutere o Matakana i roto i ngā tau e toru.

Lynda Pura-Watson

Kaiurungi Whakaturuki Arotake Māori

06 Paengawhāwhā, 2018

Ngā Kōrero e pā ana ki te kura

Context

Ko Mauao te maunga Ko Tauranga te moanaKo Mātaatua te wakaKo Ngāi Te Rangi te iwiKo Ngāi Tūwhiwhia, Ngāti Tauaiti, Ngāi Tamawhariua, Te Whānau ā Tauwhao, me Te Ngare ngā hapū

Te Kura o Te Moutere o Matakana is a small school located on Matakana Island, in the Tauranga Harbour. It has three classrooms providing Māori immersion education for uri from Years 0 to 8.

There have been significant issues impacting on the quality of education for uri over several years. At the time of the previous ERO review in 2015, the kura operated as a mainstream school. ERO identified concerns about student achievement, curriculum, personnel, leadership, and governance.

Since that review, there have been key developments within the kura. These include the appointment of a new principal and teaching staff, new members elected to the Poumarumaru, a change in designation to become a kura ā-iwi, and engaging targeted professional development for staff. The kura is well supported by kaumātua and the community of Matakana Island.

1 Uri Outcomes

How well do uri demonstrate an understanding of their language culture and identity?

Uri demonstrate understanding about their language, culture and identity and show pride in themselves.

Uri show pride in who they are and where they come from. All uri and whānau are closely connected through whakapapa. Regular involvement of kaumātua enhances uri understanding of ūkaipōtanga. Uri have regular opportunities to experience and exercise tikanga, and are an integral part of marae and island events. Uri confidently participate and lead karakia, waiata and haka in a range of contexts. The whānau ensure that uri visit sites of historical and contemporary significance. Uri are provided with opportunities to learn skills and practices that are unique to the island and their environment. Uri know their place and role on the island.

Uri show that they enjoy learning. Kaiako use a range of resources to support teaching and learning. The learning environment is designed to encourage uri to develop as independent and self-managing learners. Individual learning programmes are developed for uri requiring additional assistance or acceleration. Uri and kaiako use digital technology to support and extend learning experiences. A leadership programme for uri in the kura has been implemented. Local curriculum content features strongly within the kura and is meaningful to uri. Deliberate strategies have been implemented for uri to develop confidence in using te reo Māori. Uri can communicate in te reo Māori with each another and with adults. Uri appear as confident learners.

Uri make choices to support a healthy lifestyle. Healthy eating habits are promoted. The kura has implemented school-wide changes to what children eat at kura following research carried out by uri. Whānau encourage uri to eat home-grown and locally sourced food. Daily exercise is an important part of the programme each day. Uri are well supported by whānau to participate in a range of sports despite the challenges of transport to and from the island. The kura community is proactive in hosting sporting and cultural events for other Māori immersion kura in Tauranga moana. The whānau share their expertise to teach uri specific skills that enable them to be competitive in regional competitions. Uri are healthy and alert.

Uri experience learning that reinforce their connection to Matakana Island. They learn to work with and care for the environment. Kaumātua and whānau share their specialist knowledge about māra kai, gathering food and the natural environment. Uri learn about natural phenomena that affect their environment on the island and within Tauranga moana. Environmental projects of significance to the island, including replanting native plants, are part of the learning programme. Uri and their whānau are developing a shared understanding of the importance of their natural environment. Uri are engaged in learning about their role as kaitiaki.

The current strategic plan clearly identifies goals and specific actions to improve uri achievement. Student achievement information from 2016 showed a significant proportion of uri were not achieving well, particularly in tuhituhi. Targeted professional development has focussed on assessment, the analysis and use of data, and in-class strategies to enhance learning. Individual education plans are in place for uri requiring modified programmes.

There is a high level of trust and confidence between the staff, the Poumarumaru and whānau to carry out their respective roles. The whānau is actively involved in several aspects of kura life. The Poumarumaru have improved their understanding of their governance roles and responsibilities. They receive good information from the principal, and are developing their ability to initiate and monitor improvements to meet legislative requirements. Administration and management systems are well organised.

The Poumarumaru demonstrate increasing confidence and understanding of robust internal evaluation. Their involvement alongside Ngā Kura ā Iwi o Aotearoa and accessing external governance specialists has contributed to improving internal evaluation. Governance responsibilities are being monitored and reported on regularly. The annual plan is simple and provides clear direction for governance and management. The Poumarumaru is well placed to support and contribute to uri success.

Kura-identified areas of development

Since the previous ERO review, the principal, staff and Poumarumaru have focussed on lifting the levels of uri achievement. Although they have allocated resources, adopted new teaching strategies and are monitoring the impact of these changes on learning and achievement for uri, further work is required to ensure they continue to respond sufficiently well to the needs of uri.

Continued professional development is essential for the principal, teaching staff and Poumarumaru. A very new team of teachers are keen to learn. Focused support has been provided by Ngā Kura ā Iwi o Aotearoa and the Ministry of Education. Targeted support for leadership, teaching and learning and governance is important given the continued focus on progress and achievement for uri.

The rural, island location of the kura creates specific challenges for the whānau and community. The impact of changes in roll numbers due to uri moving to secondary school or whānau leaving the island is significant, particularly for resourcing and staffing. It is important that the kura continue to consider how best to support the community and the changing environment.

2 Board assurance on legal requirements

Before the evaluation, the board of trustees and principal completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the evaluation, ERO checked the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)
• physical safety of students
• teacher registration and certification
• processes for appointing staff
• stand-downs, suspensions, expulsions and exclusions
• attendance
• compliance with the Vulnerable Children Act 2014.

3 Recommendations

ERO and the kura have developed the following recommendations:

• monitor progress towards accelerating uri achievement in te reo matatini and pāngarau
• maintain targeted and coordinated support for the principal, teachers and the Poumarumaru from Ngā Kura ā Iwi o Aotearoa and the Ministry of Education.

When is ERO likely to evaluate the kura again?

The next ERO evaluation of Te Kura o Te Moutere o Matakana will be within 3 years.

Lynda Pura-Watson

Deputy Chief Review Officer Māori

6 April 2018

About the Kura