233 Taumatamakuku Settlement Road, Moerewa
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Moerewa ki te tāone iti o Moerewa, ā, he hapori tēnei e pupuri kaha nei i ngā taonga ahurea tuku iho. Ko ngā aronga matua o te whānau, ko te reo Māori me te whakapūmautanga o ngā tino hononga ki a Ngāti Hine.
Ka whakapuaki, ka rongo hoki ngā mokopuna i te whanaungatanga hei tūāhuatanga matua o ō rātou wheako ako o ia rā.
E puāwai ana ngā mokopuna ki tētahi taiao e poipoi ana i ngā tino hononga mā ngā taunekeneke riterite e ū ana i te manaakitanga me te whakaute. Ka kitea tō rātou ngākau nuitanga me tō rātou aronga toi whenuatanga i a rātou e menemene ana, e katakata ana, ā, e whai wāhi atu ana ki te tākaro ki te taha o ō rātou hoa. Ka whakapakarihia te whanaungatanga mā ngā wheako ā-ahurea, pērā i ngā pōwhiri e arahina ana e ngā whānau me ngā kaimahi. Ka whakakoia aua wā tūturu i te tuakiri o ngā mokopuna hei tangata whenua, ā, ka whakahōhonu i tō rātou māramatanga ki ngā tikanga, ngā kawa, me tō rātou tūnga ki te whānau. Ka whakaū ngā kaimahi i te hua o te reo Māori mā te whakatō i ngā waiata, ngā rotarota, me ngā pepeha ki ngā wheako o ia rā. Ka whakapuaki ngā mokopuna tuākana i tēnā e mōhiotia ana e rātou, ā, ka whakaatu harikoakoa ngā pēpi i tō rātou māramatanga mā te tāwhai me te tohu ā-ringa, ā-tinana hoki, ā, ka kitea te tupu haere o ō rātou ngākau titikaha. Ko te kaha whakatairanga i ngā whakamātau a ngā mokopuna e akiaki ana i te papai me te whai hononga i te kōhanga reo. Kei te harikoa, kei te mauritau ngā mokopuna mā roto mai i ō rātou hononga ki ētahi atu.
Kei te pākiki ngā mokopuna, ā, ka tūhura māhorahora rātou i tō rātou wāhi. Kei te hihiri, kei te muramura, kei te rāhiri hoki te taiao ako, ā, he āhurutanga, he taunga hoki te āhua. Ka whakatairanga ngā wāhi o roto, o waho hoki i te whakahura, ka whakarato i te kanorau o ngā whai wāhitanga mō ngā mokopuna ki te whai wāhi atu me te tūhono ki ētahi atu. E hāpai ana te tangongitanga o ngā rauemi i te kōkiri a ngā tamariki i ā rātou ake tākaro, ā, ka whakaaweawe hoki i te pākiki. Ka tautoko ngā kaimahi i aua tūāhuatanga mā te whai pūtaketanga o tā rātou toro atu, i ngā mokopuna e haereere i tō rātou taiao, ā, e whai ana hoki i ō rātou huarahi ake hei tūhuratanga mā rātou. Kei te mauritau ngā mokopuna ki tō rātou taiao Māori.
Kei te nahanaha, kei te riterite hoki te aronga a ngā kaimahi ki ngā akoranga a ngā mokopuna. Kei te matawhānui ngā mahere, ā, he pai hoki te whakaraupapatanga. Kei te mārama ngā hononga ki Te Whāriki a Te Kōhanga Reo. Ka whakapuaki ngā mema o te whānau i ō rātou whakaaro mō ngā mahere. Kei ngā mahi aromatawai ngā tūāhuatanga whakapū hei hāpai i te ako a ngā mokopuna me tō rātou whakawhanaketanga. Kei ngā kōnae mokopuna ngā mōhiohio whai hua e pā ana ki te ako me te ahu whakamua a ia mokopuna, tae atu hoki ki tōna whakawhanaketanga i roto i te roanga o te wā. Kua āta whakatōngia te aromātai hōtaka, ā, he mahi riterite hoki e aroturuki ana i te kounga o te hōtaka akoranga. Hui ai ngā kaimahi i ia te wā ki te whakawhiti kōrero, te whakaaro huritao, me te arotake hoki i ā rātou whakaritenga. E whiwhi ana ngā mokopuna i tētahi hōtaka akoranga hōhonu e whakaongaonga ana i a rātou.
Kua āta whakaritea e te whānau ngā pūnaha whai hua e whakapakari ana i te whakahaeretanga whānui o te kōhanga reo. Tū ai ngā hui ā-whānau i ia te wā, he pai te taetae atu, ā, ka whai wāhi mātātoa ngā mema o te whānau mā ngā huarahi maha, ki te tautoko i te whakahaeretanga o ngā whakaritenga. Kei te riterite te pūrongo me te whakatakoto haere i ngā whakahaeretanga, ā, kei te matawhānui ngā meneti e whakatakoto ana i ngā mōhiohio whai hua. Whakapuaki ai ngā kaimahi i ngā kōrero hei whakamōhio i ngā taumahi me te ako a ngā mokopuna. Arotakengia ai i ia te wā, ko ngā kaupapa here me ngā tukanga e pā ana ki te hauora, te haumaru, me te whakahaeretanga o ngā kaimahi, ā, he mārama te ārahitanga e hāpai ai i ngā kaimahi me ngā whānau. Ka whakaemihia ngā mōhiohio whai pānga, ā, ka tuhia ki ngā rēhita e pā ana ki te hauora me te haumaru. Ko ngā mokopuna kei te pūtake o ngā mahi a te whānau ki te whakatau ngātahi i ngā whakaritenga.
Ka whakamōhiotia te mahere rautaki ki Te Ara Tūāpae, ā, e whakatakoto ana i ngā wawata tahi o te whānau mō ngā mokopuna. E arotahi ana ki te hāpai i ngā whānau ki te whakamana i te reo me ngā tikanga, i te mokopuna me te whānau, tae atu hoki ki te kaupapa. Kua āta whakatakotohia tētahi mahere ā-tau, ā, e tautuhi ana i ngā mahi matua me ngā wā hoki e tika ana kia whakatutukihia. E whai hua ana ngā mokopuna nā te whai aronga o ngā pūnaha me ngā whakaritenga a te whānau.
He pai te whakapūmau i ngā mahi whakahaere i ngā kaimahi. Kei te matawhānui ngā kirimana tuku mahi a ia kaimahi, ka hāngai ki ngā herenga ā-ture o te wā, ā, ka āta whakaraupapa ngā tuhinga tūranga mahi i ngā pūkenga e tūmanakohia ana. Kua whakatutukihia te arowhai i te haumaru o ngā kaimahi, ā, he whai wāhitanga i ngā arohaehae mō te tupu ngaio me te whakatakoto tonutanga o ngā whāinga. Ka whakatau ngātahi te whānau i ngā whakaritenga e arotahi ana ki te ako a ngā mokopuna me tō rātou waiora whānui tonu.
Ahakoa kua whakamōhiotia te mahere rautaki ki Te Ara Tūāpae, ā, e tautuhi ana hoki i ngā whakawhanaketanga o te kōhanga reo mō meāke nei, kua tae ki te wā kia whakawhanakehia tētahi mahere mahi e aroturuki ai i te ahu whakamua o ngā whāinga me ngā wawata o ngā whānau. Ka whai hua ngā mokopuna i te wā e āta whakamaheretia ana, e āta whakaarohia ana hoki ō rātou matea ki anamata.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakawhanake te whānau i tētahi mahere mahi e aroturuki ai i te ahu whakamua, ā, e whai pānga ana hoki ki ngā whāinga me ngā wawata i whakaraupapahia ai ki te mahere rautaki.
Tiwana Hibbs
Toka ā Nuku
Te Uepū ā-Motu – Māori Review Services
24 Pipiri, 2025
| Te tūwāhi | Kei Moerewa |
| Te tau a te Tāhuhu o te Mātauranga | 11545 |
| Te tau tohu o Te Kōhanga Reo | 01C019 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 17 ngā tamariki, kia tokowaru ki raro i te rua o ngā tau |
| Te tokomaha kei runga i te rārangi ingoa | 17 ngā tamariki, tokowaru kei raro i te rua o ngā tau |
| Ngā hononga ā-iwi | Māori 25 |
| Te wā i te kōhanga reo te rōpū arotake | Paenga-whāwhā 2025 |
| Te wā o tēnei pūrongo | 24 Pipiri 2025 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2021; Arotake Mātauranga, Here-turi-kōkā 2017; Arotake Mātauranga, Here-turi-kōkā 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. The ERO reports provide important information for whānau, hapū and iwi.
Te Kōhanga Reo o Moerewa is in the small township of Moerewa, a community with a strong cultural history. Te reo Māori and maintaining close links with the Ngāti Hine are areas of focus for the whānau.
Mokopuna express and experience whanaungatanga as an integral part of their daily learning experiences
Mokopuna thrive in an environment where meaningful relationships are nurtured through caring, respectful and consistent interactions. Their enjoyment and sense of belonging is evident as they smile, laugh and engage in play alongside their peers. Whanaungatanga is strengthened through culturally grounded experiences such as pōwhiri, guided by whānau and kaimahi. These authentic moments affirm mokopuna identity as tangata whenua, deepening their understanding of tikanga, kawa, and their place within the whānau. Kaimahi uphold the value of te reo Māori by embedding waiata, rotarota and pepeha into everyday experiences. Older mokopuna express what they know, while pēpi happily demonstrate their understanding through mimicking, hand actions and body gestures showing growing confidence. The consistent recognition of mokopuna efforts encourages a positive, connected whare kōhanga reo. Mokopuna are happy and settled in their connections with others.
Mokopuna are curious and naturally explore their surroundings. The learning environment is vibrant, colourful and welcoming, creating a sense of comfort and familiarity. Both indoor and outdoor spaces promote discovery, offering diverse opportunities for mokopuna to engage and connect with others. A wide range of resources support independent play and inspires curiosity. Kaimahi support this by engaging meaningfully as they navigate their taiao and follow their unique pathways of exploration. Mokopuna are secure in their taiao Māori.
Kaimahi have a well-planned and organised approach to mokopuna learning. Planning is detailed and cohesive. There are clear links to Te Whāriki ā Te Kōhanga Reo. Whānau members contribute their thoughts and ideas to planning. Assessment practices contain essential elements to support the learning and development of mokopuna. Kōnae mokopuna contain useful information about individual mokopuna learning, progress and development overtime. Programme evaluation is an embedded and consistent practice and monitors the quality of the learning programme. Kaimahi meet regularly to discuss, reflect and review their practices. Mokopuna experience a rich and stimulating learning programme.
Whānau have clearly established efficient systems that strengthen the overall operations of the Kōhanga Reo. Regular whānau hui are held and well attended, with whānau members actively participating in various ways to support operational management. Reporting and record keeping across operations are consistent, with detailed minutes providing useful information. Kaimahi frequently share updates on mokopuna activities and learning. Health, safety and personnel management policies and procedures are regularly reviewed, offering clear guidance for both kaimahi and whānau. Relevant information is gathered and documented in health and safety registers. Mokopuna are at the centre of collective whānau decision making practices.
The strategic plan is informed by Te Ara Tūāpae and includes the collective aspirations of whānau for mokopuna. The focus is on empowering whānau to whakamana i te reo me ngā tikanga, whakamana i te mokopuna me te whānau and whakamana i te kaupapa. An annual plan is well set out and identifies key tasks and when these are to be completed. Mokopuna benefit from focussed whānau systems and approaches.
Personnel management practices are appropriately maintained. Kaimahi individual employment contracts are comprehensive and aligned with current legislation, while job descriptions clearly outline the expected competencies. Safety checks for kaimahi are completed and appraisals offer opportunities for professional growth and the setting of ongoing goals. Whānau collectively make decisions that focus on mokopuna learning and overall wellbeing.
While the strategic plan is informed by Te Ara Tūāpae and identifies priorities for the future development of the kōhanga reo, it is timely that an action plan be developed to monitor the progress of whanau goals and aspirations. Mokopuna benefit when their future needs are well planned and considered.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend whānau develop an action plan to monitor progress and reflect the goals and aspirations outlined in the strategic plan.
Tiwana Hibbs
Toka ā Nuku - Director
Te Uepū ā-Motu – Māori Review Services
24 June 2025
| Location | Moerewa |
| Ministry of Education profile number | 11545 |
| Kōhanga Reo Identification Number | 01C019 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 17 children, including up to 8 aged under 2 |
| Service roll | 17 children, including up to 8 aged under 2 |
| Ethnic composition | Māori 17 |
| Review team on site | April 2025 |
| Date of this report | 24 June 2025 |
| Most recent ERO report(s) | Education Review, June 2021; Education Review, August 2017; Education Review, August 2014 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Moerewa ki te tāone iti o Moerewa. Ko te reo Māori me ngā whakapapa o te iwi o te takiwā nei te aronga matua o te whānau o te kōhanga reo. E hāpai ana ngā kuia me ngā kaumātua, mā te whāngai atu i ngā kōrero tuku iho me te reo ake o Ngāti Hine.
E whanake ana ngā mokopuna i tō rātou māramatanga ki ō rātou tuakiri mā ā rātou wheako ako.
E whai wāhi atu ana ngā mokopuna ki ngā akoranga e whakatairanga ana i ngā mōhiotanga ki te aronga toi whenuatanga me te tuakiri. Ka rongo rātou i te reo ake o Ngāti Hine mā te whai wāhi mai o ngā kuia me ngā kaumātua ki te kōhanga reo nei. E whanake ana te māramatanga o ngā mokopuna ki ō rātou tūranga, ki ā rātou kawenga hoki hei tangata whenua. E whakarato ana ngā kaimahi i ngā whai wāhitanga mō ngā mokopuna ki te uru atu ki ngā whakatau me ngā pōhiri. Ka taea e rātou te arataki ngā karakia, ngā hīmene, ngā waiata, me ngā mihimihi i ngā whakatau. E poipoi ana taua tūāhuatanga i te māramatanga o ngā mokopuna ki te reo ōkawa, me te whakahirahiratanga anō hoki o ngā tikanga me ngā kawa. E ākina ana te whakapuaki mai o ngā mokopuna i ō rātou mōhiotanga ki te whakapapa. Ka whāngai kupu, ka tāruarua hoki ngā kaimahi hei hāpai i ngā mokopuna ki te taki i ō rātou pepeha. Whakapuakihia ai i ia te wā, ko ngā wā mō ngā mokopuna ki te tūhonohono ki ō rātou taiao ako mā te tūhura, te tākaro, me te taunekeneke hoki ki ētahi atu. Ka whakangahau tahi ngā mokopuna i a rātou e tūhura ana i te wāhi o waho. He tau rātou ki tō rātou wāhi ako. E whakawhanake ana ngā mokopuna i tō rātou māramatanga ki a rātou anō hei ākonga.
He tukanga ā te whānau mō te whakahaeretanga o ētahi o ngā wāhanga o te kōhanga reo. Hui ai rātou i ia te wā, ā, ka whakatau i ngā whakaritenga hei painga mō ngā mokopuna. Kei te tūtohinga te aronga me ngā tohutohu e hāpai ai i te whakatinanatanga o ngā mahi whakahaere i te kōhanga reo. Kua whakaritea ngā kaupapa here me ngā tukanga e pā ana ki te hauora me te haumaru me te whakahaeretanga o ngā kaimahi. Ko ngā mokopuna te aronga matua.
He mea nui kia whakariterite te whānau i tētahi tukanga mō te aromātai o roto, hei whakapakari ake i ngā wāhanga matua o ngā whakahaeretanga. Me titiro ki ngā wāhanga e whai ake nei:
Ahakoa te pai o ētahi āhuatanga o ngā whakaritenga, tērā anō tonu ngā mahi ki te whakapakari ake i te māramatanga o ngā kaimahi ki ngā hononga ki waenga i ngā mahere, te aromatawai, me te aromātai hōtaka. Kāhore he hononga ki waenga i aua wāhanga i tēnei wā. Kāhore anō te ako a ngā mokopuna kia whakawhānuihia ake.
Kua tāutuhia e te whānau ā rātou whāinga me ō rātou wawata i roto i te mahere rautaki. He mea nui kia whakawhanake te whānau i tētahi mahere mahi e whakatakoto ai, e aroturuki ai hoki i te ahu whakamua ki te whakatutuki haere i ō rātou wawata. Ka whai hua ngā mokopuna i te wā e aroturukitia ana, e whai whakaaro nuitia ana hoki ō rātou matea mō te paetawhiti.
Me āta titiro ki ngā take e pā ana ki ngā kaimahi. Ahakoa he tuhinga tūranga mahi, he kirimana hoki ā ngā kaimahi, kāhore anō kia whakatutukihia ngā arohaehae. Ka whakatairangatia ngā whakaritenga a ngā kaimahi mā te haere tonutanga o ngā mahi arohaehae me te whakawhanaketanga ngaio.
Kāhore anō ngā arowhai mō te haumaru o ngā kaimahi kia whakatutukihia kia hāngai ai ki tēnei wā tonu. Me whakaoti te whānau i ngā arowhai mō te haumaru o ngā kaimahi, hei whakatutuki i te Children’s Act 2014. E noho mōrearea ana te haumaru o ngā mokopuna.
Kāhore anō kia whakatutukihia, kia tuhia rānei ngā akoako e pā ana ki te rū whenua. Me whakatutuki, me tuhi hoki te whānau i ngā tikanga katoa e pā ana ki ngā akoako hōneatanga mō te rū whenua.
Kāhore anō te whānau kia arowhai i ia rā, i ngā āhuatanga mōrearea i te kōhanga reo. Me āta whakarite te whānau, kia arowhaingia, kia tuhia hoki i ia rā, te tika o ngā taputapu, ngā whare me te wāhi, me ngā rauhanga, otirā, me whakatutuki haere i ngā āhuatanga e tika ana. E pā tōraro ana tēnei ki te hauora me te noho haumaru hoki o ngā mokopuna.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i a rātou ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei:
Darcy Te Hau
Toka-ā-Nuku
Te Uepū ā-Motu - Māori Review Services
14 Pipiri, 2021
|
Te tūwāhi |
Kei Moerewa |
|
|
Te tau a te Tāhuhu o te Mātauranga |
11545 |
|
|
Te tau tohu o Te Kōhanga Reo |
01C019 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
25, tokowaru ki raro i te rua o ngā tau |
|
|
Te tokomaha kei runga i te rārangi ingoa |
16, tokowaru kei raro i te rua o ngā tau |
|
|
Te ira tangata |
Kōtiro 7 Tama 9 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Paenga-whāwhā 2021 |
|
|
Te wā o tēnei pūrongo |
14 June 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Here-turi-kōkā 2017 Here-turi-kōkā 2014 Whiringa-ā-rangi 2011 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Moerewa is located in the small township of Moerewa. Te reo Māori and maintaining close links with the Ngāti Hine are a priority for the Kōhanga Reo whānau. Local kuia and kaumatua also provide guidance and support for the kōhanga reo.
Mokopuna are developing an understanding of their identity through a range of learning experiences.
Mokopuna experience learning that promotes knowledge about their belonging and identity. They are exposed to the dialect of Ngati Hine through the involvement of kuia and kaumatua. Mokopuna are developing an understanding of local tikanga and kawa through whakatau and pōhiri. They are able to lead karakia, himene, waiata and mihimihi. Mokopuna are encouraged to share their knowledge of whakapapa. Kaimahi use prompts and repetition to support mokopuna to recite their pepehā. There are frequent opportunities for mokopuna to make connections to their learning environments through exploration, play and interactions with others. Mokopuna have fun together when exploring the outdoors. They are comfortable in their learning space. Mokopuna are developing their understanding of knowing who they are as learners.
The whānau have processes in place to manage some aspects of the kōhanga reo. They meet regularly and make decisions in the best interests of the mokopuna. The tūtohinga provides direction and guidance and implementing the kōhanga reo operations. Health and safety and personnel management policies and procedures are in place. Mokopuna are the focus.
It is important for whānau to establish a process of internal evaluation to strengthen key areas of operations. Following are areas that require attention:
While there are good examples of good practice, there is more work to be done to strengthen kaimahi understanding of links between planning, assessment and programme evaluation. There is no connection between any of these areas. Mokopuna learning is yet to be extended.
Whānau have identified their goals and aspirations in their strategic plan, it’s important that the whānau develop an action plan to record and monitor progress in relation to their aspirations. Mokopuna benefit when their future needs are monitored and considered.
Personnel matters require attention. While kaimahi have job descriptions and employment contracts, appraisals have not been carried out. Kaimahi practice would be enhanced through ongoing appraisals and professional development.
Safety checking for kaimahi is not current. Whānau must complete safety checks of kaimahi in accordance with the Children’s Act 2014. Mokopuna safety is at risk.
Earthquake drills have not been carried out or documented. Whānau must ensure all requirements for earthquake evacuation drills are carried out and recorded.
Whānau are yet to carry out daily hazard checks. Whānau must ensure equipment, premises and facilities are checked and documented daily and appropriate action is taken. Mokopuna health and safety are compromised.
During the evaluation, ERO looked at systems for managing the following areas:
To meet compliance requirements, they must:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
14 June 2021
| Te Kōhanga Reo | Te Kōhanga Reo o Moerewa | |
|
Location |
Kei Moerewa |
|
|
Ministry of Education profile number |
11545 |
|
|
Kōhanga Reo Identification Number |
01C019 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
25 children, including up to 8 aged under 2 |
|
|
Kōhanga Reo roll |
16 children, including up to 8 aged under 2 |
|
|
Gender composition |
Girls 7 Boys 9 |
|
|
Ethnic composition |
Māori |
100% |
|
Review team on site |
April 2021 |
|
|
Date of this report |
14 June 2021 |
|
|
Most recent ERO report(s) |
Education Review Education Review Supplementary Review |
August 2017 August 2014 November 2011 |
E tū ana Te Kōhanga Reo o Moerewa ki te tāone iti o Moerewa. I ngā wā o mua, kua pā ki te whānau ētahi tino wero. E whakapono ana te Poari Matua o Ngā Kōhanga Reo i nāianei, kei te whānau te āheinga me ngā pūkenga ki te whakahaere i ngā whakaritenga o tō rātou kōhanga reo. E mōhio ana te whānau, me whai pānga te whakahaeretanga o te kōhanga reo ki te whakapūmautanga o ngā whakaritenga.
Ka kitea ki ngā tamariki tō rātou pākiki, tō rātou harikoa anō hoki hei ākonga, i a rātou e whai wāhi atu ana ki ngā wheako me ngā hononga ki te taha o ētahi atu.
E tautokona te ako a ngā tamariki i te reo Māori. E whakarato ana ngā kaimahi i te whānuitanga o ngā tūmomo rautaki e hāpai ana i te whakawhanaketanga o te reo o ngā tamariki. Ko ētahi o aua rautaki, ko ngā whakatau, ngā karakia, ngā pepeha, ngā hīmene, ngā mihimihi, me ngā waiata. Ka whakamahi hoki ngā kaimahi i ngā patapatai, ngā akiaki, me ngā tohu ā-ringa hei huarahi ki te whakawhanake i te whakawhitiwhiti whakaaro. Ka whakamahi ngā pēpi i ngā nekehanga ā-tinana hei whakapuaki i ō rātou māramatanga ki te reo Māori. E ākina ana, e whakanuia ana te whakamahinga a ngā tamariki i te reo Māori e te whānau me ngā kaimahi. E whai wāhi nui ana te reo o Ngāti Hine. E whakawhanake ana ngā tamariki i te ngākau titikaha ki te kōrero i te reo Māori.
E whai wāhi nui ana ngā tamariki ki te ako ki tētahi taiao e poipoi ana i tō rātou tuakiri. Ka whakamahere ngā kaimahi i ngā hōtaka e hāpai ana i te ako a ngā tamariki i ō rātou whakapapa me ngā waiata e hāngai pū ana ki a Ngāti Hine. Ka whakarato rātou i ngā whai wāhitanga mō ngā tamariki ki te ārahi i ngā wāhanga ōkawa o te hōtaka o ia āta, pērā i ngā wā karakia me ngā wā mihimihi. Ka whai wāhi matua ngā atua Māori ki te hōtaka. Ia rā, e ākina ana te whakanui a ngā tamariki i a Ranginui rāua ko Papatūānuku. E whai pānga ana tēnei ki te āhua o ā rātou mahi i te māra kai. Nā aua taumahi ka puta mai te māramatanga o ngā tamariki ki tō rātou tūnga hei kaitiaki. E whakamanahia ana te whai wāhi nui o ngā tamariki ki tō rātou kōhanga reo.
He tino hononga ō ngā tamariki e ahu mai ana i te whanaungatanga. Ka whakatinanahia e ngā kaimahi te awhi, te tautoko, te aroha, te manaaki, te mahi tahi, te katakata, me te pārekareka i a rātou e taunekeneke ana ki ngā tamariki. E ākina ana te tiaki o ngā tamariki i ō rātou hoa. Ka whakamahara ngā kaimahi i ngā tamariki tuākana, kia tiaki rātou i ō rātou tēina. Ka mahi ngā kaimahi ki te taha o ngā tamariki, kia waia ai rātou ki te hōtaka akoranga me ngā mahinga. E hāpai ana tēnei i te whakawhiti ngāwari ki ngā tūmomo taumahi. He mārie, he tau hoki ngā tamariki ki te ako.
He whai wāhitanga mō ngā tamariki ki te tūhura me te mahi auaha hoki hei ākonga. Ka whakamahere ngā kaimahi i tētahi hōtaka kia whiwhi ai ngā tamariki i ngā wheako akoranga ōkawa me ngā wheako akoranga ōpaki. E mārama ana ki ngā tamariki, ko te tīmatanga o te rā te wā mō ngā karakia, ngā mihimihi, ngā hīmene me te whakapapa. Ka whai pānga anō hoki te waiata me te kori tinana ki te hōtaka o ia rā. Ka whakarato ngā kaimahi i ngā rauemi, kia āhei ai ngā tamariki ki te kōkiri i ā rātou ake akoranga. He wā anō hoki tēnei ki te hīraurau hopanga me te whakaaro auaha. E whanake ana ngā tamariki hei ākonga pākiki.
Kua āta whakaritea ngā mahere hōtaka me ngā tukanga e pā ana ki te aromatawai. Kei ngā mahere ngā āhuatanga katoa e tika ana ki te ārahi i te whakapuakitanga o te hōtaka akoranga. He mārama ngā hononga ki Te Whāriki. Ka whakamahere ngā kaimahi i ngā tūmomo taumahi maha e poipoi ana i te whānuitanga o ngā ngākau nuitanga me ngā matea o ngā tamariki. Ka whakamahi rātou i ngā pūkete hei aroturuki i ngā akoranga a ngā tamariki me tā rātou ahu whakamua. E hono ana ngā kitenga ki ngā kaupapa ako. E tino mōhio ana te whānau ki tēnā e ākona ana e ā rātou tamariki. E whiwhi ana ngā tamariki i ngā painga o tētahi hōtaka akoranga i āta whakamaheretia ai.
E whakahaere ana te whānau i te kōhanga reo hei painga mō ngā tamariki. Kei te tūtohinga te aronga mārama hei whakahaere i ngā whakaritenga i te kōhanga reo. Kua arotakengia e te whānau ā rātou kaupapa here. Kua whakaritea te nuinga o ngā kaupapa here me ngā tukanga e pā ana ki te hauora me te haumaru, ā, e hāngai ana hoki ēnā ki te wā, engari me aro ake ki te whakapai tonu i ngā tukanga ki te arowhai i ngā āhuatanga mōrearea. Kei ngā tuhinga kaimahi, ko ngā kirimana, ngā tuhinga tūranga mahi, me ngā mahi arowhai a ngā pirihimana i ngā kaimahi. Kua oti ngā mahi ki te arohaehae i ngā kaimahi. Ko te hauora me te waiora o ngā tamariki te aronga matua.
Kua tāutuhia e te whānau ā rātou whāinga me ā rātou kaupapa matua mō meāke nei. Kua whakaritea Te Ara Tūāpae me te mahere rautaki. He rawaka te aromātai o roto. Pūrongotia ai i ngā hui ā-whānau i ia te wā, ngā āhuatanga matua o ngā whakahaeretanga o te kōhanga reo. Ka arotahi aua pūrongo ki ngā whakapaitanga. Ka whakarerekē haere i runga anō i te āhua o ngā matea me ngā whai wāhitanga ka pupū ake. E mōhio ana te whānau, e tika ana kia āta whakarite i te pūmautanga o ngā whakahaeretanga i te kōhanga reo.
Kāhore anō ngā kaimahi kia tīmata ki te aromātai i te whai huatanga o te hōtaka akoranga. E mōhio ana rātou ka hāpai te aromātai tonutanga o te hōtaka i tā rātou aronga ki ngā tamariki hei ākonga.
Kāhore he huarahi i tuhia ai hei āta whakarite i te whakatutukitanga o ngā kaupapa matua a te whānau. He mea nui, kia whakawhanake te whānau i tētahi mahere ā-tau hei whakahāngai ake i ā rātou mahi, hei tohatoha i ngā tūmomo kawenga mahi, ā, hei tāutu anō hoki i ngā wātaka e tika ana.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ētahi wāhanga kāhore e whakatutuki ana i ngā herenga ā-ture. Kia whakatutukihia e te whānau o te kōhanga reo ā rātou herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Moerewa i roto i te toru o ngā tau.
Lynda Pura-Watson
Kaiurungi Whakaturuki Arotake Māori
13 Whiringa ā-nuku, 2017
|
Te tūwāhi |
Kei Moerewa |
|
|
Te tau a te Tāhuhu o te Mātauranga |
11545 |
|
|
Te tau tohu o Te Kōhanga Reo |
01C019 |
|
|
Te tūmomo raihana |
He Kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
25, kia tokorima ki raro i te rua o ngā tau |
|
|
Te tokomaha kei te rārangi ingoa |
14, tokowhā kei raro i te rua o ngā tau |
|
|
Te ira tangata |
Kōtiro 6 Tama 8 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
23-24 Here-turi-kōkā 2017 |
|
|
Te wā o tēnei pūrongo |
13 Whiringa ā-nuku, 2017 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Tāpiri |
Here-turi-kōkā 2014 Whiringa-ā-rangi 2011 Mahuru 2009 |
Te Kōhanga Reo o Moerewa is located in the small township of Moerewa. Whānau have experienced some challenges in the past. Te Kōhanga Reo National Trust (TKRNT) is now confident that the whānau have the ability and skills to manage the operations of their kōhanga reo. Whānau are aware that the management of the kōhanga reo should lead to sustainable practice.
Children show they are curious and happy learners through their experiences and relationships with others.
Children are supported to learn te reo Māori. Kaimahi provide a range of strategies to support children’s language development. These include whakatau, karakia, pepehā, hīmene, mihimihi and waiata. Kaimahi also use questions, prompts and hand signs as strategies to develop communication. Babies use non-verbal gestures to express their understanding of te reo Māori. Children are encouraged and praised by whānau and kaimahi for using te reo Māori. The dialect of Ngāti Hine is evident. Children are developing confidence as speakers of te reo Māori.
Children enjoy learning in an environment where their identity is nurtured. Kaimahi plan programmes to support children to learn their whakapapa and waiata that are specific to Ngāti Hine. They provide opportunities for children to lead formal parts of the morning programme such as karakia and mihimihi. Atua Māori are a main feature of the programme. Every day children are encouraged to acknowledge Ranginui and Papatūānuku. This links to the work they do around the māra kai. These activities provide children with an understanding of their role as kaitiaki. Children are valuable contributors to their kōhanga reo.
Children have well established relationships that are based on whanaungatanga. Kaimahi show awhi, tautoko, aroha, manaaki, mahi tahi, katakata and pārekareka in their interactions with children. Children are encouraged to look after each other. Kaimahi remind the older children to care for their teina. Kaimahi work with children to become familiar with the learning programme and routines. This supports the smooth transition between activities. Children are calm and settled learners.
Children have opportunities to explore and be creative learners. Kaimahi plan a programme for children to receive both formal and informal learning experiences. Children understand the beginning of the day is set aside for karakia, mihimihi, hīmene and whakapapa. Waiata and kori tinana are also part of the daily programmes. Kaimahi provide resources for children to initiate their own learning. They use this time to problem solve and be creative in their thinking. Children are developing as curious learners.
Programme planning and assessment processes are clearly established. Planning has all the necessary elements to guide the delivery of the learning programme. There are clear links to Te Whāriki. Kaimahi plan a variety of activities that cater to a range of children’s interests and needs. They use profile books to monitor children’s learning and progress. Observations are linked to kaupapa ako. Whānau are well aware of what their children are learning. Children benefit from a planned learning programme.
Whānau manage the kōhanga reo in the best interests of the children. The charter provides clear direction to manage the operations of the kōhanga reo. Whānau have reviewed their policies. Most health and safety policies and procedures are current and in place, however further attention is required to improve hazard checking processes. Kaimahi employment documentation includes employment contracts, job descriptions and police vetting. They have completed kaimahi appraisal. The health and well-being of children is paramount.
Whānau have identified their goals and future priorities. Te Ara Tūāpae and strategic plan are in place. Internal evaluation is adequate. There is regular reporting to whānau hui on key aspects of kōhanga reo operations. This reporting focuses on improvements. Changes are made according to needs and opportunities that arise. Whānau are aware of the need to ensure the management of the kōhanga reo is sustainable.
Kaimahi do not yet evaluate the effectiveness of the learning programme. They acknowledge that ongoing evaluation of the programme will assist them to focus on children as learners.
There is no documented approach in place to ensure that the priorities of the whānau are achieved. It is important that the whānau develop an annual plan to help focus their efforts, assign responsibilities and identify realistic timeframes.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements they need to:
establish a process for evaluating the effectiveness of the learning programme
[R43 (1) (a) (i) (ii) Education (ECS) Regulations 2008; C1-4 and C7-10]
ensure that all hazard checking, recording and reporting requirements are carried out to ensure the safety of children.
[R46 Education (ECS) Regulations 2008, HS 12 Licensing criteria for kōhanga reo affiliated with the Te Kōhanga Reo National Trust 2008]
ERO and the Kōhanga Reo whānau developed the following recommendations:
kaimahi establish a process for evaluating the effectiveness of the learning programme
the whānau consider a more formal way of planning and monitoring progress towards their identified priorities for the kōhanga reo
the whānau implement a more robust process for identifying and addressing hazards.
The next ERO evaluation of Te Kōhanga Reo o Moerewa will be in three years.
Lynda Pura-Watson
Deputy Chief Review Officer Māori
13 October 2017
|
Location |
Moerewa |
||
|
Ministry of Education profile number |
11545 |
||
|
Kōhanga Reo Identification Number |
01C019 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
25 children, including up to 5 aged under 2 |
||
|
Kōhanga Reo roll |
14 children, including up to 4 aged under 2 |
||
|
Gender composition |
Girls 6 Boys 8 |
||
|
Ethnic composition |
Māori |
100% |
|
|
Review team on site |
23 – 24 August 2017 |
||
|
Date of this report |
13 October 2017 |
||
|
Most recent ERO report(s) |
Education Review Supplementary Review Supplementary Review |
August 2014 November 2011 September 2009 |
|