21 Otiria Road, Moerewa
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Tuhipā te maunga
Ko Tereawatea te awa
Ko Ngāti Kōpaki me Ngāti Te Ara ngā hapū
Ko Ngāti Hine te iwi
E tū ana Te Kōhanga Reo o Papatahi ki te tāone o Moerewa, ki te Tai Tokerau. Ko Ngāti Hine te mana whenua e whakanuia ai e te whānau. Ko te reo o Ngāti Hine te reo e aro nuitia ana. He pai ngā mahi a te whānau ki te whakatutuki i ngā take herenga ā-ture i whakaraupapahia ai ki te pūrongo arotake a Te Tari Arotake Mātauranga i te tau 2021.
E tīmata ana ngā mokopuna ki te whakapuaki i tō rātou māramatanga ki te tuakiritanga.
E noho ngākau nui ana ngā kaimahi ki te whakarato i tētahi hōtaka e poipoi ana i te tuakiri o ngā mokopuna. Ka aro nui te hōtaka ki te whakapapa, ā, ka toro atu ki ngā mōhiohio e pā ana ki te ao māoriori. E tino tautokona ana ngā mokopuna kia ako i ō rātou hononga ki ō rātou maunga, ō rātou awa, ō rātou tuakiritanga, ō rātou marae, me ō rātou whakapapa, mā te mahi tāruarua i ngā mihimihi me ngā pepeha. Ka kitea ki ētahi o ngā mokopuna tuākana te puāwai mai o tō rātou ngākau titikaha ki te taki i ō rātou pepeha. Ka mātakitaki ngā pēpi i ngā kaimahi me ō rātou tuākana, ā, ka tāwhai i a rātou. Ka kitea ki ngā mokopuna te tīmatanga o tā rātou whai māramatanga ki a rātou anō, ā, ki tō rātou tūrangawaewae hoki.
E whiwhi ana ngā mokopuna i te tangongitanga o ngā taumahi e tika ana mō ō rātou reanga, ā, e whakahaerehia ana mā te reo Māori. Ka āta tuitui i ngā kupu hou ki ngā mahere me ngā whakaakoranga. Ko te reo Māori te reo whakaako. Ka whakatauira ngā kaimahi i ngā hanganga reo māmā, ā, ka whakapuaki i ngā kupu hou mā te tākaro. Ka whakamahere rātou ki te whakawhānui i ngā puna reo o ngā mokopuna mā ia kaupapa. He whai wāhitanga mō ngā mokopuna ki te whiriwhiri i ngā waiata e ngākau nuitia ana e rātou. Ka whakamahi i ngā poi me ngā pākura hei whakaongaonga, hei whakapūmau hoki i te whai wāhi nui o ngā mokopuna, hei whakawhanake hoki i te māramatanga o ngā mokopuna ki te reo Māori. E puāwai mai ana ngā mokopuna ki te kōrero i te reo Māori.
He tika ngā tukanga a ngā kaimahi ki te whakamahere me te aromatawai i te ako me te ahu whakamua a ngā mokopuna. He mahi ngātahi te whakamahere. Ka whakatakotohia ngā ariā o te tau mā ngā wāhanga o te tau, ā, kua pou herea ki Ngā Taumata Whakahirahira. Ka arahina te whakatinanatanga o ngā taumahi ki ngā mahere ā-wāhanga, ā-wiki, o ia rā hoki, tae atu ki ngā whāinga ako. He mātai mokopuna hoki hei kapo atu i ngā tūāhuatanga ako. Tāpiri atu ki tēnā, ka tuhi haere ngā kaimahi i ngā whakatutukitanga a ngā mokopuna, ā, ka kohikohi i ngā tauira mahi a ngā mokopuna hei whakaputu ki ngā kōnae. E whai hua ana ngā mokopuna nā te marautanga i āta whakaarotia ai.
E whakawhanake ana ngā whānau i tō rātou māramatanga ki ō rātou tūranga me ā rātou kawenga mahi. Kua paiheretia rātou ki ō rātou hononga ā-whakapapa. Tū ai ngā hui ā-whānau i ia te wā, ā, ka kōrerohia te tangongitanga o ngā take e pā ana ki ngā whakahaeretanga o te kōhanga reo. Ko tō te whānau wawata kia ngākau titikaha te kōrero a ngā mokopuna i te reo, ā, kia tautokona te tupu me te kōrero i te reo Māori i roto i ngā kāinga. Kua whakatakotohia ngā tuhinga kaimahi, ā, e arahina ana ki te Children's Act 2014. Tāpiri atu ki tēnā, kua whakatutukihia e ngā kaimahi ā rātou arohaehae whaiaro, ā, kua whakaritea e te whānau kia whakatutukihia ngā arohaehae kaimahi ā kō kō ake nei. Ko ngā mokopuna kei te pūtake o ngā mahi whakahaere a te whānau.
Kua tae ki te wā kia whakatinanahia e te whānau tētahi tukanga o te aromātai o roto, o te arotake whaiaro rānei, hei aroturuki i ngā whakahaeretanga me te āta whakatau i te whakapai tonutanga. Ka whai pānga matua tēnei ki te whānuitanga tonu o ngā whakahaeretanga me ngā whakaritenga i te kōhanga reo. Ko te ako a ngā mokopuna, ko tō rātou waiora hoki kei te pūtake o te whakatairanga tonutanga.
Me titiro ki te aromātai hōtaka. He iti noa ngā mōhiohio e tohu ana i ngā wāhanga ka whakapai ake i te kounga o te hōtaka akoranga a ngā mokopuna. Ahakoa ka kōrerorero ngā kaimahi i ngā hōtaka akoranga hei whakatairanga ake i te whakapuakitanga, kāhore rātou e tuhi haere ana i ngā wā katoa, i ngā whakataunga ka whakarerekē ai i ngā tūāhuatanga. Ka whakatairangatia ngā putanga ako a ngā mokopuna mā te whakapai ake i ngā whakaritenga e pā ana ki te aromātai hōtaka.
Ka taea ngā mahi whakahaere a te whānau te whakapakari ake. Ahakoa kua whakahāngaitia ngā kaupapa here me ngā tukanga o te hauora me te haumaru ki ngā herenga ā-ture o te wā, kāhore he whakaaturanga e tohu ana i te huringa taiāwhio auau e arotake ai i ngā kaupapa here. Waihoki, me tuhi i ngā whakaritenga hōneatanga ohotata i ia wā e whakamātauhia ai ngā akoako hōneatanga. Tāpiri atu ki tēnā, ahakoa ka whakaarohia ngā tūāhuatanga mōrearea e ngā kaimahi ki ā rātou tuhinga mō ngā haerenga, e tika ana hoki kia whakaarohia ngā tūāhuatanga whakamōrearea katoa. Tē taea te hauora me te haumaru o ngā mokopuna te whakatūturu.
Me titiro ki ngā mahere rautaki. E ai ki te whānau, me whakahou ake rātou i tā rātou Te Ara Tūāpae, kia hāngai ake ai ki ngā wawata me ngā kaupapa e noho mātua ana ki te whānau o tēnei wā. E tika ana hoki kia tuhia e te whānau tētahi mahere mahi e āta whakatau ai i te aru me te aroturukitanga o te ahu whakamua ki te whakatutuki i ā rātou whāinga rautaki. Tāpiri atu ki tēnā, ka whai hua hoki te whānau mā te arotake i tā rātou tūtohinga, i runga anō i te āhua o Ngā Pou e Whā me Te Whāriki a Te Kōhanga Reo. Ka hāpai hoki taua mahi i tā rātou whakapakari ake i ō rātou mōhiotanga, ō rātou māramatanga hoki ki te kaupapa. Ka whai hua ngā mokopuna i te wā e mātau ana te whānau ki te kaupapa o te kōhanga reo.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Tiwana Hibbs
Toka ā Nuku
Te Uepū ā-Motu – Māori Review Services
01 Paengawhāwhā, 2025
| Te tūwāhi | Kei Moerewa |
| Te tau a te Tāhuhu o te Mātauranga | 11532 |
| Te tau tohu o Te Kōhanga Reo | 01C051 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 30 ngā tamariki, kia tekau kei raro i te rua o ngā tau |
| Te tokomaha kei runga i te rārangi ingoa | 21 ngā tamariki, tokotoru kei raro i te rua o ngā tau |
| Ngā hononga ā-iwi | Māori 21 |
| Te wā i te kōhanga reo te rōpū arotake | Hakihea 2024 |
| Te wā o tēnei pūrongo | 1 Paengawhāwhā 2025 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2021; Arotake Mātauranga, Whiringa-ā-nuku 2017; Arotake Mātauranga, Pipiri 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. The ERO reports provide important information for whānau, hapū and iwi.
Ko Tuhipā te maunga
Ko Tereawatea te awa
Ko Ngāti Kōpaki me Ngāti Te Ara ngā hapū
Ko Ngāti Hine te iwi
Te Kōhanga Reo o Papatahi is located in the township of Moerewa, Northland. Whānau acknowledge Ngāti Hine as mana whenua. Te reo o Ngāti Hine is the priority dialect. Whānau have done well to address the areas of non-compliance outlined in the ERO 2021 review report.
Mokopuna are in the early stages of expressing their understanding of tuakiritanga.
Kaimahi are committed to providing a programme that nurtures mokopuna identity. The programme places a strong emphasis on whakapapa and draws on information related to the natural world. Mokopuna are well supported to learn about their connections to their maunga, awa, tuākiritanga, marae and whakapapa through the repetitive practice of mihimihi and pēpeha. Some older mokopuna demonstrate emerging confidence to recite pēpeha. Babies observe kaimahi and their tuākana and mimic their actions. Mokopuna show an early understanding of who they are and where they belong.
Mokopuna experience a range of age-appropriate activities in te reo Māori. Kupu hou are intentionally integrated into planning and teaching. Te reo Māori is the language of instruction. Kaimahi model simple language structures and introduce kupu hou through play. They plan to build mokopuna vocabulary in each kaupapa. Mokopuna are given opportunities to choose waiata they enjoy. Rauemi such as poi and pākura are used to stimulate and sustain mokopuna engagement and develop mokopuna understanding of te reo Māori. Mokopuna are emerging as early speakers of te reo Māori.
Kaimahi have appropriate processes in place to plan and assess mokopuna learning and progress. Their planning is collaborative. Themes for the year are set out according to ngā wāhanga o te tau and are underpinned by Ngā Taumata Whakahirahira. Wāhanga, wiki and daily planning, including whāinga ako, guide the implementation of activities. Mātai mokopuna are in place to capture set elements of learning. Additionally, kaimahi record mokopuna milestones and collect samples of mokopuna mahi for kōnae. Mokopuna benefit from a well-considered curriculum.
Whānau are developing their understanding of their roles and responsibilities. They are connected through whakapapa connections. Hui whānau are regular, a range of matters relating to operations of the kōhanga reo are discussed. The whānau aspire for mokopuna to be confident speakers of te reo and supporting the growth and use of te reo in the kāinga. Personnel documentation is in place that is guided by the Children's Act 2014. Additionally, kaimahi have completed their self-appraisals and whānau plan to complete kaimahi performance appraisals shortly. Mokopuna are a focus of whānau operations.
It is timely that whānau implement a process of internal evaluation or self-review to monitor operations and ensure continuous improvement. This is critically important to the overall operation and practices in the kōhanga reo. Mokopuna learning and wellbeing are at the centre of ongoing improvement.
Programme evaluation requires attention. There is very little information to show areas for improving the quality of the learning programme for mokopuna. Whilst kaimahi informally discuss learning programmes to improve delivery, they do not always record decisions to bring about change. Mokopuna learning can lead to better outcomes by improving programme evaluation practices.
Whānau whakahaere practices can be strengthened. Whilst the health and safety policies and procedures are aligned to current legislation, there is no evidence that whānau have a regular cycle of policy review. Furthermore, emergency evacuation practices must be regularly documented when carrying out emergency drills. In addition, while kaimahi consider risks in their excursion documentation, it is equally important to consider all possible risks and scenarios. Mokopuna health and safety cannot be guaranteed.
Strategic planning requires attention. Whānau have expressed there is a need to update their Te Ara Tūāpae to reflect the aspirations and priorities of the current whānau. It is equally important for whānau to document an action plan to ensure tracking and monitoring of progress made to their strategic objectives. In addition, the whānau would also benefit from reviewing their tūtohinga against Ngā Pou e Whā and Te Whāriki a Te Kōhanga Reo. This will assist them in building their knowledge and understanding of the kaupapa. Mokopuna will benefit when whānau are steeped in the kaupapa of kōhanga reo.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements. Therefore, the whānau must:
ERO and the Kōhanga reo whānau developed the following recommendations:
Tiwana Hibbs
Toka ā Nuku - Director
Te Uepū ā-Motu – Māori Review Services
1 April 2025
| Location | Moerewa |
| Ministry of Education profile number | 11532 |
| Kōhanga Reo Identification Number | 01C051 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 30 children, including up to 10 aged under 2 |
| Service roll | 21 children, including 3 aged under 2 |
| Ethnic composition | Māori 21 |
| Review team on site | December 2024 |
| Date of this report | 1 April 2025 |
| Most recent ERO report(s) | Education Review, June 2021; Education Review, October 2017; Education Review, June 2014 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Papatahi ki Moerewa. He tino hononga tō te kōhanga reo ki te marae me te Kura Kaupapa Māori o te hapori. Nā te whai wāhi mai o ō rātou kaumātua ki te kōhanga reo, ka rongo ngā mokopuna i te reo o Ngāti Hine.
E tīmata ana ngā mokopuna ki te kōrero i te reo Māori mā ā rātou wheako ako.
E whakamahi ana ngā kaimahi i te whānuitanga o ngā tūmomo rautaki hei hāpai, hei whakapakari anō hoki i te mōhiotanga o ngā mokopuna ki te reo Māori, ā, i tā rātou whakamahinga anō hoki i te reo. Ko ētahi o aua rautaki, ko ngā waiata, ngā karakia, ngā kēmu, me te tāruarua. Ka ako ngā mokopuna i ngā tauira reo e hāngai pū ana ki ngā wā ōkawa, pērā i ngā pōwhiri me ngā whakatau. Ka whāngai kupu ngā kaimahi hei hāpai i ngā mokopuna ki te taki i ō rātou pepeha, ā rātou mihimihi, me ngā mōteatea ki te taha o ō rātou hoa. Ka kitea te māramatanga o ngā pēpi ki te reo Māori mā te āhua tonu o ō rātou kanohi me ngā nekehanga o ō rātou tinana. Ka hāpai ngā kaimahi i ngā mokopuna mā te whakamahi i ngā kīanga o te reo Māori e whakapuaki ana i te aroha, te manaaki, me te tiaki. Ka rongo hoki ngā mokopuna i te reo o te kāinga mā ā rātou taunekeneke i ia te wā ki te taha o tō rātou kuia. He ākonga pīpī ngā mokopuna o te reo Māori.
He tukanga ā te whānau mō te whakahaeretanga i te nuinga o ngā āhuatanga mahi ki te kōhanga reo. E whakaraupapa ana te tūtohinga i ngā whāinga mō te whakawhanaketanga me te ahunga o te kōhanga reo, ā, e whakatakoto ana hoki i ngā aratohu mō te whakahaere i ngā whakaritenga ki te kōhanga reo. Kua whakaritea ngā kaupapa here me ngā tukanga e pā ana ki te hauora me te haumaru me te whakahaeretanga o ngā kaimahi. Tū ai ngā hui ā-whānau i ia te wā, ā, he pai te taetae atu. Ka whakatutukihia ngā arohaehae kaimahi, ā, ka tāutuhia ngā aronga e tika ana mō te whakawhanaketanga ngaio. E hāpai ana ngā mahi whakahaere a te whānau i te ako a ngā mokopuna.
Ka mahi ngātahi ngā kaimahi ki te whakamahere i ngā hōtaka, ki te aroturuki i te ahu whakamua a ngā mokopuna, ā, ki te aromātai hoki i te kounga o te hōtaka akoranga. Ka whakatau rātou i te tangongitanga o ngā taumahi e tika ana mō ngā akoranga e whāngai atu ai rātou ki ngā mokopuna. Ka whakatakoto ngā pukapuka pūkete i ngā akoranga a ngā mokopuna me te āhua o te ahu whakamua. Ka whakamahi ngā kaimahi i ngā huarahi ōpaki me ngā huarahi ōkawa ki te aromātai i te hōtaka akoranga, tae atu ki ngā tuhinga kōrerorero me ngā whakawhitinga kōrero hoki e pupū ake ai i ngā hui kaimahi. He pai te whakamahere i te ako a ngā mokopuna.
Me whakawhānui ake te whānau i ā rātou mahi whakahaere, hei āta whakatau i te hāpai tōtika o ngā āhuatanga katoa e whai wāhi atu ana ki ngā whakahaeretanga i te kōhanga reo. Ka whai wāhi atu ki tēnei, ko ngā āhuatanga e whai ake nei;
Kāhore he tukanga e āta whakarite ai i te whakatutukitanga o ngā mahi matua i roto i te wā e tika ana. Me whakaoti te mahere ā-tau, kia whakatakotohia te tino huarahi mō te whakahaeretanga o ngā mahi whakahaere matua.
Kua tāutuhia e te whānau ā rātou whāinga me ō rātou wawata ki tā rātou mahere rautaki, heoi, he mea nui hoki kia whakawhanakehia e te whānau tētahi mahere mahi hei whakatakoto, hei aroturuki hoki i te ahu whakamua ki tēnā e wawatahia ana e rātou. Ka whai hua ngā mokopuna i te wā e aroturukitia ana, e whakaaro nuitia ana hoki ō rātou matea mō meāke nei.
Ahakoa he kaupapa matua tonu ki te whānau ngā kaupapa here me ngā tukanga e pā ana ki te hauora me te haumaru, kāhore anō kia whakatutukihia ngā akoako ina he rū whenua. Me whakarite te whānau i te whakatutukitanga me te whakatakotoranga ā-tuhi hoki i ngā tikanga katoa e pā ana ki ngā akoako hōneatanga e pā ana ki te rū whenua.
Kāhore te arowhai i te haumaru o ngā kaimahi e hāngai ana ki tēnei wā tonu. Me arowhai te whānau i te haumaru o ngā kaimahi, i runga anō i ngā tikanga o te Children’s Act 2014. Kei te whakamōrearea tēnei i te noho haumaru o ngā mokopuna.
Ahakoa kua whakatutukihia e te whānau te arowhai i ngā āhuatanga mōrearea ki te kōhanga reo, kāhore anō aua mahi kia tuhia. Me āta whakarite te whānau, kia arowhaingia, kia tuhia hoki i ia rā, te haumaru o ngā taputapu, o ngā whare me ngā papa, o ngā rauhanga hoki, ā, me whakatutuki anō hoki i ngā mahi e tika ana. Kei te pā tōraro tēnei ki te hauora me te haumaru o ngā mokopuna.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i a rātou ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
09 Pipiri, 2021
| Te Kōhanga Reo | Te Kōhanga Reo o Papatahi | |
|
Te tūwāhi |
Kei Moerewa |
|
|
Te tau a te Tāhuhu o te Mātauranga |
11532 |
|
|
Te tau tohu o Te Kōhanga Reo |
01C051 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
30, kia 10 ki raro i te rua o ngā tau |
|
|
Te tokomaha kei runga i te rārangi ingoa |
29, tokoiwa kei raro i te rua o ngā tau |
|
|
Te ira tangata |
Kōtiro 18 Tama 11 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Paenga-whāwhā 2021 |
|
|
Te wā o tēnei pūrongo |
9 Pipiri 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Whiringa-ā-nuku 2017 Pipiri 2014 Haratua 2011 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Papatahi is located in Moerewa. The kōhanga reo has a close association with the local marae and Kura Kaupapa Māori. Mokopuna are exposed to the dialect of Ngati Hine through the involvement of their kaumatua.
Mokopuna are in the early stages of speaking te reo Māori through their learning experiences.
Kaimahi use a range of strategies to support and build mokopuna knowledge and use of te reo Māori. These include waiata, karakia, games and repetition. Mokopuna learn about language patterns that are specific to formal occasions, such as pōwhiri and whakatau. Kaimahi use prompts to support mokopuna to recite their pepehā, mihimihi and mōteatea with each other. Pēpi communicate understanding of te reo through facial expressions and body language. Kaimahi support mokopuna by using te reo Māori phrases that express aroha, manaaki and tiaki. Mokopuna are exposed to te reo o te kāinga through their frequent interactions with their kuia. Mokopuna are early learners of te reo māori.
Whānau have processes in place for managing most aspects of the kōhanga reo operations. The Tūtohinga outlines goals for kōhanga development and direction and provides guidelines for managing the kōhanga reo operations. Policies and procedures for health and safety and personnel management are in place. Whānau hui are regular and well attended. Kaimahi appraisals are carried out and identify ongoing focuses for professional development. Mokopuna learning is supported by whānau management practices.
Kaimahi work together to plan programmes, monitor mokopuna progress and evaluate the quality of the learning programme. They decide on a range of activities appropriate for identified mokopuna learning. Profile books record mokopuna learning and progress in action. Kaimahi use informal and formal methods to evaluate the learning programme including written comments and discussions at kaimahi hui. Mokopuna learning is well planned for.
Whānau need to extend their management practices to ensure all aspects of the kōhanga reo operations are well supported. These include the following:
There is no process in place to ensure key tasks are completed in a timely manner. The annual plan requires completion to provide clear guidance for the management of key operational tasks.
Whānau have identified their goals and aspirations in their strategic plan, it’s important that the whānau develop an action plan to record and monitor progress in relation to their aspirations. Mokopuna benefit when their future needs are monitored and considered.
Although health and safety policies and procedures are a priority for whānau, earthquake drills have not been practised. Whānau must ensure all requirements for earthquake evacuation drills are carried out and recorded.
Safety checking for kaimahi is not current. Whānau must complete safety checks of kaimahi in accordance with the Children’s Act 2014. Mokopuna safety is at risk. While whānau have carried out hazard checks, these have not been documented. Whānau must ensure equipment, premises and facilities are checked and documented daily and appropriate action is taken. Mokopuna health and safety are compromised.
During the evaluation, ERO looked at systems for managing the following areas:
To meet compliance requirements, the whānau must:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
9 June 2021
| Te Kōhanga Reo | Te Kōhanga Reo o Papatahi | |
|
Location |
Moerewa |
|
|
Ministry of Education profile number |
11532 |
|
|
Kōhanga Reo Identification Number |
01C051 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
30 children, including up to 10 aged under 2 |
|
|
Kōhanga Reo roll |
29 children, including up to 9 aged under 2 |
|
|
Gender composition |
Girls 18 Boys 11 |
|
|
Ethnic composition |
Māori |
100% |
|
Review team on site |
April 2021 |
|
|
Date of this report |
9 June 2021 |
|
|
Most recent ERO report(s) |
Education Review Education Review Education Review |
October 2017 June 2014 May 2011 |
E tū ana Te Kōhanga Reo o Papatahi ki Moerewa. He tino hononga tō te kōhanga reo ki te marae me te kura kaupapa Māori o tēnei hapori. Ka whakawhiti atu ngā tamariki ki te kura kaupapa Māori i tā rātou wehenga atu i te kōhanga reo. Nō Ngāti Hine ngā kuia tokorua e ārahi ana i te kōhanga reo, ā, kua riro hoki i a rāua te Tohu Whakapakari. Ko tō rāua mātau ki te reo Māori tētahi tino hua mō ngā tamariki me ō rātou whānau. Ko te wehe atu a ngā whānau i tēnei takiwā tētahi āhuatanga e pā tōraro ana ki te kōhanga reo. Ahakoa tēnei tū āhuatanga, e noho pūmau tonu ana te whānau ki te hāpai i ā rātou tamariki.
Ka kitea e ngā tamariki tō rātou mauritau i roto i ā rātou akoranga, ā rātou taunekeneke, me ō rātou hononga anō hoki ki ētahi atu.
E noho ngākau nui ana ngā tamariki ki tētahi taiao e āta hāpai ana i tā rātou ako i te reo Māori. E whakamahi ana ngā kaimahi i te whānuitanga o ngā tūmomo rautaki e poipoi ana i te reo Māori o ngā tamariki. Ko ētahi o aua huarahi ako, ko ngā karakia, ngā waiata, ngā pepeha, te patapatai, te akiaki, me te whakatauira. E whakatauira ana ngā kuia i te reo o Ngāti Hine, ā, ko tō te whānau wawata, kia ākona, kia kōrerohia hoki e ā rātou tamariki te reo o tō rātou iwi. E whanake ana te māramatanga me te ngākau titikaha o ngā tamariki ki te kōrero i te reo Māori.
E whai wāhi atu ana ngā tamariki ki ngā akoranga e poipoi ana i tō rātou aronga toi whenuatanga. Ka whakarato ngā kaimahi i ngā whai wāhitanga mō ngā tamariki ki te ako i ō rātou whakapapa, ō rātou pepeha, i ngā whakataukī, ā, i ngā kīwaha hoki. Ka akiaki rātou i ngā tamariki pakeke ake ki te tū hei tuākana mō ngā tamariki nohinohi. Ko te whanaungatanga te tūāpapa o ngā taunekeneke a ngā tamariki ki ētahi atu. E whakatinana ana ngā kaimahi i te awhi, te tautoko, te aroha, me te harikoakoa. He mātātoa te toro atu a ngā tamariki ki ngā kaimahi, kia tautāwhi ai, kia tautoko ai hoki ngā kaimahi i a rātou i ngā wā e hiahiatia ana. Ka āta whakarite ngā kaimahi i te mahi ngātahi a ngā tamariki, me tā rātou tohatoha anō hoki i ngā rauemi. He tino kaha ngā tamariki ki te mahi ngātahi ki te taha o ētahi atu.
E hou atu ana ngā tamariki ki te whānuitanga o ngā tūmomo whai wāhitanga ako. E āta whakarite ana ngā kaimahi i te āheinga o ngā tamariki ki te toro atu ki te taiao māoriori, tae atu hoki ki ōna rawa. Mā te māra kai, e ako ana ngā tamariki ki te whakatō me te hauhake i ngā kai. Ka tūhonohono ngā kaimahi i ngā atua Māori ki ngā tini āhuatanga o te taiao. Ka whakamana ngā tamariki i a Papatūānuku, rātou ko Ranginui, ko Tama-nui-te-rā, hei wāhanga matua tonu o tā rātou hōtaka akoranga. Ka kitea te hihiri o ngā tamariki i a rātou e tākaro ana ki waho. Ka āta whai wāhi nui rātou ki te wāhi wāteatea o waho, hei korikori i ō rātou tinana. He tākare, he hihiri hoki ngā kaimahi, ā, ka tākaro ngā kaimahi ki te taha o ngā tamariki i a rātou tūhura haere ana. He ākonga pākiki, he ākonga mātātoa hoki ngā tamariki.
He pai ngā tukanga i whakaritea ai e ngā kaimahi, mō te whakamahere i te hōtaka me te aromatawai. Ko ngā mahere wā roa te tūāpapa o ngā mahere ā-wāhanga me ngā mahere ā-wiki. Ka whakamahere ngātahi ngā kaimahi kia riterite ai te takotoranga o ngā mōhiohio. He whai wāhitanga anō hoki mō te whānau ki te whakaputa i ō rātou ake whakaaro ki ngā mahere a ngā kaimahi. Kei ngā mahere ngā tino aratohu mō te whakatinanatanga o te hōtaka. Ko ngā pūkete te tino huarahi e whāia ana hei aromatawai i ngā tamariki. Kei roto i ngā pūkete, ko ngā whakaahua o ngā tamariki e mahi ana, me ngā whakamāramatanga o tēnā e ākona ana e rātou. He pai te whakamōhio i te whānau mō te ako a ngā tamariki me tā rātou ahu whakamua.
E whakahaere ana te whānau i te kōhanga reo hei painga mō ngā tamariki. Kei te tūtohinga te aronga mārama ki te whakahaere i ngā whakaritenga i te kōhanga reo. Ko te reo Māori me ōna tikanga ngā pou o ngā akoranga a ngā tamariki. Kua whakahāngai katoatia ngā kaupapa here, ngā tukanga, ngā whakaritenga, me ngā rehita e pā ana ki te hauora me te haumaru. E āta whakaarohia ana te waiora o ngā tamariki katoa.
He rawaka te aromātai o roto o ngā whakaritenga me ngā whakahaeretanga o te whānau. Pūrongohia ai i ia te wā ngā āhuatanga katoa o ngā whakahaeretanga i te kōhanga reo, ki ngā hui ā-whānau. Ka arotahi aua pūrongo ki ngā whakapaitanga. Ka whakarerekē haere i runga anō i te āhua o ngā matea me ngā whai wāhitanga ka pupū ake. He mārama ki te whānau ā rātou whāinga mō tēnei wā, mō meāke nei hoki, ā, kua oti i a rātou ā rātou mahere pae tawhiti e whai pānga ana ki Te Ara Tūāpae. Kia oti i a rātou tā rātou mahere ā-tau, ka āta aroturuki, ka āta whakatutuki haere hoki rātou i ngā putanga. E tino mōhio ana te whānau e tika ana kia āta whakaritea te noho pūmau tonutanga o te kōhanga reo.
He whāiti te aromātai hōtaka. E noho mārama ana ngā kaimahi ki te pūtake o te aromātai, engari kāhore ngā whakawhitinga kōrero mō te hōtaka akoranga e āta whakamahia ana hei whakatinana hoki i ngā mahere, hei whakapai ake hoki i ngā wheako akoranga o ngā tamariki. Me kaha ake te tautoko ngaio mō ngā kaimahi, hei whakapakari i tō rātou māramatanga me tā rātou whakamahinga i te aromātai hōtaka.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Papatahi i roto i te toru o ngā tau.
Lynda Pura-Watson
Kaiurungi Whakaturuki Arotake Māori
13 Whiringa ā-nuku, 2017
|
Te tūwāhi |
Kei Moerewa |
|
|
Te tau a te Tāhuhu o te Mātauranga |
11532 |
|
|
Te tau tohu o Te Kōhanga Reo |
01C051 |
|
|
Te tūmomo raihana |
He Kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
30, kia 10 ki raro i te rua o ngā tau |
|
|
Te tokomaha kei te rārangi ingoa |
23, tokowhitu kei raro i te rua o ngā tau |
|
|
Te ira tangata |
Kōtiro 8 Tama 15 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Here-turi-kōkā 2017 |
|
|
Te wā o tēnei pūrongo |
13 Whiringa ā-nuku, 2017 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Pipiri 2014 Haratua 2011 Poutū-te-rangi 2004 |
Te Kōhanga Reo o Papatahi is located in Moerewa. The kōhanga reo has a close association with the local marae and kura kaupapa Māori. Children attend the kura when they leave kōhanga reo. Two kuia from Ngāti Hine with Tohu Whakapakari lead the kōhanga reo. Their fluency in te reo Māori is a major advantage for children and their whānau. The transition of whanau away from the area has had an impact on the kōhanga reo. Despite this, the remaining whānau members are committed to supporting their children.
Children show they are secure in their learning, interactions and relationships with others.
Children enjoy an environment where learning te reo Māori is well supported. Kaimahi use a range of strategies to support children with te reo Māori. These include karakia, waiata, pepeha, questioning, prompting and modelling. The kuia models the dialect of Ngāti Hine which is an aspiration of the whānau for their children to learn and speak the language of their iwi. Children are developing understanding and confidence to speak te reo Māori.
Children experience learning that nurtures their sense of belonging. Kaimahi provide opportunities for children to learn their whakapapa, pepehā, whakataukī and kīwaha. They encourage the older children to act as tuākana to the younger children. Whanaungatanga is the basis for how children interact with others. Kaimahi model awhi, tautoko, aroha and happiness. Children actively seek out kaimahi when they need comfort or support. Kaimahi ensure children work together and share resources. Children are very cooperative when working with others.
Children participate in a range of learning opportunities. Kaimahi ensure children have access to both the natural environment as well as physical resources. The māra kai provides children with knowledge of how to plant and care for food sources. Kaimahi link the domains of atua Māori to the natural elements. Children acknowledge Papatūānuku, Ranginui and Tama-nui-te-rā as a natural part of their learning programme. Children show excitement when they are able to play outside. They take advantage of the open space to be physically active. Kaimahi are enthusiastic and energetic, and play alongside children as they explore. Children are curious and active learners.
Kaimahi have good processes in place for programme planning and assessment. Long term planning provides the basis for term and week plans. Kaimahi plan together to ensure consistency of information. Whānau also have opportunities to contribute to kaimahi planning. Planning provides clear guidelines for programme implementation. Profile books are the main method of assessment for children. These contain photos of children at work with descriptions of what they are learning. Whānau are well informed of children’s learning and progress.
The whānau manages the kōhanga reo in the best interests of the children. The charter provides clear direction to manage the operations of the kōhanga reo. Te reo Māori me ōna tikanga sets the parameters for children’s learning. Health and safety policies, procedures, practices and registers are aligned. The well-being of all children is considered.
Internal evaluation of whānau management and operations is adequate. There is regular reporting to whānau hui on all aspects of kōhanga reo operations. This reporting focuses on improvements. Changes are made according to needs and opportunities that arise. Whānau are clear about their current and future goals, and have completed their longer term planning relating to Te Ara Tūāpae. Once they complete their annual plan, the outcomes will be carefully monitored and progressed. Whānau are highly aware of the need to ensure the management of the kōhanga reo is sustainable.
Programme evaluation is limited. Kaimahi understand the purpose of evaluation, however discussions about the learning programme are not used to inform planning and improve learning experiences for children. Further professional support is required for kaimahi to strengthen their understanding and use of programme evaluation.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Papatahi will be in three years.
Lynda Pura-Watson
Deputy Chief Review Officer Māori
13 October 2017
|
Location |
Moerewa |
||
|
Ministry of Education profile number |
11532 |
||
|
Kōhanga Reo Identification Number |
01C051 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
30 children, including up to 10 aged under 2 |
||
|
Kōhanga Reo roll |
23 children, including up to 7 aged under 2 |
||
|
Gender composition |
Girls 8 Boys 15 |
||
|
Ethnic composition |
Māori |
100% |
|
|
Review team on site |
August 2017 |
||
|
Date of this report |
13 October 2017 |
||
|
Most recent ERO report(s) |
Education Review Education Review Education Review |
June 2014 May 2011 Mar 2004 |
|