He Mātaitanga o te Reo Matatini me te Pāngarau: Te Kura Kaupapa Māori o Ngā Mokopuna, i Te Whanganui-a-Tara
Te Horopaki o te Rangahau
E tū ana Te Kura Kaupapa Māori o Ngā Mokopuna ki Te Whanganui-a-Tara. He kura rumaki reo Māori tēnei e whakarato ana i te mātauranga o Te Aho Matua ki ngā ākonga o ngā tau 1 ki te 13, me ō rātou whānau. E 90 ngā ākonga ki te rārangi ingoa o te kura, he Māori te katoa. 12 ngā kaimahi whakaako.
Pērā i ngā kura rumaki reo Māori katoa, ko te reo Māori matua o ngā whakaakoranga. Ko te whāinga matua o Te Aho Matua, kia tū pakari, kia tū rangatira ngā ākonga katoa hei raukura mō ō rātou iwi. Ko ngā tikanga whakaaro o Te Aho Matua mō te whakaako me te ako, ka ahu mai i te rongomaiwhiti, i te motuhake hoki o ngā uara me ngā whakapono e whai ake nei:
Ka hāngai Te Tino Uaratanga o Te Aho Matua ki:
- Te Ira Tangata – kia whakawhanake te ākonga i tōna oranga ā-tinana, ā-wairua, ā-hinengaro hoki, i tōna mōhio ki tōna mana āhua ake, ā, i te mātau, i te whakaute hoki ki a ia anō, ki ētahi atu
- Te Reo Māori - kia mātau te ākonga ki te whakaaro, ki te kōrero, ki te pānui, me te tuhi i roto i te reo Māori me te reo Tauiwi
- Ngā Iwi - kia mau tūhonohono te here o te ihomatua o te ākonga ki ōna mātua tūpuna, ā, ki ngā tūmanako me ngā wawata hoki o te whānau, o te hapū, me te iwi
- Te Ao - kia mōhio te ākonga ki ngā tirohanga moroki me ngā tirohanga tuku iho o te ao Māori, o te ao whānui, o te ao tūroa, o tōna nā ao tonu
- Āhuatanga Ako - E whakaihiihia ana te hinengaro o te ākonga ki tētahi taiao e āta poipoi ana i te ako.
Nō te Hōngongoi o te tau 2021 te rōpū rangahau i toro atu ai ki Te Kura Kaupapa Māori o Ngā Mokopuna, ā, i kōrero tahi rātou ki ngā kaiārahi matua o te reo matatini me te pāngarau ki te kura, hei āta kapo atu i ā rātou tirohanga.
Ngā Kitenga: Te Reo Matatini
Te angitu mō ngā ākonga o Te Reo Matatini
E ai ki ngā kaiako me ngā kaiārahi, ko te angitu ki a rātou i roto i te reo matatini, koia rā ko te wā e tino ngākau titikaha ana ngā ākonga, ā, he matawhānui ō rātou mōhiotanga ki te kupu, he pakari hoki ō rātou reo matatini ā-waha. He mārama ngā wawata o te kura nei kia rongo ngā ākonga i te angitu ki tētahi taiao e aro nui ana ki te ngahau, ki te whakahihiri, ā, ki te āheinga ki te āta whakatupu i te tuakiri pakari. I āta kōrerohia e ngā kaiako te mātuatuatanga o ngā wheako ako tūturu e whai pānga nui ana. E whakapono ana te kura nei, ko te pakari o te reo matatini ā-waha te tūāpapa mō te eke angitu i roto i te reo matatini. I kōrerohia e rātou te whai huatanga o te poipoi i te ākonga, mai i te Tau 1, nō te mea hei te wā ka whai atu rātou i ngā taumata o Te Taumata Mātauranga ā-Motu kua Taea, kei a rātou kē ngā pūkenga, ngā mōhiotanga me ngā māramatanga ki te eke angitu. He pūkenga hoki tēnei ki ētahi atu kura pēnei.
Ko ētahi o ngā tūāhuatanga e whai wāhi atu ana ki te eke angitu o te ākonga i roto i te reo matatini ki tēnei kura, ko:
- te aronga a ngā kaiako ki te whakamahi i ngā mātāpono o Te Aho Matua hei tūāpapa mō ngā hōtaka katoa
- te tuitui a ngā kaiako i te ao Māori, i te mātauranga Māori, me te ariā o te kaitiakitanga
- te whakamahi a ngā kaiako i te tangongitanga o ngā rautaki whakaako e āta whakatau ai i te ngahau, i te hihiri hoki o ngā akoranga, ā, i te whai pānga nui hoki o ērā ki ngā ngākau nuitanga me te tuakiri o ngā ākonga
- te mārama o ngā kaiako ki ngā taumata matua me ngā pūkenga reo matatini
- te akiaki i ngā ākonga ki te whakamahi i te reo matatini ki ngā horopaki tūturu.
E ai ki ngā kaiako, ka whai wāhi atu ngā ākonga katoa ki te Manu Kōrero hei whakapakari i te tūmāia, puta noa i te kura. He pakari ngā ākonga ki te tū me te kōrero ki mua i ō rātou hoa me te whānau. Ki tā te tumuaki me ngā kaiako, kei te eke ā rātou ākonga ki tua atu i ngā tūmanako nā te kaha o te whakakotahitanga me te tautoko ki te taiao i waihangatia ai e rātou mō ngā ākonga me te whānau. E ai ki a rātou, i eke ngā ākonga katoa o ngā Tau 11 ki te 13 ki te Kaiaka – ki tua atu rānei – i roto i te reo matatini o Te Taumata Mātauranga ā-Motu kua Taea.
He aha te whakaratonga o Te Reo Matatini i tēnei wā?
Ka arotahi nui te kura ki te whakawhanake i te reo matatini ā-waha tino pakari puta noa i ngā taumata katoa o te kura, i runga anō i te tūmanako, ka puta ko te whakawhanaketanga māoriori tonu o te reo matatini ā-tuhituhi. Nā te aronga kaha ki te whakawhanake i te reo matatini ā-waha, ka whakawhanake, ka whakatinana hoki ngā kaiako i ētahi atu tūāhuatanga, pērā i te tuhituhi me te pānui.
E ahu whakamua ana te kura ki te whai i te aronga pāhekoheko, hei āta whakarite i te whai wāhi atu a ngā ākonga ki ngā wheako ako tūturu e whai pānga ana, e whai pūtake ana, kia mau ngā hononga māoriori ki ngā taumata o Te Taumata Mātauranga ā-Motu kua Taea, kia ngātahi ake ai te noho o ngā akoranga ki ngā ākonga. Ahakoa kua tīmata te kura ki te whakamātau i taua aronga, kei te mōhio hoki rātou, e tika ana kia whai tonu i te whakawhanaketanga ako ngaio hei hāpai i ngā kaiako me ngā ākonga.
He aha ngā āhuatanga e tika ana mō te whakapuakitanga o te kounga kairangi o ngā whakaakoranga me ngā akoranga o Te Reo Matatini?
E whakaae ana ngā kaiako me ngā kaiārahi katoa, me whai i ngā rauemi me te whakawhanaketanga ako ngaio e tika ana, e whai pānga ana hoki ki te whakapuaki i ngā hōtaka whakaako me ngā hōtaka akoranga o te kounga kairangi. Ki tā te tumuaki kōrero, ko tētahi aronga matua ko te āta whakarite i te whakaratonga o ngā kaiako i ngā hōtaka whakaako me ngā hōtaka akoranga o te kounga kairangi, hei whakawhanake i ngā tikanga ako e whai hua ana ki ngā kaiako. Ka noho mātua rā tēnei ki te eke angitu o ngā ākonga. E ai ki te kura, ka hiahia nui ngā kaiako ki ngā whai wāhitanga ki te whakapakari tonu i ō rātou āheinga ki te whakapuaki i ngā hōtaka e poipoi ana i ngā matea o ngā ākonga, ā, e kōkiri ana hoki i ngā akoranga. Ki tā rātou, i tēnei wā kāhore he whakawhanaketanga ako ngaio ki tēnei rohe e hāngai pū ana ki ngā kura o Te Aho Matua, ā, he kaha rawa tā rātou whakawhirinaki atu ki te tautoko o roto, ki te tautoko rānei ki waenga i ngā kura.
Kei te mārama ngā kaiārahi katoa o tēnei kura i te whai huatanga o te tuitui i te ao Māori me te mātauranga Māori ki ā rātou hōtaka. Ki tā rātou titiro, ka noho mātua rā taua tūāhuatanga ki te hāpai i tā rātou āta whakarite i te whakapuakitanga o ngā whakaakoranga me ngā akoranga o te kounga kairangi i roto i te reo matatini. E whakanui ana te kura i te whakawhanaketanga ako ngaio e whakaratohia ana e Te Runanga Nui o Ngā Kura Kaupapa Māori o Aotearoa, nā te whai pānga nui, nā te kaha hāngai hoki ki tō rātou kura. Ka kite rātou i te whai huatanga o te whakarato i te whakawhanaketanga ako ngaio e hāpai ana i ngā kaiako ki te ahu whakamua ki tētahi marau ā-kura tūturu i āta tuituia ai, ā, e whakakoia ana i ngā ākonga hei uri Māori.
Ngā Kitenga: Pāngarau
He pēhea rawa te āhua o te angitu mō ngā ākonga i roto i te pāngarau?
He mea nui ki te kura, kia pārekareka te pāngarau ki ngā ākonga, ā, kia whakawhanakehia hoki tō rātou ngākau nuitanga ki te pāngarau. He mea nui kia whai wāhi atu rātou ki ngā akoranga o te pāngarau, ā, kia kitea hoki tā rātou pākiki hei ākonga. Ka arotahi ngā kaiako ki te whakawhanaketanga o ngā ākonga i ngā pūkenga ki te āta whakapuaki mārama nei i ngā ariā o te pāngarau, ā, ki te āta whakaatu hoki i te hōhonutanga o te māramatanga.
“Whakaū i roto i a rātou ‘e taea ana!’ Kaua e whakamā, e pōhēhē kāore e taea.” – te reo o te Kaiārahi
“Kia arohaina rātou ki te pāngarau.”– te reo o te Kaiārahi
“Tohu angitu mō te pāngarau? Ko te kaingākau. Ahakoa e eke ana, kāore rānei e eke ana.” – te reo o te Kaiārahi
Ko ngā tūāhuatanga e whai wāhi ai ki taua angitu, ka hāngai hoki ki te waihanga i tētahi taiao ako papai e whakakoia ana i te ākonga, ā, e āta tūhonohono ana ki te ao tūturu. He teitei ngā tūmanako o ngā kaiako mō te ako, ā, ka hāpai i aua tūmanako mā te whakarato i te tautoko kanorau, hei āta whakatau i te eke angitu o ngā ākonga katoa. Kei te mārama ngā kaiako i te hua o te whakarato i ngā whai wāhitanga ako tūturu, e whai pānga nui ana, e tika ana hoki.
E ai ki ngā kaiārahi, ka whakatutukihia e ngā ākonga katoa o tēnei kura te Taumata 1 me te Taumata 2 o Te Taumata Mātauranga ā-Motu kua Taea, mā te eke ki te Kaiaka – ki tua atu rānei, ā, he tohu o te pāpātanga angitu o ngā ākonga.
“Ahakoa te iti o ngā nama, kāore tētahi i paetae noa iho. He tohu tērā, e mārama ana ngā tauira ki te taumata. E mārama ana ngā kaiako ki te taumata whakatakoto.” – te reo o te Kaiārahi
He mārakerake te wawata o te whānau kia mārama, kia kite hoki ngā ākonga i te pūtaketanga o te pāngarau hei pūkenga matua o tō rātou nā ao, arā, “he kaupapa parāoa me te pata” – he pūkenga matua o tō rātou ao.
He aha te whakaratonga o te pāngarau i tēnei wā?
Ko te whakaratonga o te pāngarau ki tēnei kura i te wā nei, e arotahi ana ki te whakapuaki i ngā hōtaka akoranga tūturu, e whai hua ana, e whakakoia ana, e whai pūtake ana, ā, kua whakahāngaitia hoki ki ngā mātāpono o Te Aho Matua. Ka āta whakarite ngā kaiako o tēnei kura kia whakawhanakehia ngā hōtaka hei āta whakatakoto i ngā tino tūhonotanga pū ki waenga i ngā ariā o te pāngarau me te ao o te ākonga. Ka oke rātou ki te whakawhanake i tētahi marautanga pāhekoheko. He mārama te aronga ki te whakawhanake i te tūāpapa pakari o ngā mōhiotanga me ngā pūkenga i ngā tamariki i roto i te kura teina, kia tau ai te angitu i roto i Te Taumata Mātauranga ā-Motu kua Taea hei ō rātou tau tuākana. Ka aro nui ngā kaiako ki te whakawhanaketanga o ngā ākonga i te tino mōhiotanga me te tino māramatanga ki ngā kupu me ngā ariā o te pāngarau, hei hāpai i tā rātou ako i te pāngarau. Ka whai whakaaro nui te kura ki ngā āheinga o ngā kaiako, ā, ka whakapau kaha ki te whakarato ki a rātou, ko ngā whai wāhitanga e whakawhanake tonu ai i ō rātou mōhiotanga, ā rātou whakaritenga hoki e pā ana ki ngā tikanga ako. He aronga tēnei e kōkirihia ana, e hāpaitia ā-pūtea ana hoki e te kura.
Kua whakawhanakehia e te kura ngā huarahi auaha hei hāpai i te ahu whakamua o ngā ākonga i roto i te pāngarau. Ko ētahi o aua huarahi, ko te whakawhanaketanga o ngā aromatawai i ahu mai ai i ngā horopaki ako tūturu me ngā kaupapa a te kura whānui.
“Ko tētahi whāinga matua - kōtui i ngā marau. Mai i te kaupapa matua ka taka mai ngā aromatawai.” – te reo o te Kaiako
Kua whakawhanakehia e te kura tētahi mahere ā-kura e pā ana ki te ahu whakamua me te whakawhanaketanga, hei huarahi ka whāia e ngā kaiako, mai i te Tau 1 ki te Tau 13, kia kaha ake ai ngā tūhonotanga i roto i aua wāhanga whakawhiti nui. Ko te aronga a te kura katoa e āta whakarite ana i te angitu o ngā ākonga, ā, kua āta tohua taua āhuatanga ki ā rātou hōtuku o Te Taumata Mātauranga ā-Motu kua Taea mō te pāngarau.
He aha ngā āhuatanga e tika ana mō te whakapuakitanga o te kounga kairangi o ngā whakaakoranga me ngā akoranga o te pāngarau?
Pērā anō hoki i te reo matatini, ki tā ngā kaiako titiro, e tika ana te whiwhi wawe i ngā rauemi me te whakawhanaketanga ako ngaio e whai pānga ana, e wāhi pūtake ana hoki, hei whakapuaki i ngā hōtaka whakaako me ngā hōtaka akoranga o te kounga kairangi. E ai ki te kura, ki te kore te kura e whakawhanake, e whakarato rānei i ā rātou ake rauemi me ō rātou ake whakawhanaketanga ako ngaio, he auraki rawa ngā tūmomo whakaratonga i tēnei wā. He take nui tēnei e whakapau ana i te wā e whai hua ake ai hei wā whakaako, hei wā ako.
Kua āta aro atu te kura nei ki te whakatairanga i ngā tikanga ako a ngā kaiako, arā, kua whakaratohia ngā whai wāhitanga maha mō ngā kaiako, tae atu ki te Kura Ara Whakawhiti Mātauranga[1], ngā wānanga a Te Runanga Nui o Ngā Kura Kaupapa Māori o Aotearoa, me Tātai Aho Rau. E ai ki ngā kaiārahi, ahakoa ka taea te whakapā atu ki te whakawhanaketanga ako ngaio, he nui rawa ngā kōrero kāhore e whai pānga ana ki tō rātou horopaki, arā, ki te ao Māori, ki te reo Māori, me te mātauranga Māori. Ki tā ngā kaiako, ahakoa he hua āwhina pea o roto i ngā whakawhanaketanga ako ngaio auraki, kāhore rātou e kite ana i aua hua mō ā rātou ākonga, nō te mea, kāhore e hāngai ana ki tō rātou horopaki.
“I te tīmatanga i kī mai ngā kaiako he pai, engari kāore i kitea he hua e putaputa mai ana”. -te reo o te Kaiako
I te kura e ahu whakamua ana ki tētahi marau tūturu e whai pānga ana, i āta tuituia ai hoki, hei tā rātou, ka whai hua te whakapā atu ki te whakawhanaketanga ako ngaio e hāpai ai i a rātou, mā roto mai i te angamahi o te ao Māori me te mātauranga Māori. Kei te hiahia ngā kaiako nei ki taua tūmomo whakawhanaketanga ako ngaio e hāpai atu ai i a rātou ki te whakatairanga tonu i ngā whai wāhitanga ako mō ā rātou tamariki me ō rātou whānau.
Tanya Savage
Te Pou Mataaho - Manager Evaluation and Research – Māori
Te Reo Matatini me Pāngarau Case Study: Te Kura Kaupapa Māori o Ngā Mokopuna, Wellington
Te Horopaki o te Rangahau | Research context
Te Kura Kaupapa Māori o Ngā Mokopuna is in Wellington. As a Māori-medium kura they provide Te Aho Matua education for students from Years 1-13, and their whānau. The kura has a roll of 90 students, all of which identify as Māori. There are 12 teaching staff.
Like all Māori-medium kura,te reo Māori is the principle language of instruction. The overarching goal of Te Aho Matua is that students are high achievers who exemplify the hopes and aspirations of their people. Te Aho Matua philosophy for teaching and learning is based on the following unique and distinctive values and beliefs.
Te Tino Ūaratanga o Te Aho Matua are:
- Te Ira Tangata – The student develops physical, spiritual, and emotional wellbeing, an awareness of his or her individual uniqueness and knowledge and respect for him or herself and others
- Te Reo Māori - The student is a competent thinker, speaker, reader and writer of Te Reo Māori and English
- Ngā Iwi - The student is secure in the knowledge of ancestral links, and the hopes and aspirations of whānau, hāpu and iwi
- Te Ao - The student knows the contemporary and traditional views of te Ao Māori, the wider world and the physical and natural world
- Āhuatanga Ako - The student is intellectually stimulated in an environment conducive to learning.
The research team visited Te Kura Kaupapa Māori o Ngā Mokopuna in July 2021 and spoke with key leaders of te reo matatini and pāngarau in the kura to gain their perspectives.
Ngā Kitenga - Findings: Te Reo Matatini
Success for students in Te Reo Matatini
Kaiako and leaders reported that for them, success in te reo matatini is when students are highly confident, have a comprehensive word knowledge and that their oral literacy is strong. This kura has clear aspirations for students to experience success in an environment that prioritises fun, stimulation and the ability to grow a strong sense of identity. Kaiako emphasised the importance of relevant and authentic learning experiences. This kura believes that strong oral literacy is a prerequisite for success in te reo matatini. They acknowledge the benefit of having students from Year 1 so by time they sit NCEA standards they have the skills, knowledge and understanding to be successful. This is a strength in similar kura.
Factors that contribute to student success in te reo matatini in this kura include:
- kaiako focus on using Te Aho Matua principles for the basis of all programmes
- kaiako integrate te ao Māori, mātauranga Māori and the concept of kaitiakitanga
- kaiako use a range of teaching strategies which ensure learning is fun, engaging and relevant to student interests and identity
- kaiako understand the key progressions and literacy skills
- students are encouraged to use te reo matatini in real life situations.
Kaiako reported that all students participate in Manu Kōrero to build confidence across the kura. Students are confident to stand and speak in front of peers and whānau. The tumuaki and kaiako acknowledge that their students exceed expectations due to the inclusive and highly supportive environment they create for students and whānau. They report that all Years 11-13 students pass with Merit or higher gradings within NCEA te reo matatini.
What is the current provision of Te Reo Matatini?
The kura focuses heavily on building strong oral literacy across all levels of the kura, with the expectation that as a result, written literacy will naturally develop. Because of the strong focus on developing oral literacy, kaiako develop and implement other components such as writing and reading.
The kura is moving towards an integrated approach to ensure students experience relevant, authentic, and meaningful learning experiences where there are natural connections with NCEA standards to ensure more cohesion for student learning. While the kura has started trialling this approach they also acknowledge the need for further professional learning development (PLD) to support kaiako and students.
What is required to deliver high quality teaching and learning in Te Reo Matatini?
All kaiako and leaders agree that having appropriate and relevant resources and PLD are required to deliver high quality teaching and learning programmes. The tumuaki notes that a core focus is to ensure kaiako provide high quality teaching and learning programmes to develop effective teacher pedagogy. This is essential to students achieving success. The kura reports that kaiako would welcome opportunities to further strengthen their capability to deliver programmes that cater to student needs and accelerate learning. They note that currently there is a lack of PLD in this area specific to Te Aho Matua kura and that they rely heavily on internal support or support between kura.
All leaders at this kura understand the value of integrating te ao Māori and mātauranga Māori into their programmes. They see this as an essential step forward to ensure they deliver high quality teaching and learning in te reo matatini. The kura values the PLD provided through Te Rūnanga Nui o Ngā Kura Kaupapa Māori o Aotearoa (TRN) as it is both relevant and appropriate to their kura. They see the benefit of providing PLD which supports kaiako to move towards an integrated, authentic mārau ā-kura which affirms students as Māori.
Ngā Kitenga - Findings: Pāngarau
What does success look like for students in pāngarau?
The kura values students experiencing enjoyment and developing a passion for pāngarau. It is important that they contribute to pāngarau sessions and demonstrate curiosity as learners. Kaiako focus on students developing the skillset to clearly articulate mathematical concepts and demonstrate a depth of understanding.
“Whakaū i roto i a rātou ‘e taea ana!’ Kaua e whakamā, e pōhēhē kāore e taea[2]”. – Leader voice
“Kia arohaina rātou ki te pāngarau[3]”. – Leader voice
“Tohu angitu mō te pāngarau? Ko te kaingākau. Ahakoa e eke ana, kāore rānei e eke ana[4]”. – Leader voice
Factors which contribute to this success include creating a positive and affirming learning environment which makes clear connections to the real world. Kaiako have high expectations for learning and support these by providing differentiated support to ensure all students succeed. Kaiako understand the value of providing authentic, relevant and appropriate learning opportunities.
Leaders report that all students in this kura pass NCEA Levels 1, 2 and 3 with a Merit or higher grade, which demonstrates the success rates of students.
“Ahakoa te iti o ngā nama, kāore tētahi i paetae noa iho. He tohu tērā, e mārama ana ngā tauira ki te taumata. E mārama ana ngā kaiako ki te taumata whakatakoto[5]”. – Leader voice
Whānau have a clear aspiration that students understand and see the relevance of pāngarau as a core life skill where they believe “he kaupapa parāoa me te pata[6]” – it is an essential life skill.
What is the current provision of pāngarau?
The current provision of pāngarau in this kura is focussed on delivering positive, affirming, relevant and authentic learning programmes aligned to the Te Aho Matua principles. Kaiako in this kura ensure that programmes are developed to create clear connections between maths concepts and the student’s world. They strive to develop an integrated curriculum. There is a clear focus on developing a sound knowledge and skill base in early years to ensure success with NCEA in senior years. Kaiako place great importance on students developing a sound knowledge and understanding of mathematical terminology and concepts to support their learning in pāngarau. The kura prioritises kaiako capability and goes to great lengths to provide them with opportunities to further develop their pedagogical knowledge and practice. This is a kura driven initiative fully resourced through the kura.
The kura has developed innovative ways to support student progressions in pāngarau. These include the development of assessments which have been derived from authentic learning context and kura-wide kaupapa.
“Ko tētahi whāinga matua - kōtui i ngā marau. Mai i te kaupapa matua ka taka mai ngā aromatawai[7]”. – Kaiako voice
The kura has developed a kura-wide progression and development plan for kaiako to follow from Year 1-13 with a greater cohesion between critical transition points. The whole of kura approach ensures that students are successful, and this can be seen in their NCEA data for pāngarau.
What is required to deliver high quality teaching and learning in pāngarau?
As with te reo matatini, kaiako refer to the immediate need for appropriate and relevant resources and PLD to deliver high quality teaching and learning programmes. This kura acknowledges that currently the provision of both resources and PLD is very Eurocentric unless kura develop or provide it for themselves. This is a major issue as it detracts from valuable teaching and learning time.
This kura has been deliberate about enhancing teacher pedagogy and as such they have provided numerous learning opportunities for kaiako, these include Kura Ara Whakawhiti Mātauranga[8](KAWM), Wānanga ki Te Rūnanganui o Ngā Kura Kaupapa Māori, and CORE Education. Leaders acknowledge that whilst PLD can be accessed, much is not relevant to their context in terms of te ao Māori, te reo Māori and mātauranga Māori. Kaiako note that while the Eurocentric PLD may be helpful in some respects, they do not see the results for their students as it does not match their context.
“I te tīmatanga i kī mai ngā kaiako he pai, engari kāore i kitea he hua e putaputa mai ana[9]”. -Kaiako voice
With the kura moving towards a more authentic, relevant and integrated curriculum they suggested it would be helpful to access PLD which supported them from a te ao Māori and mātauranga Māori framework. These kaiako would welcome such PLD which would enable them to further transform learning opportunities for their tamariki and whānau.
Tanya Savage
Te Pou Mataaho - Manager Evaluation and Research – Māori Services
[1] E hāngai ana a Kaupapa Ara Whakawhiti Mātauranga (KAWM) i te maha o ngā kōkiritanga whakatairanga a ngā kura, ā, ko te whāinga tonu: ko te whakapai ake i ngā paetae ākonga; ko te whakapai ake i te āhua mahi o ngā kura; ko te whakapakari i ngā hononga o te kura me te hapori; ko te whakahou ake i te taha hangarau matihiko o ngā kura; a, ko te whakatairanga ake i te āheinga ngaio o ngā kaiako mā te hangarau matihiko. Kua tiki atu i Evaluation of Kaupapa Ara Whakawhiti Mātauranga (KAWM) | Education Counts
[2] Emphasize in them ‘it’s possible!’ Don’t be shy or think it’s impossible.
[3] Make them love maths.
[4] Success indicator for math? The passion. Whether they succeed or not.
[5] Despite the small number of credits, no one has just achieved. This is a sign that students understand the level. Teachers understand the standard.
[6] It’s the bread and butter of being successful in life.
[7] A key goal - to integrate subjects. Assessments come from the main topic.
[8] Kaupapa Ara Whakawhiti Mātauranga (KAWM) encompassed a number of school improvement initiatives and aimed to: improve student achievement; improve school performance; strengthen school and community relationships; upgrade school ICT infrastructure; and improve teachers' professional capability through ICT. Retrieved from Evaluation of Kaupapa Ara Whakawhiti Mātauranga (KAWM) | Education Counts
[9] At first the teachers said it was good, but they didn't see any results.