Te Kōhanga Reo o Te Kōtuku

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Te Kōtuku ki ngā papa o te kura tuarua o Rutherford, ki Te Atatū, i Tāmaki-makau-rau. E noho pūmau ana ngā whānau ki te whakatairanga ake i ngā putanga ki ngā mokopuna. Kua roa nei te kaiako e hāpai ana i te kōhanga reo, ā, e whāngai tonu ana ia i te mātauranga ki ngā mokopuna.

3 Te Aronga o te Aromātai

He pēhea rawa te whakaatu mai o ngā mokopuna i tō rātou harikoa hei ākonga?

Kei te whiwhi ngā mokopuna i te whānuitanga o ngā tūmomo whai wāhitanga papai, i a rātou e whai wāhi mātātoa ana ki ngā akoranga.

4 Ngā Whakaaturanga

E ako ana ngā mokopuna ki tētahi taiao e poipoi ana, e tautoko ana hoki i a rātou. Ka toro atu ngā kaimahi ki te tangongitanga o ngā tūmomo huarahi e hāpai ai i ngā mokopuna ki te whakapakari i tō rātou māramatanga me tā rātou whakamahinga i te reo Māori. Ko ētahi o aua rautaki, ko te whakatauira, te whāngai kupu, te patapatai, me te whakamihi. Ko ngā karakia, ngā mihimihi, me te pepeha o te kōhanga reo, he whai wāhitanga katoa mō ngā mokopuna ki te whakaputa i te reo Māori ōkawa. Ka taea e ngā tuākana te tū māia ki te whakapuaki i ngā pānui mā te reo Māori. Ka kapo nui ngā mokopuna i ngā whai wāhitanga ki te whakapuaki i ō rātou ake whakaaro, puta noa i te rā. E whanake ana te ngākau titikaha, te mātau hoki o ngā mokopuna ki te kōrero i te reo Māori.

Ka kitea ki ngā mokopuna tō rātou hihiri, i a rātou e whai wāhi atu ana ki te hōtaka akoranga. Ka waiata, ka pekepeke, ka tākaro kēmu rātou, ā, ka tūhura māhorahora hoki i tō rātou taiao. Ko ngā taumahi i whakamaheretia ai, e hāpai ana i ngā mokopuna ki te whai i ō rātou ake ngākau nuitanga, me te tū takitahi hei ākonga. E tautokona ana ngā mokopuna kia ārahi rātou i ētahi wāhanga o te hōtaka akoranga, ā, ka whakatutukihia mā te ngākau titikaha me te manawa whakahī. Ka whakatauira ngā kaimahi i ngā uara o te aroha, te manaaki, me te tiaki, ā, ka whakamihi i ngā whakamātau a ngā mokopuna. He ngāwari ō rātou reo kōrero, i a rātou e taunekeneke ana ki ngā mokopuna. Ka āta whakatau ngā kaimahi i te māmā me te hūrokuroku hoki o ngā whakawhitinga, puta noa i te hōtaka akoranga. Kei te tūmāia, kei te harikoa, kei te mauritau hoki te āhua o ngā mokopuna hei ākonga.

Ko ngā matea me ngā ngākau nuitanga o ngā mokopuna e pou here ana i te whakamaheretanga o te hōtaka me ngā mahi aromatawai. Ka ārahi ngā mahere ā-tau, ā-wāhanga hoki i te whakapuakitanga o te tangongitanga o ngā kaupapa. Kei ngā mahere ā-wiki ngā tūmanako, ngā whāinga. me ngā kaupapa mahi e hāpai ai i ngā whakaakoranga me ngā akoranga a ngā kaimahi. Ka kapohia atu te ako a ngā mokopuna ki ngā kōnae mokopuna, ā, he whānui ngā tūmomo mōhiohio o roto, pērā i ngā whakaahua, ngā tauira mahi a ngā mokopuna, me ngā kōrerorero e pā ana ki tā rātou ahu whakamua me tō rātou whakawhanaketanga. E whai wāhi atu ana ngā mokopuna ki tētahi hōtaka akoranga i āta whakamaheretia ai, i āta whakahaerehia ai hoki.

E whanake ana te māramatanga o te whānau ki ō rātou tūranga me ā rātou kawenga mō te whakahaeretanga o te kōhanga reo. E whakaraupapa ana te tūtohinga i te hītori, te tirohanga, me ngā uara o te kōhanga reo. Kei te mahere mahi te ārahitanga mārama kia tutuki ngā mahi whakahaere matua i te tari. Hui ai te whānau i ia te wā ki te whakawhiti kōrero mō ētahi wāhanga o ngā whakahaeretanga. Ka whakawhārikihia ki ngā hui ā-whānau, ko ngā pūrongo e pā ana ki ngā pūtea, me ērā hoki a te kaiako. He pai te whakahaeretanga o ngā take e pā ana ki ngā kaimahi. Kua whakatūngia e te whānau tētahi Rōpū Awhi, hei kawe i te arohaehae a ngā kaimahi. E kawea ana ngā mahi whakahaere a te whānau, hei tino painga mō ngā mokopuna.

Ngā Whakaritenga Matua ka whai ake 

Me titiro ki te aromātai hōtaka. Ahakoa ka hui ngā kaimahi, ahakoa ka tuhi rātou i ō rātou whakaaro huritao, kua tae ki te wā kia whakahāngaitia e ngā kaimahi ā rātou kōrerorero ki te whai huatanga o te hōtaka akoranga. Ka whai hua te ako a ngā mokopuna mā ngā whakaritenga e arotahi ana ki te whakapai ake.

Kua tawhito rawa ngā kaupapa here matua me ngā tukanga matua e pā ana ki te hauora me te haumaru. Me whakarite te whānau kia arotakengia, kia whakahoungia hoki ngā kaupapa here me ngā tukanga i ia te wā, kia hāngai ai ērā ki ngā herenga ā-ture o tēnei wā tonu.

Kāhore ngā hōneatanga ohotata mō te ahi me te rū whenua e whakamātauhia ana i ia te wā. Me āta whakarite te whānau i te whakatutukitanga, i te tuhi haere hoki o aua akoako ohotata i ia toru marama noa te putuputu, koni atu rānei. E whakamōrea ana te noho haumaru o ngā mokopuna.

Me āta whakarite te whānau, ina wehe ngā mokopuna i te kōhanga reo mō ngā haerenga, kia whakatutukihia tētahi arotakenga o ngā āhuatanga mōrearea e whai pānga ana ki taua haerenga. Me āta whakatau te whānau i te whakatutukitanga o ngā tuhinga katoa e pā ana ki ngā haerenga. Ka whai hua ngā mokopuna i te wā e āta whakamaurutia ana ngā āhuatanga katoa ka pā tōraro pea ki te hauora, te haumaru, me te waiora o ngā mokopuna.

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Hei whakatutuki i ngā herenga ā-ture, me tahuri rātou ki te:

• whakarite i tētahi tukanga e aromātai ai i te whai huatanga o te hōtaka akoranga

[R43 Ture Mātauranga (Kōhungahunga) 2008; C1 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

• whakarite i tētahi tukanga o te arotake whaiaro, o te aromātai o roto rānei e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai

[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]  

• āta whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako hōneatanga rū whenua e tika ana, ā, kia whakatutukihia aua mahi ki te taha o ngā tamariki i ia toru marama noa te putuputu, koni atu rānei.

[R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]  

• āta whakarite kia whakatutukihia i mua i te putanga a ngā tamariki ki waho atu i te kōhanga reo, ko te tātaritanga me te whakahaeretanga o ngā āhuatanga mōrearea, ā, nā konā, ka whakataungia te tatauranga e tika ana ki waenga i ngā pakeke me ngā tamariki.

[R46 Ture Mātauranga (Kōhungahunga) 2008; HS17 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi te whānau ki te taha o te tari ā-rohe o Te Poari Matua o Ngā Kōhanga Reo, kia whai āwhina rātou ki te whakatutuki i ngā wāhanga i tautuhia ai ki tēnei pūrongo hei take āwangawanga.

 Darcy Te Hau
Toka ā Nuku
Te Uepū-a-Motu – Māori Services

26 Kohitātea, 2023

7 Ngā kōrero e pā ana ki te Kōhanga

Te tūwāhi	Kei Te Atatū, ki Tāmaki-makau-rau
Te tau a te Tāhuhu o te Mātauranga	20349
Te tau tohu o Te Kōhanga Reo	02C018
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	30, kia tokorima ki raro i te rua o ngā tau
Te tokomaha kei runga i te rārangi ingoa	16, tokorua kei raro i te rua o ngā tau
Ngā hononga ā-iwi	Māori 16
Te wā i te kōhanga reo te rōpū arotake	Whiringa-ā-nuku 2022
Te wā o tēnei pūrongo	26 Kohitātea, 2023
Ngā pūrongo o mua a Te Tari Arotake Mātauranga	Arotake Mātauranga, Whiringa-ā-rangi 2019; Arotake Mātauranga, Here-turi-kōkā 2016

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.

2 Context

Te Kōhanga Reo o Te Kōtuku is based on the school grounds of Rutherford High School, Te Atatū, Auckland. Whānau are committed to enhancing outcomes for mokopuna. A long serving kaiako continues to provide education for mokopuna. 

3 Evaluation Focus

How well do mokopuna show they are happy learners?

Mokopuna experience a range of positive opportunities as they actively engage in learning.

4 Findings

Mokopuna learn in a nurturing and supportive environment. Kaimahi draw on a range of ways to support mokopuna to build their understanding and use of te reo Māori. These include strategies such as modelling, prompting, questioning and praise. Karakia, mihimihi and the kōhanga reo pēpeha provides formal language opportunities for mokopuna to practice te reo Māori. Tuākana are able to confidently deliver pānui in te reo. Mokopuna embrace opportunities to express themselves during throughout the day. Mokopuna are developing as confident and competent speakers of te reo.

Mokopuna show excitement when they participate in the learning programme. They sing and jump, play games freely explore their environment. Planned activities support mokopuna to pursue their interests as independent learners. Mokopuna are supported to lead aspects of the learning programme which they undertake confidently and with pride. Kaimahi model the values of aroha, manaaki and tiaki and praise mokopuna for their efforts. They use soft and gentle tones when interacting with the mokopuna. Kaimahi ensure transitioning across the learning programme are smooth and seamless. Mokopuna appear confident, happy and settled learners.

Mokopuna needs and interests underpin programme planning and assessment. Year and term plans guide the delivery of a wide range of kaupapa. Weekly plans include objectives, goals and activities that support Kaimahi teaching and learning. Mokopuna learning are captured in kōnae mokopuna and include a range of information including photos, examples of mokopuna learning and comments on their progress and development. Mokopuna experience a learning programme that is well planned and managed. 

Whānau understanding of their management roles and responsibilities are developing. The tūtohinga outlines the history, vision and values of the kōhanga reo. The annual plan provides clear guidance for completing key administrative tasks. Whānau meet regularly to discuss areas of operations. Finances and kaiako reports are tabled at whānau hui. Personnel matters are managed well. Whānau have established a Rōpū Awhi who are responsible for kaimahi appraisals. Whānau operations are managed in the best interest of the mokopuna.

Key Next Steps

Programme evaluation requires attention. While kaimahi hold hui and document their reflections, it is time for kaimahi to focus discussions of the effectiveness of the learning programme. Mokopuna learning would benefit from improvement focused practices.

Key health and safety policies and procedures are out of date. Whānau must ensure policies procedures are regularly reviewed and updated to reflect current legislative requirements.

Emergency evacuations for fire and earthquake are not regularly practised. Whānau must ensure emergency drills are carried out and documented at least every three months. Mokopuna safety is compromised.

Whānau must ensure when mokopuna leave the premises on an excursion an assessment and management of risk (RAMs) is undertaken. Whānau must ensure all relevant documentation for all excursions is thoroughly completed. Mokopuna benefit when health, safety and wellbeing risks are carefully mitigated.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

Actions for Compliance

To meet compliance requirements, they must: 

• establish a process to evaluate the effectiveness of the learning programme
  [Regulation 43 Education (Early Childhood Services) Regulations 2008; C1 Licensing Criteria for Kōhanga Reo affiliated with Te Kōhanga Reo National Trust 2008] 

• ensure there is an ongoing process of self-review or internal evaluation to help the kōhanga maintain and improve the quality of its education and care
   [Regulation 46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008] 

• ensure adults providing education and care are familiar with relevant emergency earthquake drills and carry these out with children on an at least three-monthly basis.
  [Regulation 46 Education (Early Childhood Services) Regulations 2008, HS8 Licensing criteria for kōhanga reo affiliated with the Te Kōhanga Reo National Trust 2008] 

• ensure when children leave the premises on an excursion assessment and management of risk is undertaken, and adult: child ratios are determined accordingly.
  [Regulation 46 Education (Early Childhood Services) Regulations 2008; HS17 Licensing Criteria for Kōhanga Reo affiliated with Te Kōhanga Reo National Trust 2008] 

7 Recommendation

ERO and the Kōhanga reo whānau developed the following recommendation:

• whānau work alongside the district office for support to address the areas the areas of concern identified in this report. 

Darcy Te Hau
Toka-ā-Nuku – Director
Te Uepū ā-Motu – Māori Review Services

26 January 2023

7 Information about the Kōhanga Reo

Location	Te Atatū, Auckland
Ministry of Education profile number	20349
Kōhanga Reo Identification Number	02C018
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	30 children, including up to 5 aged under 2
Service roll	16 children, including up to 2 aged under 2
Ethnic composition	Māori 16
Review team on site	October 2022
Date of this report	26 January 2023
Most recent ERO report(s)	Education Review, November 2019; Education Review, August 2016;