Kōkiri Marae Te Kōhanga Reo

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

 E tū ana Te Kōhanga Reo o Kōkiri Marae ki te marae o Kōkiri, ki te hapori o Seaview, i Te Awakairangi. Ka whakaaweawetia te kōhanga reo e ngā kaumātua e ngākau nui ana ki te whakarauora me te whakawhanake i te reo me ngā tikanga. Koia nei tētahi o ngā kōhanga reo e toru e whakahaerehia ana e te tarahiti o Kōkiri Marae Keriana Olsen. E whakarato ana te marae o Kōkiri i ngā ratonga maha e hāpai ai i ngā whānau e noho taumaha ana ki te hapori whānui.

3 Te Aronga o te Aromātai

 He pēhea rawa te ngākau nui o ngā mokopuna ki ā rātou akoranga?

Ka ngākau nui ngā mokopuna ki te taunekeneke ki ngā kaimahi e hāpai ana i ā rātou akoranga mā ngā huarahi e whai pūtake ana.

4 Ngā Whakaaturanga – Mana Whakahaere

 Kei te tūtohinga te aronga mārama mō te whakahaeretanga me ngā whakaritenga o te kōhanga reo. Arotakengia ai te katoa o ngā kaupapa here me ngā tukanga i ia te wā. Ka hāngai hoki ērā ki ngā herenga ā-ture o te wā. Ka whakamōhiotia ngā mahere rautaki ki Te Ara Tūāpae, ā, ka tautuhia ngā tūmanako matua. Ka whakatutuki ngātahi ētahi i ngā mahi a te kaiwhakahaere, arā, i te tirohanga whānui ki ngā whakahaeretanga me ngā whakaritenga o ia rā ki te kōhanga reo. E hāngai ana te katoa o ngā tuhinga kaimahi ki te wā, ā, kua āta whakatakotohia. Kua whakatutukihia te arohaehae kaimahi, ā, he tirohanga tonutanga ki te whakawhanaketanga ngaio.

Ka toro atu ngā kaiwhakahaere me ngā kaimahi ki te whānau, kia whai wāhi mai ai rātou mā ngā huarahi maha. Ka hui ngātahi, ka kōrero ngātahi ki ia whānau ki te whakapuaki me te whakanui i te ako a ngā mokopuna me tā rātou ahu whakamua. Ka whakapuakihia te whakawhanaketanga o ia mokopuna ki ngā whānau mā ngā pūkete. E ākina ana te whakapuaki whakaaro o te whānau ki te hōtaka akoranga me te kōrero urupare. Tū ai ngā hui a ngā kaimahi i ia te wā, ā, he kaha te taetae atu. Ka whakamahi i te tangongitanga o ngā tūāpapa whakawhitiwhiti kōrero kia noho mōhio ai te whānau. Ka whai wāhi nui ngā mokopuna ki tētahi taiao harikoa e āta toro atu ana ki te whānau katoa, ā, e whakatairanga ana hoki i te taunekeneke ki ngā kaimahi.

He pūtake, he takune hoki tā ngā mahere, ā, e hāngai ana ki Te Whāriki. Kei ngā meneti ngā akoranga ā-ipurangi, te hauora me te haumaru e pā ana ki te KOWHEORI 19, te wā whakamohoao, me ngā ritenga akuaku. Ka whakamahi ngā kaimahi i te whānuitanga o ngā tūmomo rautaki me ngā whakaritenga e hāpai ai i te noho harikoa me te noho mauritau hoki o ngā mokopuna. Kua āta whakatakotohia ngā tukanga me ngā whakaritenga e pā ana ki te aromātai. Ka kitea te aromātai hōtaka. Ka whakamahi ngā kaimahi i aua mōhiohio ki te whakapai ake i te hōtaka. Ko te ako, ko te hauora me te haumaru hoki o ngā mokopuna te aronga matua.

Ngā Whakaritenga Matua ka whai ake 

 Kua pā tōraro te Kowheori-19 ki te āheinga o ngā kaimahi ki te whakapā atu ki ngā kaupapa whakangungu ngaio, ki te tautoko ngaio hoki o Te Poari Matua o Ngā Kōhanga Reo. Ka akiaki, ka whakaraupapa mātua hoki ngā kaiwhakahaere i te whakapakaritanga ake o ngā mōhiotanga me ngā pūmanawa o ngā kaimahi. E tautoko ana Te Tari Arotake Mātauranga i tō rātou whakaaro ki te rapu huarahi e taea tonu ai te whakawhanake ngaio ahakoa ngā pēhitanga o te Kowheori-19 i tēnei wā.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

 I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• tūhura haere te kōhanga reo i ngā huarahi ki te whakapūmau i te haere tonutanga o ngā whai wāhitanga whakangungu o ngā kaimahi.

 

Darcy Te Hau
Toka ā Nuku
Te Uepū-a-Motu – Māori Services

14 Huitanguru, 2022

 

7 Ngā kōrero e pā ana ki te Kōhanga Reo

Te tūwāhi	Kei Seaview, ki Te Awakairangi
Te tau a te Tāhuhu o te Mātauranga	64034
Te tau tohu o Te Kōhanga Reo	09A020
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	75, kia 25 ki raro i te rua o ngā tau
Te tokomaha kei runga i te rārangi ingoa	49, kia 14 kei raro i te rua o ngā tau
Ngā hononga ā-iwi	Māori 37, Pākehā 9, Iwi kē 3
Te wā i te kōhanga reo te rōpū arotake	Whiringa-ā-nuku 2021
Te wā o tēnei pūrongo	14 Huitanguru, 2022
Ngā pūrongo o mua a Te Tari Arotake Mātauranga	Arotake Mātauranga, Here-turi-kōkā 2017; Arotake Mātauranga, Poutū-te-rangi 2014; Arotake Mātauranga, Hōngongoi 201

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Kōkiri Marae is located on Kōkiri Marae in Seaview, Lower Hutt. The kōhanga reo is inspired by kaumātua committed to the restoration and development of te reo and tikanga Māori. It is one of three kōhanga reo governed by the Kōkiri Marae Keriana Olsen Trust. Kōkiri Marae provides a number of services to support vulnerable whānau in the surrounding communities.

3 Evaluation Focus

How well do mokopuna enjoy their learning?

Mokopuna enjoy interacting with kaimahi who support their learning in meaningful ways.

4 Findings - Mana Whakahaere

The tūtohinga provides clear direction for the management and operations of the kōhanga reo. There is a regular review of all policies and procedures. These align to current legislation. Strategic planning is informed by Te Ara Tūāpae that define key aspirations. A shared kaiwhakahaere position oversees the daily operations and management of the kōhanga reo. All employee documentation is current and in place. Kaimahi appraisals are complete with an ongoing focus on professional development.

Management and kaimahi engage whānau in various ways. One-on-one meetings discussions with whānau are used to share and celebrate mokopuna learning and progress. Individual development of mokopuna is shared with whānau through profile books. Whānau are encouraged to contribute to the learning programme and give feedback. Hui kaimahi are held regularly and are well attended. A range of communication platforms are used to keep whānau informed. Mokopuna enjoy a happy environment that involves regular whānau interactions with kaimahi.

Planning has purpose and intent and aligns to Te Whāriki. Minutes include online learning, health and safety around COVID-19, the lockdown and hygiene practices. Kaimahi use a range of strategies and practices to support mokopuna to be happy and settled. Aromātai processes and practices are in place. Programme evaluation is evident. Kaimahi use this information to make improvements to the programme. Mokopuna learning and their health and safety is paramount.

Key Next Steps

Covid-19 has impacted on kaimahi access to Te Kōhanga Reo National Trust professional training and support. Management encourage and prioritise building kaimahi knowledge and capability. ERO supports their view to look at ways of maintaining ongoing professional development in a Covid-19 environment.

5 Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo developed the following recommendation:

• the kōhanga reo explore ways to sustain ongoing training opportunities for kaimahi.

 

Darcy Te Hau
Toka-ā-Nuku – Director
Te Uepū ā-Motu – Māori Review Services

14 February 2022

 

7 Information about the Kōhanga Reo

Location	Seaview, Lower Hutt
Ministry of Education profile number	64034
Kōhanga Reo Identification Number	09A020
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	75 children, including up to 25 aged under 2
Kōhanga Reo roll	49 children, including up to 14 aged under 2
Ethnic composition	Māori 37, NZ European/Pākehā 9, Other 3
Review team pre on-site	October 2021
Date of this report	14 February 2022
Most recent ERO report(s)	Education Review, August 2017; Education Review, March 2014; Education Review, July 2010.

1 Te Horopaki

E tū ana Te Kōhanga Reo o Kōkiri Marae ki Seaview, i Te Awakairangi. Koia nei tētahi o ngā kōhanga reo e toru o te rohe whānui o Ōrongomai, o Te Awakairangi, o Wainuiomata hoki e kāwanatia ana e te Kōkiri Marae Keriana Olsen Trust. E whakahaerehia ana te kōhanga reo ki roto i te whare tipuna o te marae o Kōkiri. Ka whai wāhi nui te marae ki te ao o ngā tamariki i ia rā.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou aronga toi whenuatanga me tō rātou hononga anō hoki ki ngā tāngata me ngā wāhi e karapoti ana i a rātou?

Ka kitea te tino aronga toi whenuatanga o ngā tamariki ki ngā tāngata me ngā wāhi e karapoti ana i a rātou.

Ngā Taumata Whakahirahira

E tino tautokona ana te ako a ngā tamariki i te reo Māori. Ka toro atu ngā kaimahi ki te whānuitanga o ngā tūmomo rautaki e hāpai ana i te whakawhanaketanga reo o ngā tamariki, tae atu ki te whakatauira me te whakapūmau. Ka āta whakatauira rātou i te kounga o te reo mā ngā tamariki. Ka akiaki, ka hāpai hoki ngā kaimahi i ngā taunekeneke a ngā tamariki mā te reo. Ko ngā wāhanga ōkawa o te hōtaka e hāpai ana i te ako a ngā tamariki i ngā whakatakotoranga kupu kōrero mā te tāruarua. E whakawhanake ana te tūmāia o ngā tamariki ki te whakawhiti whakaaro mā te reo Māori.

Ko te pai o ngā hononga o ngā tamariki e whakatakoto ana i te tino tūāpapa mō ā rātou akoranga. Ka mahi ngātahi ngā tamariki, ki te taha anō hoki o ō rātou hoa. Ka whakamahere ngā kaimahi i tētahi hōtaka e poipoi ana i te whakahoahoa o ngā tamariki mā te whai wāhi ngātahi ki ngā kaupapa. He tino atawhai tō ō rātou hononga ki ngā tamariki, ā, kei te tino mōhio rātou ki ia tamaiti. Ka aro atu ngā kaimahi ki ngā matea ā-tinana, ā-whatumanawa hoki o ngā pēpi, ā, ka whakapūmau rātou i te noho riterite o ngā mahinga. Ka tiaki, ka manaaki hoki ngā tuākana i ō rātou tēina. He pakari te taunekeneke a ngā tamariki ki ētahi atu.

Ka kitea te tino aronga toi whenuatanga o ngā tamariki. Ko te marae te tūrangawaewae o ngā tamariki me ō rātou whānau. Ko te marae hoki kei te pūtake o ngā kaupapa katoa. Huihui tahi ai ngā tāngata katoa o te marae ki te whare tipuna i ia āta, mō te karakia. He whai wāhitanga mō ngā tamariki ki te taunekeneke ki te tini tangata. Ka whai wāhi atu ngā tamariki ki ngā kaupapa katoa i te marae. Ka ako rātou i tō rātou tū me ā rātou kawenga mahi hei tangata whenua. Ka whakarato ngā kaimahi i ngā whai wāhitanga mō ngā tamariki ki te taki i ō rātou whakapapa, ā, ka whakapūmau tēnei i ngā hononga ki waenga i tēnā me tēnā. He tau ngā tamariki ki te wāhi nei.

Ka whai wāhi atu ngā tamariki ki te whānuitanga o ngā tūmomo wheako ako. Ka whakamahere, ka whakatinana hoki ngā kaimahi i ngā hōtaka akoranga e whai pānga ana ki te ao māoriori. Ka poipoi ngā kaimahi i ngā māramatanga o ngā tamariki ki tō rātou tū hei kaitiaki, i a rātou e tūhura ana i ngā ariā o ngā atua Māori ki te taiao. Ka whakarite ngā kaimahi kia wātea ai ki ngā tamariki te whānuitanga o ngā tūmomo rauemi ako o te kounga pai. He maha ngā wā ka kitea te tino ngākau nuitanga o ngā tamariki ki ā rātou akoranga. Ka arotahi anō hoki te hōtaka ki te whakapakari i ngā pūkenga o ngā tamariki i roto i te reo matatini me te pāngarau. He ākonga pākiki, he ākonga tūmāia anō hoki ngā tamariki.

Te Whakamahere me te Aromātai

Ko ngā tamariki te aronga o ngā whakahaeretanga katoa ki te kōhanga reo. E whai hua ana, he tōtika anō hoki ngā whakaritenga whakahaere a te tarahiti o te marae. He pakari, he mārama hoki ngā pūnaha e pā ana ki te whakahaere tari. He nui ngā tūmanako o te kaiwhakahaere, ā, ka arotahi ēnei ki te hiranga i ngā taumata katoa. Kua whakaritea tētahi rārangi mahi hei ārahi i te aromātai o roto. Pūrongo ai te kaiwhakahaere ki ngā matapopore i ngā wā e whā o te tau, mō ngā take katoa e whai pānga ana ki ngā whakahaeretanga. He matawhānui ngā pūrongo. Ka āta tāutuhia ngā take katoa. Ka whakatakotohia ngā whakataunga, ā, ka aroturukitia ngā putanga. Ko te pakari o te aromātai o roto me te whakamahere anō hoki mō te tauatanga e hāpai ana i te rōnakitanga o te kōhanga reo mō meāke nei. Ka whai hua ngā tamariki nā ngā pūnaha e arotahi ana ki te whakapai tonu i ia te wā i ngā whakaritenga.

E hāpaitia ana ngā tamariki e te tino ārahitanga i ngā taumata katoa o te kōhanga reo. Ka āwhinatia te kaiwhakahaere e te kaiako matua e ārahi ana i ngā kōhanga reo e toru. Kei ia kōhanga reo tētahi kaiako e ārahi ana i te whakawhanaketanga o te hōtaka. He ārahitanga ngātahi ki waenga i ngā kaimahi katoa. He tau ngā tamariki ki tō rātou taiao ako.

Ka ngākau nui ngā tamariki ki tētahi hōtaka e āta whakahaerehia ana, e āta whakaritea ana hoki. He pūnaha ā ngā kaimahi hei whakahaere i te whakaritenga me te whakatinanatanga o te hōtaka akoranga. He matawhānui ngā mahere me ngā mōhiohio aromatawai, ā, e tino whai kiko ana hoki. Ka aro ngā aromatawai o ngā tamariki ki ō rātou ngākau nuitanga me ā rātou akoranga. Ka whakatakotohia ā-tuhi nei te ahu whakamua me ngā whakatutukitanga i roto i te roanga o te wā. He harikoa te ako a ngā tamariki.

Ngā Whakaritenga Matua ka Whai Ake

Kāhore ngā kaimahi e āta whakatakoto ā-tuhi ana i te whai huatanga o te hōtaka ki te hāpai i te ako a ngā tamariki. Kāhore rātou e aroturuki ana i te whai pānga o te whakaritenga o te hōtaka, i ngā taumahi ako rānei, i ā rātou rautaki whakaako rānei ki ngā tamariki. 

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakarite ngā kaimahi i tētahi tukanga ki te aromātai i te hōtaka.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Kōkiri Marae i roto i te toru o ngā tau.

Lynda Pura-Watson

Kaiurungi Whakaturuki Arotake Māori

01 Hereturikōkā, 2017

Ngā kōrero e pā ana ki te kōhanga reo

Te tūwāhi	Kei Seaview, ki Te Awakairangi
Te tau a te Tāhuhu o te Mātauranga	64034
Te tau tohu o Te Kōhanga Reo	09A020
Te tūmomo raihana	He Kōhanga Reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	75, kia 25 ki raro i te rua o ngā tau
Te tokomaha kei te rārangi ingoa	59, 25 kei raro i te rua o ngā tau
Te ira tangata	Kōtiro 36 Tama 23
Ngā hononga ā-iwi	Māori	100%
Te wā i te kōhanga reo te rōpū arotake	Pipiri 2017
Te wā o tēnei pūrongo	01 Hereturikōkā, 2017
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	Poutū-te-rangi 2014 Hōngongoi 2010 Haratua 2007

1 Context

Te Kōhanga Reo o Kōkiri Marae is in Seaview, Lower Hutt. The kōhanga reo is one of three in the Hutt Valley and Wainuiomata that is governed by the Kōkiri Marae Keriana Olsen Trust. The kōhanga reo operates from the whare tipuna on Kōkiri Marae. The marae plays a significant role in the daily lives of the children.

2 The Evaluation Findings

How well do children demonstrate a sense of belonging and connection to the people and places around them?

Children demonstrate a strong sense of belonging to the people and places around them.

Ngā Taumata Whakahirahira

Children are well supported to learn te reo Māori. Kaimahi draw on a range of strategies to support children’s language development including modelling and reinforcement. They are very good language models for the children. Kaimahi encourage and support children’s language interactions. The formal part of the programme enables children to learn language patterns through repetition. Children are developing confidence to communicate in te reo Māori.

Children’s positive relationships provide a firm foundation for their learning. Children work with and alongside others. Kaimahi plan a programme that fosters children’s social interactions through shared activities. They have warm relationships with all children and know every child well. Kaimahi respond to the physical and emotional needs of babies and ensure that routines are consistent. Tuākana look after and care for their tēina. Children confidently interact with others.

Children display a strong sense of belonging. Children and their whānau view the marae as their tūrangawaewae. The marae is the focal point of all activities. The whare tipuna is the gathering place for all people on the marae complex who attend karakia every morning. Children have opportunities to interact with a range of people. Children participate in all marae activities. They learn their roles and responsibilities as tangata whenua. Kaimahi provide opportunities for children to recite their whakapapa which reinforces their connections to each other. Children are comfortable in their surroundings.

Children engage in a range of learning experiences. Kaimahi plan and implement learning programmes based on the natural world. Kaimahi foster children’s understanding of their role as kaitiaki as they explore the concepts of atua Māori in the natural environment. Kaimahi ensure that children have access to a range of quality learning resources. There are many instances where children show a high level of interest in their learning. The programme also focuses on building children’s literacy and numeracy skills. Children are curious and confident learners.

Planning and Evaluation

Children are the focus of all kōhanga reo operations. The Marae Trust has effective and efficient management structures in place. The administration systems are robust and rigorous. The manager has high expectations which focus on excellence at all levels. There is a schedule in place to guide internal evaluation. The manager reports quarterly to the trustees on all matters of operations. Reporting on operations is comprehensive. All issues are clearly identified. Resolutions are proposed and outcomes are monitored. The combination of strong internal evaluation and succession planning supports the future sustainability of the kōhanga reo. Children benefit from systems that focus on continuous improvements to practice.

Children are supported by strong leadership at all levels of the kōhanga reo. The manager is assisted in her role by a head kaiako who oversees all three kōhanga reo. Each kōhanga reo have a kaiako who leads programme development. There is collaborative leadership amongst all kaimahi. Children are secure in their learning environment.

Children enjoy a programme that is well managed and organised. Kaimahi have systems to manage the organisation and implementation of the learning programme. Planning and assessment information are comprehensive and detailed. Children’s assessments focus on their interests and learning. Progress and achievements over time are recorded. Children are happy learners.

Key Next Steps

Kaimahi do not formally record how well the programme supports children’s learning. They do not monitor the impact of programme organisation, learning activities or their teaching strategies on children.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the recommendation that kaimahi establish a process for programme evaluation.

When is ERO likely to evaluate the kōhanga reo again?

The next ERO evaluation of Te Kōhanga Reo o Kōkiri Marae will be in three years.

Lynda Pura-Watson

Deputy Chief Review Officer Māori

1 August 2017 

Information about the Kōhanga Reo 

Location	Seaview, Lower Hutt
Ministry of Education profile number	64034
Kōhanga Reo Identification Number	09A020
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	75 children, including up to 25 aged under 2
Kōhanga Reo roll	59 children, including 25 aged under 2
Gender composition	Girls 36 Boys 23
Ethnic composition	Māori		100%
Review team on site	June 2017
Date of this report	1 August 2017
Most recent ERO report(s)	Education Review Education Review Education Review	March 2014 July 2010 May 2007